എഫ്ഡി: പലിശ നിരക്ക് ഉയർത്തി ബാങ്കുകൾ, ഇപ്പോൾ നിക്ഷേപിച്ചാൽ കൂടുതൽ നേട്ടമുണ്ടാക്കാം

ഇന്ത്യയിലെ പ്രമുഖ ബാങ്കുകളെല്ലാം തന്നെ മത്സരിച്ച് നിക്ഷേപങ്ങൾക്കുള്ള പലിശ നിരക്ക് വർധിപ്പിക്കുകയാണ്. ബാങ്കിംഗ് രംഗത്ത് അനുഭവപ്പെടുന്ന പണലഭ്യത കുറവാണ് ഇതിന് കാരണം. പലിശ നിരക്ക് വർധിപ്പിക്കുന്നതിന് പുറമെ മുതിർന്ന പൗരന്മാർക്ക് കൂടുതൽ ആനുകൂല്യങ്ങൾ വാഗ്ദാനം ചെയ്തും ബൾക്ക് ഡെപ്പോസിറ്റ് സ്കീമുകൾ രൂപകൽപ്പന ചെയ്ത് അവതരിപ്പിച്ചുമെല്ലാം കൂടുതൽ നിക്ഷേപങ്ങളെ ആകർഷിക്കുകയാണ് ബാങ്കുകൾ. ഏറ്റവും ഒടുവിൽ ഐഡിബിഐ ബാങ്കും സൂപ്പർ സീനിയർ പൗരന്മാർക്കുള്ള സ്ഥിര നിക്ഷേപങ്ങളുടെ പലിശ കുത്തനെ വർധിപ്പിച്ചു. അതേസമയം ബാങ്ക് ഓഫ് ബറോഡ ലിക്വിഡ് ഫിക്സഡ് ഡിപ്പോസിറ്റ് സ്കീമും ആരംഭിച്ചിട്ടുണ്ട്.

ഐഡിബിഐ ബാങ്ക് കഴിഞ്ഞ ദിവസം 'ഐഡിബിഐ ചിരഞ്ജീവി-സൂപ്പർ സീനിയർ സിറ്റിസൺ എഫ്ഡി' അവതരിപ്പിച്ചിരുന്നു. 80 വയസും അതിനുമുകളിലും പ്രായമുള്ള വ്യക്തികൾക്കായി മാത്രമുള്ള ഒരു സ്ഥിര നിക്ഷേപ പദ്ധതിയാണിത്. ഫിക്സഡ് ഡിപ്പോസിറ്റ് (സ്ഥിര നിക്ഷേപം) നിരക്കുകളേക്കാൾ 65 ബേസിസ് പോയിറുകളും (ബിപിഎസ്) മുതിർന്ന പൗരന്മാരുടെ നിരക്കുകളേക്കാൾ 15 ബിപിഎസും സ്കീം വാഗ്ദാനം ചെയ്യുന്നു. ഈ സ്കീമിന് കീഴിലുള്ള പലിശ നിരക്കുകളിൽ 555 ദിവസത്തെ കാലാവധിക്ക് 8.05 ശതമാനം, 375 ദിവസത്തേക്ക് 7.9 ശതമാനം, 444 ദിവസങ്ങൾക്ക് 8 ശതമാനം, 700 ദിവസത്തേക്ക് 7.85 ശതമാനം എന്നിങ്ങനെയാണ് ബാങ്ക് പലിശ നിരക്ക് വാഗ്ദാനം ചെയ്യുന്നത്. 2025 ജനുവരി 13 മുതൽ പദ്ധതി പ്രാബല്യത്തിൽ വന്നുകഴിഞ്ഞു.

ബാങ്ക് ഓഫ് ബറോഡയുടെ ലിക്വിഡ് സ്ഥിര നിക്ഷേപങ്ങൾക്ക് കീഴിൽ, ഉപഭോക്താക്കൾക്ക് 5,000 രൂപയുടെ പ്രാഥമിക നിക്ഷേപത്തിന് ശേഷം 1,000 രൂപയുടെ യൂണിറ്റുകളിൽ പിൻവലിക്കാം. 5,000 രൂപയിൽ കൂടുതലുള്ള നിക്ഷേപങ്ങളും 1,000 രൂപയുടെ ഗുണിതങ്ങളായിരിക്കണം. റീട്ടെയിൽ നിക്ഷേപങ്ങൾ 3 കോടിയിൽ താഴെയുള്ളവയാണ്, അതേസമയം ഈ പരിധിക്ക് മുകളിലുള്ള നിക്ഷേപങ്ങളെ ബൾക്ക് ഡെപ്പോസിറ്റുകളായി കണക്കാക്കുന്നു.

നിലവിലുള്ള നിരക്കുകളെ അടിസ്ഥാനമാക്കിയുള്ള പലിശ നിരക്കുകൾ നിക്ഷേപ കാലാവധി 12 മുതൽ 60 മാസം വരെയാണ്. അതേസമയം മുതിർന്നവർക്കും സൂപ്പർ സീനിയർ പൗരന്മാർക്കും അധിക പലിശ വാഗ്ദാനം ചെയ്യുന്നു. ഉദാഹരണത്തിന്, മുതിർന്ന പൗരന്മാർക്ക് മൂന്ന് വർഷം വരെയുള്ള നിക്ഷേപങ്ങൾക്ക് 0.5 ശതമാനം അധികവും മൂന്ന് വർഷം മുതൽ അഞ്ച് വർഷം വരെയുള്ള നിക്ഷേപങ്ങൾക്ക് 0.6 ശതമാനം അധികവും ലഭിക്കും. സൂപ്പർ സീനിയർ സിറ്റിസൺസ് ഒരു വർഷത്തിൽ കൂടുതലുള്ള നിക്ഷേപങ്ങളിൽ 0.1 ശതമാനം അധികമായി ആസ്വദിക്കുന്നു.