ഇന്ത്യയിൽ നാളെ മുതൽ അന്താരാഷ്ട്ര വിമാന സർവീസുകൾക്ക് നിരോധനം

കോവിഡ് -19 ന്റെ വ്യാപനം തടയുന്നതിനുള്ള ശ്രമങ്ങളുടെ ഭാഗമായി നാളെ മുതൽ ഒരാഴ്ചത്തേക്ക് വാണിജ്യ അന്താരാഷ്ട്ര വിമാന സർവീസുകൾ നടത്തുന്നതിന് ഇന്ത്യൻ സർക്കാർ വിലക്ക് ഏർപ്പെടുത്തി. വിദേശികൾ രാജ്യത്തേയ്ക്ക് എത്തുന്നത് താൽക്കാലികമായി രാജ്യത്ത് നിരോധിച്ചു. 2020 മാർച്ച് 22 മുതൽ ഒരാഴ്ചത്തേക്ക് അന്താരാഷ്ട്ര വാണിജ്യ പാസഞ്ചർ വിമാനങ്ങളൊന്നും ഇന്ത്യയിൽ ഇറങ്ങാൻ അനുവദിക്കില്ലെന്ന് സർക്കാർ കഴിഞ്ഞ ദിവസം വ്യക്തമാക്കിയിരുന്നു.

സർക്കാർ നിർദ്ദേശത്തിനുപുറമെ, ഇന്ത്യൻ വ്യോമയാന റെഗുലേറ്റർ ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡിജിസിഎ) പ്രത്യേക പ്രസ്താവനയിലും ഇക്കാര്യം അറിയിച്ചു. അന്താരാഷ്ട്ര വാണിജ്യ പാസഞ്ചർ വിമാനങ്ങൾ ഇന്ത്യയിൽ ഇറങ്ങാൻ പരമാവധി 20 മണിക്കൂർ സമയം അനുവദനീയമാണെങ്കിലും ഒരു വിമാനത്തെയും അനുവദിക്കില്ലെന്നും മാർച്ച് 22 ന് രാത്രി 8 മണിക്ക് ശേഷം ഇന്ത്യൻ മണ്ണിൽ വിദേശിയരെയും വിദേശ രാജ്യങ്ങളിൽ നിന്ന് വരുന്ന ഇന്ത്യക്കാരെയും ഇറങ്ങാൻ അനുവദിക്കില്ലെന്നും വ്യക്തമാക്കി.

ഇന്ത്യയിൽ നാളെ മുതൽ അന്താരാഷ്ട്ര വിമാന സർവീസുകൾക്ക് നിരോധനം

ഞങ്ങളുടെ പ്രവർത്തനങ്ങളിൽ ഈ പ്രഖ്യാപനത്തിന്റെ സ്വാധീനം വിലയിരുത്തി ഉചിതമായ നടപടി സ്വീകരിക്കുമെന്ന് സിംഗപ്പൂർ എയർലൈൻ പ്രസ്താവനയിൽ വ്യക്തമാക്കിയിരുന്നു. ലോകമെമ്പാടുമുള്ള ആയിരക്കണക്കിന് ആളുകളുടെ ജീവൻ അപഹരിച്ച കോവിഡ് -19 പകർച്ചവ്യാധിയുടെ വ്യാപനം തടയുന്നതിനായാണ് ഈ നിയന്ത്രണം ഏർപ്പെടുത്തിയിരിക്കുന്നത്.

കോവിഡ് -19 മൂലം ആഗോളതലത്തിൽ പതിനായിരക്കണക്കിന് പേരാണ് മരിച്ചത്. രോഗബാധിതരുടെ എണ്ണം 260000 കേസുകൾ പിന്നിട്ടു. ജോൺസ് ഹോപ്കിൻസ് സർവകലാശാലയുടെ ഏറ്റവും പുതിയ കണക്കുകൾ പ്രകാരം. യുഎസ് ഉൾപ്പെടെയുള്ള പല സർക്കാരുകളും വൈറസ് വ്യാപനം തടയുന്നതിന്റെ ഭാഗമായി വിദേശികളുടെ പ്രവേശനം നിയന്ത്രിച്ചിരിക്കുകയാണ്. യാത്രാ നിയന്ത്രണങ്ങൾ ഗതാഗത, ടൂറിസം മേഖലകളെ ബാധിച്ചതിനാൽ മിക്ക ഇന്ത്യൻ വിമാനക്കമ്പനികളും അന്താരാഷ്ട്ര, ആഭ്യന്തര വിമാന സർവീസുകൾ റദ്ദാക്കി. ഇൻഡിഗോ, ഗോ എയർ, എയർ ഇന്ത്യ തുടങ്ങിയ കമ്പനികൾ സർവ്വീസുകൾ നിർത്തുന്നതായി അറിയിച്ചിരുന്നു. കോവിഡ് -19 വ്യാപനം ഉടൻ തടയാനായില്ലെങ്കിൽ ആഗോളതലത്തിൽ വിമാനക്കമ്പനികൾക്ക് 113 ബില്യൺ ഡോളർ വരുമാനനഷ്ടമുണ്ടാകുമെന്ന് വ്യോമയാന വ്യവസായ ലോബി ഗ്രൂപ്പായ ഇന്റർനാഷണൽ എയർ ട്രാൻസ്പോർട്ട് അസോസിയേഷൻ (ഐ‌എ‌ടി‌എ) മുന്നറിയിപ്പ് നൽകി.