ന്യൂ ഡല്ഹി: കോവിഡ് വ്യാപനത്തെ തുടര്ന്നുള്ള അടച്ചിടലില് നിന്ന് രാജ്യം കരകയറുന്നതിന്റെ ലക്ഷണങ്ങള് കണ്ടു തുടങ്ങി. നവംബറില് ജിഎസ്ടിയിനത്തില് 1,04963 കോടി രൂപ സമാഹരിച്ചു.
നടപ്പ് സാമ്പത്തിക വര്ഷത്തില് രണ്ടാം തവണയാണ് ജിഎസ്ടി കളക്ഷന് ഒരു ലക്ഷം കോടി കവിയുന്നത്. കഴിഞ്ഞ ഒക്ടോബറില് നേടിയ 1,05,155 ലക്ഷം കോടി രൂപയാണ് നടപ്പ് സാമ്പത്തിക വര്ഷത്തിലെ ഉയര്ന്ന വരുമാനം.
നവംബറില് കേന്ദ്ര ജിഎസ്ടിയായി 19189 കോടി രൂപയും സ്റ്റേറ്റ് ജിഎസ്ടിയിനത്തില് 25,540 കോടി രൂപയും സംയോജിത ജിഎസ്ടി ഇനത്തില് 51992 കോടി രൂപയും സെസായി 8242 കോടി രൂപയുമാണ് സമാഹരിച്ചത്.
കഴിഞ്ഞ വര്ഷം നവംബര് മാസത്തിലെ കണക്കുമായി താരതമ്യ ചെയ്യുമ്പോള് വരുമാനം 1.4ശതമാനം കൂടുതലാണ്. ചരക്ക് ഇറക്കുമതിയില് നിന്നുള്ള വരുമാനം 4.9 ശതമാനവും ആഭ്യന്തര ഇടപാടില് നിന്നുള്ള വരുമാനം 0.5 ശതമാനവും വര്ധിപ്പിച്ചു. ചൊവ്വാഴ്ച്ചയാണ് ധനമന്ത്രാലയം കണക്കുകള് പുറത്ത് വിട്ടത്.