ഇന്ത്യൻ ഓയിൽ തത്കാൽ സേവനം: ബുക്ക് ചെയ്ത മണിക്കൂറുകൾക്കുള്ളിൽ ഗ്യാസ് സിലിണ്ടർ വീട്ടിലെത്തും

ഒരു ഗ്യാസ് സിലിണ്ടർ മാത്രമുള്ള ഉപഭോക്താക്കൾക്ക് 'തത്കാൽ' ബുക്കിംഗ് സേവനം നൽകാൻ ഇന്ത്യൻ ഓയിൽ കോർപ്പറേഷൻ (ഐഒസി) തീരുമാനിച്ചു. ഈ പുതിയ സേവനം അനുസരിച്ച് ബുക്ക് ചെയ്ത് രണ്ട് മണിക്കൂറിനുള്ളിൽ ഉപഭോക്താക്കൾക്ക് അവരുടെ വീട്ടുപടിക്കൽ ഗ്യാസ് സിലിണ്ടർ ലഭിക്കും.

2021 ജനുവരി 16 മുതൽ ഗ്രേറ്റർ ഹൈദരാബാദിന്റെ പരിധിക്കുള്ളിൽ ഒരു പരീക്ഷണമായാണ് തെലങ്കാന സംസ്ഥാനത്ത് 'ശിലഭാരത ജീവനം' എന്ന പേരിൽ ഈ പദ്ധതി ആരംഭിച്ചിരിക്കുന്നത്. ഫെബ്രുവരി 1 മുതൽ ഈ പദ്ധതി ആരംഭിക്കാനാണ് കേന്ദ്രസർക്കാർ ആദ്യം തീരുമാനിച്ചിരുന്നത്. എന്നാൽ, 'സംക്രാന്തി ഉത്സവം' കണക്കിലെടുത്ത് ശനിയാഴ്ച മുതൽ പദ്ധതി നടപ്പാക്കാൻ തീരുമാനിക്കുകയായിരുന്നു. ഹൈദരാബാദിന് ശേഷം ഈ പദ്ധതി മറ്റ് ജില്ലകളിലേക്കും വ്യാപിപ്പിക്കും.

lpg

സിലിണ്ടറിന്റെ 'തത്കാൽ' ബുക്കിംഗിനായി ഉപയോക്താക്കൾ 25 രൂപ അധികമായി നൽകണം. രാവിലെ 8 മുതൽ ഉച്ചയ്ക്ക് 2 വരെ ബുക്ക് ചെയ്താൽ പ്രവൃത്തി ദിവസങ്ങളിൽ ഗ്യാസ് സിലിണ്ടർ രണ്ട് മണിക്കൂറിനുള്ളിൽ ഉപഭോക്താക്കളുടെ വീട്ടുവാതിൽക്കൽ എത്തിക്കും. ഈ സൗകര്യത്തിനായി പുതിയ 'ആപ്പ്' ആരംഭിക്കാനും ഐഒസി അധികൃതർ തയ്യാറെടുക്കുന്നുണ്ട്.

ബുക്കിംഗ് രസീത് ഹാജരാക്കാതെ തന്നെ പാചക വാതകം ഓൺലൈൻ ബുക്കിംഗിന്റെ അടിസ്ഥാനത്തിൽ വിതരണം ചെയ്യും. സിലിണ്ടറിന്റെ വിലയെക്കുറിച്ചുള്ള വിവരങ്ങൾ ഉപയോക്താക്കൾക്ക് നൽകുകയും ചെയ്യും.