ദില്ലി: വിമാനയാത്രക്കാർക്ക് സന്തോഷവാർത്തയുമായി ആഭ്യന്തര വിമാന കമ്പനിയായ ഇൻഡിഗോ എയർലൈൻസ്. ഇന്ത്യയിലെ രണ്ട് നഗരങ്ങളിൽ വീടുതോറുമുള്ള ബാഗേജ് ട്രാൻസ്ഫർ സേവനം ആരംഭിക്കുന്നതായാണ് പ്രഖ്യാപനം.
ഇൻഡിഗോയുടെ പുതിയ '6 ഇബാഗ്പോർട്ട്' ഉപയോഗിച്ച് ഉപഭോക്താക്കളുടെ ബാഗേജ് ഫലപ്രദമായും സുരക്ഷിതമായും തിരഞ്ഞെടുത്ത് വീടുകളിലെത്തിച്ച് നൽകുന്നതാണ് സർവീസ്.
ഇനി യുപിഐ ആപ്പ് ഉപയോഗിച്ചും എടിഎമ്മിൽ നിന്ന് പണം പിൻവലിക്കാം; പുതിയ സംവിധാനം
കാർട്ട്പോർട്ടറുമായി സഹകരിച്ച് മുംബൈയിലും ബെംഗളൂരുവിലും '6 ഇബാഗ്പോർട്ട്' സൗകര്യം ആരംഭിക്കുമെന്നാണ് ഇൻഡിഗോ അറിയിച്ചിട്ടുള്ളത്. '6 ഇബാഗ്പോർട്ട്' സേവനം വിമാനം പുറപ്പെടുന്നതിന് 24 മണിക്കൂർ മുമ്പ് എപ്പോൾ വേണമെങ്കിലും ലഭ്യമാക്കാം. കാർട്ടർഎക്സിന്റെ പ്ലാറ്റ്ഫോം എന്ന വെബ്സൈറ്റ് www.6EBagPort.carterporter.in വഴി യാത്രക്കാർക്ക് അത്തരം സേവനങ്ങൾ പ്രയോജനപ്പെടുത്താം.
ലോകത്ത് കൊവിഡ് വ്യാപനം തടയുന്നതിന് വേണ്ടി ലോക്ക്ഡൌൺ പ്രഖ്യാപിച്ചതോടെ മുൻകൂറായി ബുക്ക് ചെയ്ത ടിക്കറ്റ് നിരക്ക് യാത്രക്കാർക്ക് തിരിച്ചുനൽകാൻ സുപ്രീം കോടതി ഉത്തരവിട്ടിരുന്നു. സുപ്രീംകോടതി നൽകിയ ഉത്തരവ് പാലിച്ച് 1,030 കോടി രൂപ ഉപഭോക്താക്കൾക്ക് തിരികെ നൽകിയതായി ഈ ആഴ്ച ആദ്യം ഇൻഡിഗോ അറിയിച്ചിരുന്നു. 99.95 ശതമാനം റീഫണ്ടിംഗും പൂർത്തിയാക്കിയതായി ഇൻഡിഗോ എയർലൈൻ ഒരു പ്രസ്താവനയിൽ വ്യക്തമാക്കിയിരുന്നു. എന്നാൽ ഇനി പൂർത്തിയാക്കാനുള്ളത് പണമിടപാടുകളാണ്. അതിനായി ഉപയോക്താക്കളുടെ ബാങ്ക് അക്കൌണ്ട് വിവരങ്ങൾക്കായി കാത്തിരിക്കുകയാണെന്നും കമ്പനി കൂട്ടിച്ചേർത്തു.
അതേസമയം, ഇൻഡിഗോ മാർച്ച് 28 മുതൽ യുഡാൻ പദ്ധതി പ്രകാരം 14 പുതിയ വിമാന സർവീസുകളാണ് ആരംഭിച്ചത്. ഭുവനേശ്വർ- അലഹബാദ്, ഭുവനേശ്വർ-വാരണാസി, ഭോപ്പാൽ-അലഹബാദ്, ദിബ്രുഗഡ്, ദിമാപൂർ, ഷില്ലോംഗ്-അഗർത്തല, ഷില്ലോംഗ്-സിൽചാർ തുടങ്ങി വിവിധ റൂട്ടുകളിലാണ് ഈ വിമാന സർവീസുകൾ ആരംഭിച്ചത്.