മ്യൂച്വൽ ഫണ്ടിൽ ഇനിയും നിക്ഷേപിച്ചില്ലേ? മികച്ച റിട്ടേണുകൾ ലഭിക്കുന്ന സ്കീമുകൾ ഇതെല്ലാമാണ്

മ്യൂച്വൽ ഫണ്ടുകളുടെ പ്രാധാന്യത്തെ കുറിച്ച് എല്ലാവർക്കും അറിയാവുന്നതാണ്. നിരവധി നിക്ഷേപകരിൽ നിന്നും ചെറിയ തുകകൾ സ്വരുക്കൂട്ടി വെച്ച് സമാഹരിച്ച് ഒരു വലിയ തുകയായി മാറ്റുന്നു. ഇതിൽ നിന്നും നിക്ഷേപകർക്ക് പലിശയും ഉറപ്പാക്കാം. മലയാളികളായ പലരും മ്യൂച്വൽ ഫണ്ടുകളിൽ നിക്ഷേപിക്കുന്നുണ്ട്. പ്രധാനമായും പലർക്കും മ്യൂച്വൽ ഫണ്ടിനോടുള്ള ഭയം ഉണ്ടാവാനുള്ള കാരണം സുരക്ഷിതമല്ലാത്ത റിട്ടേൺ ആയതിനാലാണ്. എന്നാൽ മറ്റ് പ്രതിസന്ധികൾ നേരിട്ടില്ലെങ്കിൽ വലിയ തുക സമ്പാദിക്കാൻ ഏറ്റവും ബെസ്റ്റ് ഓപ്ഷനും മ്യൂച്വൽ ഫണ്ട് തന്നെ.

നിരവധി മ്യൂച്വൽ ഫണ്ട് സ്കീമുകൾ നിലവിൽ ഉണ്ട്. ഓരോന്നിനും വ്യത്യസ്ത പലിശ നിരക്കാണ് ഈടാക്കാണ്. അതായത് സാമ്പത്തിക മേഖലയിൽ അപ്രതീക്ഷിത ഇടിവുകൾ സംഭവിച്ചാൽ തീർച്ചയായും അത് മ്യൂച്വൽ ഫണ്ടിനേയും ബാധിക്കും. ചിലപ്പോൾ നിക്ഷേപിച്ച മുഴുവൻ തുകയും നഷ്ടപ്പെട്ടേക്കാം.

എന്താണ് മ്യൂച്വൽ ഫണ്ട്, ​ഗുണങ്ങൾ

ആർക്കു വേണമെങ്കിലും മ്യൂച്വൽ ഫണ്ടിൽ നിക്ഷേപിക്കാം. നിക്ഷേപകരിൽ നിന്നും ചെറിയ തുകകൾ വാങ്ങി ഒരു വലിയ തുക സമാഹരിക്കുന്നു. അതായത് ഈ പണം ഒരു ഫണ്ട് മാനേജർ ഓഹരികളിൽ നിക്ഷേപിക്കുന്നു. കാലാവധി പൂർത്തിയാവുമ്പോഴോ അല്ലെങ്കിൽ ആവശ്യം വരുമ്പോഴോ നമുക്ക് ഈ തുക പിൻവലിക്കാം. ഓഹരികൾ ഉയരുമ്പോൾ നിങ്ങളുടെ നിക്ഷേപത്തിന്റെ മൂല്യവും വർദ്ധിക്കുന്നു. ഓഹരി ഇടിഞ്ഞാൽ നിക്ഷേപം പൂർണമായും നഷ്ടപ്പെടാനും സാധ്യതയുണ്ട്.

