ഇന്ത്യയിൽ നിന്ന് യുകെയിലേക്കുള്ള വിമാന സർവീസുകൾക്കായി എയർ ഇന്ത്യ ബുക്കിംഗ് ആരംഭിച്ചു. ജനുവരി 6 മുതൽ ബ്രിട്ടനിലേക്കുള്ള വിമാന സർവീസ് പുനരാരംഭിക്കും. ഇന്ത്യയും യുകെയും തമ്മിലുള്ള എയർ ഇന്ത്യ വിമാനങ്ങളുടെ ബുക്കിംഗ് ആരംഭിച്ചതായി എയർ ഇന്ത്യ ട്വീറ്റിൽ പറഞ്ഞു. ഈ ഫ്ലൈറ്റുകൾ സാധാരണ ഫ്ലൈറ്റുകൾക്ക് പുറമേയാണ്.
ബുക്കിംഗ് നടത്താം
എയർ ഇന്ത്യ വെബ്സൈറ്റ്, ബുക്കിംഗ് ഓഫീസുകൾ, കോൾ സെന്റർ, അംഗീകൃത ട്രാവൽ ഏജന്റുമാർ എന്നിവ വഴി ബുക്കിംഗ് നടത്താം. ജനുവരി 6 മുതൽ ഇന്ത്യയിൽ നിന്ന് യുകെയിലേക്കുള്ള വിമാന സർവീസുകൾ പുനരാരംഭിക്കുമെന്നും ബ്രിട്ടനിൽ നിന്ന് ഇന്ത്യയിലേക്കുള്ള വിമാന യാത്ര ജനുവരി എട്ട് മുതൽ അനുവദിക്കുമെന്നും കേന്ദ്ര സിവിൽ ഏവിയേഷൻ മന്ത്രി ഹർദീപ് സിംഗ് പുരി വ്യക്തമാക്കി.
എയർ ഇന്ത്യ വിൽപ്പന: താത്പര്യം പ്രകടിപ്പിച്ച് ടാറ്റയും അമേരിക്കൻ കമ്പനിയായ ഇന്റെറപ്സും
വിമാന സർവ്വീസുകൾ
ഓരോ ആഴ്ചയും 30 വിമാനങ്ങൾ സർവീസ് നടത്തും. 15 ഇന്ത്യൻ വിമാന കമ്പനികളും 15 യുകെ വിമാനക്കമ്പനികളെയുമാണ് ഓരോ ആഴ്ച്ചയിലും സർവ്വീസിനായി അനുവദിച്ചിരിക്കുന്നത്. ജനുവരി 23 വരെ ഈ ഷെഡ്യൂൾ സാധുതയുള്ളതാണെന്നും മന്ത്രി കൂട്ടിച്ചേർത്തു. ഡൽഹ, മുംബൈ, ബെംഗളൂരു, ഹൈദരാബാദ് എന്നിവിടങ്ങളിൽ നിന്ന് മാത്രമേ ജനുവരി 23 വരെ വിമാന സർവീസുകൾ അനുവദിക്കൂ.
എമിറേറ്റ്സും എത്തിഹാദും, ഒമാൻ എയറും കോഴിക്കോട് വിടുന്നു; കോഴിക്കോട് ഇനി ചെറിയ വിമാനങ്ങൾ മാത്രം
ഫ്ലൈറ്റ് ഷെഡ്യൂൾ
- മുംബൈ - ലണ്ടൻ ഹീത്രോ
- ഡൽഹി - ലണ്ടൻ ഹീത്രോ
- ലണ്ടൻ ഹീത്രോ - മുംബൈ
- ലണ്ടൻ ഹീത്രോ - ഡൽഹി
- മുംബൈ - ലണ്ടൻ ഹീത്രോ
- ലണ്ടൻ ഹീത്രോ - മുംബൈ
നിരോധനം
ഡിസംബർ 23 മുതൽ ജനുവരി 7 വരെ ഇരുരാജ്യങ്ങളെയും ബന്ധിപ്പിക്കുന്ന എല്ലാ യാത്രാ വിമാനങ്ങളും ഇന്ത്യ നിർത്തിവച്ചിരുന്നു. ഇന്ത്യയിലെ പുതിയ കോവിഡ് -19 വേരിയന്റുമായി ബന്ധപ്പെട്ട കേസുകൾ കണ്ടെത്തിയതിനെത്തുടർന്നാണ് നിയന്ത്രണങ്ങൾ ഏർപ്പെടുത്തിയത്. തെക്കു കിഴക്കൻ ഇംഗ്ലണ്ടിൽ ആദ്യമായി പ്രത്യക്ഷപ്പെട്ട ജനിതക മാറ്റം സംഭവിച്ച വൈറസ്, നേരത്തെ കണ്ടെത്തിയ SARS-CoV-2 പതിപ്പിനേക്കാൾ കൂടുതൽ പകർച്ചാശേഷിയുള്ളതാണെന്നാണ് കണ്ടെത്തിയത്.
യുകെയിലേയ്ക്കുള്ള വിമാന സർവ്വീസുകൾ ഡിസംബർ 31 വരെ ഇന്ത്യ നിർത്തിവച്ചു