പോക്കറ്റ് കാലിയാവില്ല, ഈ രണ്ട് ഓഹരികൾ തുട‍ർച്ചയായ മുന്നേറ്റത്തിൽ: ഇന്ന് വാങ്ങാവുന്ന കിടിലൻ സ്റ്റോക്ക് പിക്ക്

വീഴാതെ ഇന്നലെയും ഓഹരി വിപണി മുന്നേറി. വിപണി ആരംഭിച്ചപ്പോൾ നഷ്ടത്തിലേക്ക് പോയെങ്കിലും ഇന്നലെ നേട്ടത്തിൽ തന്നെ ക്ലോസ് ചെയ്തു. ആഗോള തലത്തിലെ മാറ്റങ്ങളാണ് ഇതിന് പ്രധാന കാരണം. ഇന്നലെ നിഫ്റ്റി 16.25 പോയിൻ്റ് അഥവാ 0.064% ഉയർന്ന് 25,212.05ൽ ക്ലോസ് ചെയ്തു. സെൻസെക്സ് 63.57 പോയിൻ്റ് അഥവാ 0.077% ഉയർന്ന് 82,634.48ൽ ക്ലോസ് ചെയ്തു

"25,200നു മുകളിൽ ഉയർന്ന നിഫ്റ്റി ഒരു തിരിച്ചുവരവിന്റെ പ്രാരംഭ സൂചനകൾ കാണിച്ചിട്ടുണ്ട്. എന്നിരുന്നാലും, 25,350-ന് മുകളിൽ നിർണ്ണായകമായ ബ്രേക്ക്‌ഔട്ട് ശക്തമായ ഉയർച്ച ഉറപ്പാക്കും. സൂചിക അതിന്റെ 20-ദിന EMA-യുടെ താഴെ തുടരുകയും 25,250-25,330 ശ്രേണിയിൽ പ്രതിരോധം നേരിടുകയും ചെയ്യുന്നിടത്തോളം കാലം, ഏതെങ്കിലും കുതിപ്പ് വിതരണ സമ്മർദ്ദങ്ങൾ നേരിടാൻ സാധ്യതയുണ്ട്," എന്ന് SAMCO സെക്യൂരിറ്റീസിലെ ഡെറിവേറ്റീവ്‌സ് റിസർച്ച് അനലിസ്റ്റ് ധുപേഷ് ധമേജ അഭിപ്രായപ്പെട്ടു.

ഇന്ന് വാങ്ങാവുന്ന ഓഹരികൾ

ഇന്ന് ജൂലൈ 17 വ്യാഴാഴ്ച വാങ്ങാവുന്ന മികച്ച രണ്ട് ഓഹരികൾ ചോയ്സ് ബ്രോക്കിംഗിലെ സുമീത് ബഗാഡിയ ശുപാർശ ചെയ്തു. ടാറ്റാ പവർ കമ്പനി, ബാങ്ക് ഓഫ് ബറോഡ എന്നീ ഓഹരികളാണ് ബഗാഡിയ നിർദ്ദേശിച്ചിരിക്കുന്നത്. രണ്ട് ഓഹരികളെ കുറിച്ചും വിശദമായി അറിയാം. 

ടാറ്റ പവർ കമ്പനി 

ഇന്നലെ അവസാനിച്ച സെഷനിൽ ടാറ്റാ പവർ ഓഹരികൾ മികച്ച പ്രകടനം കാഴ്ച വെച്ചു. 2 ശതമാനത്തിലധികം ഉയർന്ന ഓഹരികൾ ഇന്നലെ 414.70 രൂപയിൽ വ്യാപാരം ക്ലോസ് ചെയ്തു. ഇത് തുടർച്ചയായ ഉയർച്ചയെ അടയാളപ്പെടുത്തുന്നു. അതായത് ടാറ്റ പവർ ഓഹരി വില 417 രൂപക്ക് മുകളിൽ തുടരുകയാണെങ്കിൽ ഇത് 450 രൂപയിലേക്ക് എത്താൻ സാധിക്കും. 

RSI 64.49-ൽ കുതിച്ചുയരുന്നുവെന്ന് കാണിക്കുന്നു. ഇത് വാങ്ങൽ ശക്തി വർദ്ധിച്ചിരിക്കുന്നു എന്ന് കാണിക്കുന്നു. നിലവിലെ വിപണി സാഹചര്യം അനുസരിച്ച് സ്റ്റോപ്പ്-ലോസ് 400 രൂപ നിലനിർത്തി ലക്ഷ്യ വില 450 രൂപയിൽ നിശ്ചയിക്കാം.

ബാങ്ക് ഓഫ് ബറോഡ ഓഹരികൾ

സമീപകാലങ്ങളിലായി ബാങ്ക് ഓഫ് ബറോഡ ഓഹരികൾ പോസിറ്റീവ് നേട്ടം കൈവരിക്കുന്നുണ്ട്. ഇന്നലെയും പതിവ് തെറ്റിച്ചിട്ടില്ല. അതിനാൽ ഇതിൻ്റെ വാങ്ങൽ ശേഷി വർദ്ധിച്ചിട്ടുണ്ട് എന്ന് അനുമാനിക്കാം. ഇന്നലെ ഓഹരികൾ 1 ശതമാനത്തിലധികം കുതിച്ച് 249.08 രൂപയിൽ ക്ലോസ് ചെയ്തു.

ദൈനംദിനചാർട്ടിൽ ഇത് ഒരു ബ്രേക്ക്‌ഔട്ടിന് സമീപമാണ്. 258 ന് മുകളിൽ ക്ലോസ് ചെയ്യുന്നത് ഈ ബ്രേക്ക്‌ഔട്ട് സ്ഥിരീകരിക്കുന്നു. എല്ലാ പ്രധാന EMAകളും 20-ദിനം മുതൽ 200-ദിനം വരെ—ഉയർത്തുകയും ഓഹരി അവയ്ക്ക് മുകളിലായി വ്യാപാരം നടത്തുകയും ചെയ്യുന്നു. RSI 61.39-ൽ നിൽക്കുകയും കൂടുതൽ ഉയരുകയും ചെയ്യുന്നു.

അപ്രതീക്ഷിത വിപണി മാറ്റങ്ങളും അപകട സാധ്യതകളും കണക്കിലെടുത്ത് കൊണ്ട് ബാങ്ക് ഓഫ് ബറോഡ ഓഹരികൾ 240 രൂപയിൽ സ്റ്റോപ്പ്-ലോസ് നിലനിർത്താം. മാത്രമല്ല ഇതിൻ്റെ പോസിറ്റീവ് പ്രകടനം മൂലം ഓഹരിയുടെ ലക്ഷ്യ വില 270 രൂപ നിശ്ചയിക്കാം.

ഇന്നത്തെ വിപണിയിൽ ഈ ഓഹരികൾ വാങ്ങുന്നുണ്ടോ? രണ്ട് ഓഹരികളും മികച്ച ലാഭം നൽകും. 

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.