പ്രധാനപ്പെട്ട മ്യൂച്വൽ ഫണ്ടുകൾ

• കാനറ റോബെക്കോ ബ്ലൂചിപ്പ് ഇക്വിറ്റി ഫണ്ട്

• മിറേ അസറ്റ് ലാർജ് ക്യാപ് ഫണ്ട്

• പരാഗ് പരീഖ് ഫ്ലെക്സി ക്യാപ് ഫണ്ട്

• യു.ടി.ഐ ഫ്ലെക്സി ക്യാപ് ഫണ്ട്

• ആക്സിസ് മിഡ്ക്യാപ് ഫണ്ട്

• കൊട്ടക് എമർജിംഗ് ഇക്വിറ്റി ഫണ്ട്

• ആക്സിസ് സ്മോൾ ക്യാപ് ഫണ്ട്

• എസ്.ബി.ഐ സ്മോൾ ക്യാപ് ഫണ്ട്

• എസ്.ബി.ഐ ഇക്വിറ്റി ഹൈബ്രിഡ് ഫണ്ട്

• മിറേ അസറ്റ് ഹൈബ്രിഡ് ഇക്വിറ്റി ഫണ്ട്

ഈ സ്കീമുകളെല്ലാം മികച്ച റിട്ടേണുകൾ ലഭിക്കുന്നവയാണ്. എന്നാൽ ലാഭ നഷ്ടങ്ങളെ കുറിച്ച് എല്ലാ മ്യൂച്വൽ ഫണ്ടുകളിലും പരാമർശിക്കാറുണ്ട്. അത്തരം കാര്യങ്ങൾ കൃത്യമായി മനസിലാക്കേണ്ടതുണ്ട്. ആദ്യം മ്യൂച്വൽ ഫണ്ടിലെ ഓരോ പ്രത്യേക വിഭാ​ഗങ്ങളെയും കുറിച്ച് വിശദമായി മനസിലാക്കാം;

• അ​ഗ്രസ്സീവ് ഹൈബ്രിഡ് ഫണ്ട്

ഇക്വിറ്റി മ്യൂച്വൽ ഫണ്ടുകളിലേക്ക് പുതുതായി വരുന്നവർക്ക് ഏറ്റവും അനുയോജ്യമാണ് അഗ്രസീവ് ഹൈബ്രിഡ് സ്കീമുകൾ. ഈ സ്കീമുകൾ ഇക്വിറ്റി (65-80%), ഡബ്റ്റ് (20-35) എന്നിവയുടെ മിശ്രിതമാണ്. ഇക്വിറ്റി നിക്ഷേപകർക്ക് വലിയ ദീർഘകാല നിക്ഷേപിക്കാൻ ആ​ഗ്രഹിക്കുന്ന മികച്ച സ്കീം തന്നെയാണ് അ​ഗ്രസ്സീവ് ഹൈബ്രിഡ് ഫണ്ട്.

• ലാർജ് ക്യാപ് ഫണ്ട്

ചില ഇക്വിറ്റി നിക്ഷേപകർ ഓഹരികളിൽ നിക്ഷേപിക്കുമ്പോഴും സുരക്ഷിതമായി നിക്ഷേപിക്കാനാണ് ശ്രമിക്കുന്നത് അത്തരം ആളുകൾക്കു വേണ്ടിയാണ് ലാർജ് ക്യാപ് സ്കീമുകൾ. നിങ്ങൾക്ക് സ്ഥിരമായി ഒരേ പോലെ മിതമായ നിരക്കിൽ തുക റിട്ടേൺ വേണമെന്ന് ആഗ്രഹിക്കുന്നുവെങ്കിൽ ലാർജ് ക്യാപ് സ്കീമുകളിൽ നിക്ഷേപിക്കണം.

• ഫ്ലക്സി ക്യാപ്

ഓഹരി വിപണിയിൽ നിക്ഷേപിക്കാൻ ആഗ്രഹിക്കുന്ന ഒരു സാധാരണ ഇക്വിറ്റി നിക്ഷേപകന് ഏറ്റവും മികച്ച സ്കീം തന്നെയാണ് ഫ്ലെക്സി ക്യാപ് മ്യൂച്വൽ ഫണ്ടുകൾ. ഈ സ്കീമുകളിൽ ഒരു സാധാരണക്കാരൻ നിക്ഷേപിച്ചാൽ ഏതെങ്കിലും മേഖലകളിലെയും ഓഹരികളുടെ വിഭാഗങ്ങളിലെയും ഉയർച്ചക്കൊപ്പം നേട്ടം ഉറപ്പാക്കാം.

• മിഡ് ക്യാപ്, സ്മോൾ ക്യാപ്

അധിക റിസ്ക് എടുത്ത് അധിക വരുമാനം നേടാൻ ആ​ഗ്രഹിക്കുന്നവർക്ക് മിഡ് ക്യാപ്, സ്മോൾ ക്യാപ് സ്കീമുകൾ മികച്ച ഓപ്ഷനാണ്. മിഡ് ക്യാപ് സ്കീമുകൾ കൂടുതലും ഇടത്തരം കമ്പനികളിലും സ്മോൾ ക്യാപ് ഫണ്ടുകൾ മാർക്കറ്റ് ക്യാപിറ്റലൈസേഷൻ്റെ അടിസ്ഥാനത്തിൽ ചെറിയ കമ്പനികളിലും നിക്ഷേപിക്കുന്നു. ഈ സ്കീമിലൂടെ ദീർഘകാലത്തേക്ക് മികച്ച റിട്ടേണുകൾ നൽകാൻ കഴിയും. എന്നാൽ അതിലുപരി ചില അപകട സാധ്യതയും ഈ സ്കീമുകളിൽ നിലനിൽക്കുന്നുണ്ട്.