ബിറ്റ്‌കോയിനെ കടത്തിവെട്ടി ഇറീഡിയം ലോഹം; അറിയേണ്ടതെല്ലാം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ഈ വര്‍ഷം ഏറ്റവും കൂടുതല്‍ തിളങ്ങിയ നിക്ഷേപം ഏത്? ബിറ്റ്‌കോയിന്‍ എന്നായിരിക്കും മിക്കവരുടെയും ഉത്തരം. ശരിയാണ്. ആരെയും അമ്പരപ്പിക്കുന്ന നേട്ടമാണ് 2021 -ല്‍ ബിറ്റ്‌കോയിന്‍ നടത്തുന്നത്. കോവിഡ് ഭീതിയില്‍ സമ്പദ്ഘടന നിശ്ചലമായപ്പോഴും ബിറ്റ്‌കോയിന്‍ വില കുതിച്ചുയര്‍ന്നു. പക്ഷെ ബിറ്റ്‌കോയിനല്ല, മറിച്ച് ഇറീഡിയമെന്ന അത്യപൂര്‍വ ലോഹമാണ് 2021 -ല്‍ ഏറ്റവും ഉയര്‍ന്ന നേട്ടം കയ്യടക്കുന്ന നിക്ഷേപം. പ്ലാറ്റിനം, പലേഡിയം എന്നിവയുടെ ഖനനത്തിനിടെ ലഭിക്കുന്ന ഉപോത്പന്നമാണ് ഇറീഡിയം.

 
ബിറ്റ്‌കോയിനെ കടത്തിവെട്ടി ഇറീഡിയം ലോഹം; അറിയേണ്ടതെല്ലാം

ഈ ജനുവരി മുതലുള്ള കണക്കു പരിശോധിച്ചാല്‍ ഇറീഡിയം ലോഹത്തിന്റെ വില 131 ശതമാനം വര്‍ധിച്ചത് കാണാം. ബിറ്റ്‌കോയിന്‍ പോലും 85 ശതമാനം നേട്ടമേ ഇക്കാലയളവില്‍ കയ്യടക്കിയുള്ളൂ. കോവിഡ് ഭീതിയെത്തുടര്‍ന്ന് വിതരണം മുടങ്ങിയതും ഇലക്ട്രോണിക് സ്‌ക്രീനുകളുടെ നിര്‍മാണാവശ്യങ്ങള്‍ക്കായി ഇറീഡിയത്തിന്റെ ഡിമാന്‍ഡ് വര്‍ധിച്ചതും ഈ ലോഹത്തിന്റെ മൂല്യം വര്‍ധിക്കാനുള്ള പ്രധാന കാരണങ്ങളാണ്.

 

മറ്റു വിലയേറിയ ലോഹങ്ങളെ അപേക്ഷിച്ച് ഇറീഡിയത്തിന്റെ വിപണി ചെറുതാണ്. അതുകൊണ്ട് ഉത്പാദനത്തില്‍ സംഭവിക്കുന്ന ചെറിയ പ്രശ്‌നങ്ങള്‍ പോലും ഇറീഡിയം ലോഹത്തിന്റ വിലയില്‍ വലിയ സ്വാധീനം ചെലുത്തും. ഇതേസമയം, സ്വര്‍ണമോ വെള്ളിയോ വാങ്ങുന്നതുപോലെ ഇറീഡിയത്തില്‍ നിക്ഷേപം നടത്താന്‍ സാധാരണ നിക്ഷേപകര്‍ക്ക് കഴിയില്ല. വ്യവസായ മേഖലയുമായി ബന്ധപ്പെട്ട നിക്ഷേപകരാണ് ഇറീഡിയം വാങ്ങാറ്. ഇടിഎഫുകള്‍ (എക്‌സ്‌ചേഞ്ച് ട്രേഡഡ് ഫണ്ട്) ഇറീഡിയം വില്‍പ്പന നടക്കാറുമില്ല. സാധാരണയായി മുന്‍നിര നിര്‍മാതാക്കളില്‍ നിന്നും നേരിട്ടാണ് ചില്ലറ നിക്ഷേപകര്‍ ഇറീഡിയം കൈക്കലാക്കാറ്.

സ്പാര്‍ക്ക് പ്ലഗുകളുടെ നിര്‍മാണത്തിലും ഇറീഡിയം ഉപയോഗിക്കാറുണ്ട്. നിലവില്‍ ഔണ്‍സിന് 6,000 ഡോളറാണ് ഇറീഡിയത്തിന്റെ വില നിലവാരം. അതായത് സ്വര്‍ണത്തിന്റെ മൂന്നിരട്ടി വില ഇറീഡിയം അവകാശപ്പെടുന്നു. തിങ്കളാഴ്ച്ച 57,283 നിരക്കിലാണ് ബിറ്റ്‌കോയിന്‍ വ്യാപാരം നടക്കുന്നത്. ഇന്ത്യന്‍ രൂപയില്‍ ബിറ്റ്‌കോയിന്‍ വാങ്ങണമെങ്കില്‍ 41.68 ലക്ഷം രൂപ ഇന്ന് മുടക്കണം. രാജ്യാന്തര വിപണിയില്‍ സ്വര്‍ണവിലയും ഇന്ന് ഇടിഞ്ഞത് കാണാം. ഔണ്‍സിന് 22 സെന്റ് കുറഞ്ഞ് 1,711.10 ഡോളറിലേക്ക് സ്വര്‍ണത്തിന്റെ നിലവാരം ചുരുങ്ങി.

Read more about: bitcoin
English summary

Iridium Metal Gave More Return Than Bitcoin This Year

Iridium Metal Gave More Return Than Bitcoin This Year. Read in Malayalam.
Story first published: Monday, March 29, 2021, 22:01 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X