ഇന്ത്യ 12.8 ശതമാനം വളർച്ച കൈവരിക്കുമെന്ന് റേറ്റിങ് ഏജൻസിയായ ഫിച്ച്

ദില്ലി; ഇന്ത്യയുടെ ജിഡിപി വളർച്ചാ 11 ശതമാനത്തിൽ നിന്ന് 12.8 ശതമാനമായി ഉയർത്തി റേറ്റിങ് ഏജൻസിയായ ഫിച്ച്. മികച്ച രീതിയിലുള്ള കൊവിഡ് നിയന്ത്രണം, സമ്പദ് ഘടനയിലെ ഉണർവ് എന്നിവ പരിഗണിച്ചാണ് ഏജൻസി റേറ്റിങ്ങ് പരിഷ്കരിച്ചത്.

കോവിഡ് പ്രതിസന്ധിയിൽ നിന്ന് രാജ്യം പ്രതീക്ഷിച്ചതിനേക്കാൾ വേഗത്തിലാണ് വളർച്ച കൈവരിക്കുന്നതെന്ന് ഫിച്ച് വ്യക്തമാക്കി. 7.3ശതമാനം ചുരുങ്ങിയ സമ്പദ്ഘടന നാലാം പാദത്തിലെത്തിയപ്പോൾ 0.4ശതമാനം വളർച്ച നേടിയതായും ഫിച്ച് റിപ്പോർട്ടിൽ പറയുന്നു.

2021ന്റെ തുടക്കത്തിൽ മികച്ച വളർച്ചയിലേക്കാണ് സാമ്പത്തിക സൂചകങ്ങൾ വിരൽചൂണ്ടുന്നത്. മാനുഫാക്ച്വറിങ് പിഎംഐ ഉയർന്ന നിരക്കിലെത്തിയതായും സർവ്വീസ് പിഎംആയിൽ മികവ് പ്രകടിപ്പിച്ചതായും ഫിച്ച് റിപ്പോർട്ടിൽ വ്യക്തമാക്കുന്നു. ഇന്ത്യയുടെ മൊത്ത ആഭ്യന്തര ഉത്പാദനം (ജിഡിപി) 2021 ൽ 12 ശതമാനം വളർച്ച കൈവരിക്കാനിടയുള്ളതായി നേരത്തേ മൂഡിസും വ്യക്തമാക്കിയിരുന്നു.

കൊവിഡ് പ്രതിസന്ധിയെ തുടർന്ന് ഏപ്രിൽ-ജൂൺ മാസങ്ങളിൽ 24.4 ശതമാനവും ജൂലൈ-സെപ്റ്റംബർ പാദത്തിൽ 7.3 ശതമാനവും ഇന്ത്യയുടെ മൊത്ത ആഭ്യന്തര ഉത്പാദനം ചുരുങ്ങി. എന്നിരുന്നാലും, ഒക്ടോബർ-ഡിസംബർ പാദത്തിൽ ജിഡിപി വളർച്ച 0.4 ശതമാനം ഉയർന്നു. പ്രതീക്ഷിച്ചതിലും ശക്തമായ ഈ 0.4 ശതമാനം ജിഡിപി വളർച്ച ഇന്ത്യയുടെ ദീർഘകാല സാധ്യതകളെ കൂടുതൽ അനുകൂലമാക്കിയതായി മൂഡീസ് അനലിറ്റിക്സ് വ്യക്തമാക്കിയിരുന്ു.