ഇൻഡിഗോ വാലന്റൈൻസ് ഡേ സെയിൽ: വെറും 999 രൂപയ്ക്ക് വിമാന ടിക്കറ്റുകൾ

ഇന്ത്യയിലെ ഏറ്റവും വലിയ ആഭ്യന്തര വിമാനക്കമ്പനിയായ ഇൻഡിഗോ ഫെബ്രുവരി 11 മുതൽ നാല് ദിവസത്തെ പ്രത്യേക വാലന്റൈൻ ഡേ സെയിൽ പ്രഖ്യാപിച്ചു. ആഭ്യന്തര റൂട്ടുകളിൽ വെറും 999 രൂപ മുതലുള്ള ടിക്കറ്റികൾ ഈ ദിവസങ്ങളിൽ ലഭ്യമാണ്. ഈ ഓഫറിന് കീഴിൽ ഇൻഡിഗോ ഡിസ്കൗണ്ട് നിരക്കിൽ 10 ലക്ഷം സീറ്റുകളാണ് വാഗ്ദാനം ചെയ്യുന്നത്.

ഈ വിൽ‌പനയ്‌ക്ക് കീഴിലുള്ള ടിക്കറ്റുകൾ‌ 2020 ഫെബ്രുവരി 11 നും ഫെബ്രുവരി 14 നും ഇടയിൽ ബുക്ക് ചെയ്യാം. ഈ വർഷം മാർച്ച് 1 നും സെപ്റ്റംബർ 30 നും ഇടയിലുള്ള യാത്രകൾക്കുള്ള ടിക്കറ്റുകളാണ് ഇപ്പോൾ ബുക്ക് ചെയ്യാൻ അവസരം. ബുക്കിംഗ് തീയതി കഴിഞ്ഞ് കുറഞ്ഞത് 15 ദിവസമെങ്കിലും കഴിഞ്ഞായിരിക്കണം യാത്രാ തീയതി തിരഞ്ഞെടുക്കേണ്ടത്.

ഇൻഡിഗോ വാലന്റൈൻസ് ഡേ സെയിൽ: വെറും 999 രൂപയ്ക്ക് വിമാന ടിക്കറ്റുകൾ

എച്ച്ഡിഎഫ്സി പേസാപ്പ് വാലറ്റ് വഴി ടിക്കറ്റ് ബുക്ക് ചെയ്യുന്ന ഉപഭോക്താക്കൾക്ക് 1000 രൂപ വരെ അല്ലെങ്കിൽ 15% അധിക ക്യാഷ്ബാക്ക് ലഭിക്കുമെന്നും എയർലൈൻസ് അറിയിച്ചു. ഫെഡറൽ ബാങ്ക് ഡെബിറ്റ് കാർഡ് വഴി ബുക്കിംഗ് ചെയ്യുമ്പോൾ 10 ശതമാനം ക്യാഷ്ബാക്ക് അല്ലെങ്കിൽ 1500 രൂപ വരെയും ഇൻഡസ്ഇൻഡ് ബാങ്ക് ക്രെഡിറ്റ് കാർഡ് ഉപയോഗിച്ച് ബുക്ക് ചെയ്യുമ്പോൾ ഇഎംഐ പേയ്‌മെന്റുകളിൽ 12 ശതമാനം ക്യാഷ്ബാക്ക് അല്ലെങ്കിൽ 5,000 രൂപ വരെയും അധിക ഇളവുകൾ ലഭിക്കും.

ഇൻഡിഗോ വെബ്‌സൈറ്റിൽ നൽകിയിരിക്കുന്ന വിവരം അനുസരിച്ച് ഡൽഹി മുതൽ അഹമ്മദാബാദ്, അമൃത്സർ റൂട്ടിലേക്കുള്ള ടിക്കറ്റുകൾ 1,699 രൂപ മുതൽ ലഭ്യമാണ്. ഡൽഹി - ഔറംഗബാദ്, ഡൽഹി-ബാഗ്ഡോഗ്ര റൂട്ടിലേയ്ക്കുള്ള ടിക്കറ്റുകൾ യഥാക്രമം 3,099 രൂപ, 2,499 രൂപ നിരക്കിൽ ലഭ്യമാണ്. ജനപ്രിയ ഡൽഹി-ബെംഗളൂരു റൂട്ടിൽ ഇൻഡിഗോ ടിക്കറ്റുകൾ 2,799 രൂപ നിരക്കിലും ഡൽഹി - ഭുവനേശ്വർ റൂട്ടിൽ ടിക്കറ്റ് നിരക്ക് 2,999 രൂപ മുതലുമാണ് ആരംഭിക്കുന്നത്.