വില പറന്നത് 6.45 രൂപയിൽ നിന്നും 739 രൂപയിലേക്ക്, ഇതാ 1.2 കോടി രൂപ ലാഭം നൽകിയ ഓഹരി, കയ്യിലുണ്ടോ..?

പെന്നി ഓഹരികളിലെ നിക്ഷേപം ബമ്പർ ലോട്ടറി പോലെയാണ്. ഒന്നുകിൽ വലിയ ലാഭം, അല്ലെങ്കിൽ നഷ്ടം. കാരണം പെന്നി ഓഹരികളുടെ വളർച്ചയും തളർച്ചയും പ്രവചിക്കുക എന്നത് എളുപ്പമുള്ള കാര്യമല്ല. പക്ഷെ ഓഹരി വില കുറവായത് കൊണ്ടുതന്നെ വലിയ നഷ്ടം സഹിക്കേണ്ടിവരില്ല എന്നത് ആശ്വാസമാണ്. കഴിഞ്ഞ 12 വർഷത്തിനിടെ നിക്ഷേപകർക്ക് 12,200 ശതമാനത്തിലധികം ലാഭം നൽകിയ ഒരു ഓഹരി വിശദാംശങ്ങൾ ഇപ്പോൾ നമുക്ക് പരിശോധിക്കാം. 12 വർഷത്തിനിടെ ഈ ഓഹരിയുടെ വില 6.45 രൂപയിൽ നിന്നും 793 രൂപയിലേക്കാണ് കത്തിക്കയറിയത്. ഏതാണ് ലക്ഷപ്രഭുവിലെ കോടീശ്വരനാക്കിയ ആ ഓഹരി എന്നാണോ ആലോചിക്കുന്നത്. അതാണ് ഇസ്മോ ലിമിറ്റഡ് (IZMO Limited).

ഇസ്മോ ലിമിറ്റഡ്

1995ൽ സ്ഥാപിതമായ, ബെംഗളൂരു ആസ്ഥാനമായ മൈക്രോക്യാപ് കമ്പനിയാണിത്. ഐ.ടി-സോഫ്റ്റ് വെയർ മേഖലയിൽ ബിസിനസ് ചെയ്യുന്നു. ഇസ്മോ ടൂൾകിറ്റ്, ഇസ്മോ വെബ് പ്ലാറ്റ്ഫോം എന്നിവ വഴി ഇ-റീടെയിലിങ് സൊല്യൂഷനുകൾ നൽകുന്നു. ഓൺലൈൻ കാർ ആനിമേഷൻ & ഗ്രാഫിക്സ്, കാർ ഡീലർഷിപ്പുമായി ബന്ധപ്പെട്ട് സമഗ്രമായ ഡിജിറ്റൽ മാർക്കറ്റിങ് പ്രോഗ്രാമുകൾ തുടങ്ങിയവയും കമ്പനി നൽകുന്നു.

ഓഹരി വിപണിയിലെ പ്രകടനം

എൻഎസ്ഇയിൽ 793.50 രൂപ എന്നതാണ് ഓഹരിയുടെ നിലവിലെ വില. ആറ് മാസത്തിനിടെ 117 ശതമാനത്തിന്‍റെ വളർച്ചയാണ് സെമി കണ്ടക്ടർ ഓഹരി നേടിയത്. കഴിഞ്ഞ അഞ്ച് വർഷത്തിനിടെ ഇസ്മോയുടെ ഓഹരികൾ നിക്ഷേപകർക്ക് 1,520% ത്തിലധികം വരുമാനം നൽകിയിട്ടുണ്ടെന്നും കഴിഞ്ഞ ഒരു വർഷത്തിനിടെ 938% ത്തിലധികം വരുമാനം നൽകിയിട്ടുണ്ടെന്നും എൻ‌എസ്‌ഇ ഓഹരി വില ഡാറ്റ കാണിക്കുന്നു.

വാർഷികാടിസ്ഥാനത്തിൽ (YTD) കമ്പനിയുടെ ഓഹരികൾ 2025 ൽ 40.32% ഉയർന്നുവെങ്കിലും കഴിഞ്ഞ ഒരു മാസ കാലയളവിൽ 19.15% നഷ്ടം നേരിട്ടുവെന്നും ഡാറ്റ എടുത്തുകാണിക്കുന്നു. ഇന്ത്യൻ ഓഹരി വിപണിയിൽ കഴിഞ്ഞ അഞ്ച് മാർക്കറ്റ് സെഷനുകളിലായി ഇസ്മോയുടെ ഓഹരി വില 6.93% കുറഞ്ഞു. സെപ്റ്റംബർ 29-ന് ഇസ്മോ ഓഹരികൾ 52 ആഴ്ചയിലെ ഏറ്റവും ഉയർന്ന നിലയായ 1,374.70-ൽ എത്തി. അതേസമയം 52 ആഴ്ചയിലെ ഏറ്റവും താഴ്ന്ന വില 229.70 രൂപയാണ്. 12 വർഷം മുൻപ് 1,00,000 നിക്ഷേപിച്ചിരുന്നെങ്കിൽ ഇപ്പോൾ അതിന്‍റെ മൂല്യം 1.23 കോടി രൂപയായിരിക്കും.

വിപുലീകരണ പദ്ധതികൾ

സെമികണ്ടക്ടർ പാക്കേജിംഗിലേക്കും ഒപ്‌റ്റോഇലക്‌ട്രോണിക് സൊല്യൂഷനുകളിലേക്കും തങ്ങളുടെ പ്രവർത്തനങ്ങൾ വികസിപ്പിക്കാൻ പദ്ധതിയിടുന്നതായി ഇസ്‌മോ ലിമിറ്റഡ് ഡിസംബർ 1-ആം തീയ്യതി പറഞ്ഞിരുന്നു. ഇന്ത്യയിലെ മൊത്തത്തിലുള്ള 5G, ആർട്ടിഫിഷ്യൽ ഇന്റലിജൻസ് (AI) വികാസത്തിനിടയിൽ, ഒപ്റ്റിക്കൽ ട്രാൻസ്‌സിവർ ഡിമാൻഡ് മാർക്കറ്റ് നിലവിലെ 13.5 ബില്യൺ ഡോളറിൽ നിന്ന് 28 ബില്യൺ ഡോളറിലെത്തുമെന്ന് പ്രതീക്ഷിക്കുന്നതിനാൽ, 2030 ആകുമ്പോഴേക്കും 14% സംയുക്ത വാർഷിക വളർച്ചാ നിരക്ക് (CAGR) പ്രതീക്ഷിക്കുന്നതായി കമ്പനി വെളിപ്പെടുത്തി.

സിലിക്കൺ ഫോട്ടോണിക്‌സിനായുള്ള സെമികണ്ടക്ടർ പാക്കേജിംഗ് വിപണി ഇന്നത്തെ 2 ബില്യൺ ഡോളറിൽ നിന്ന് 10 ബില്യൺ ഡോളറിലധികം ഉയരുമെന്ന് പ്രതീക്ഷിക്കുന്നതായും ഇത് 25-27% സിഎജിആർ കൊണ്ടുവരുമെന്നും ഇസ്‌മോ പറഞ്ഞു .

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.