ജെഇഇ മെയിന്‍ 2026 ഫലം: ഉത്തരസൂചിക ഇവിടെ ഡൗണ്‍ലോഡ് ചെയ്യാം, സ്‌കോര്‍കാര്‍ഡുകള്‍ ഉടന്‍

ജെഇഇ 2026 സെഷന്‍ 1 ഉത്തര സൂചിക പുറത്തിറക്കിയിരിക്കയാണ് നാഷണല്‍ ടെസ്റ്റിംഗ് ഏജന്‍സി (എന്‍ടിഎ). ഒന്‍പത് ചോദ്യങ്ങള്‍ ഒഴിവാക്കി. അന്തിമ ഉത്തര സൂചിക jeemain.nta.nic.in-ല്‍ ലഭ്യമാണ്. ഉത്തര സൂചിക ഒത്തുനോക്കി ഉത്തരങ്ങള്‍ സ്ഥിരീകരിക്കാം.

ജനുവരി 21 മുതല്‍ ജനുവരി 28 വരെ നടത്തിയ പരീക്ഷകളുമായി ബന്ധപ്പെട്ട ഉത്തര സൂചികകളാണ് ഇപ്പോള്‍ പുറത്തുവിട്ടിരിക്കുന്നത്.

ഗണിതശാസ്ത്രം, ഭൗതികശാസ്ത്രം, രസതന്ത്രം എന്നിവയുടെ ചോദ്യ ഐഡികളും ശരിയായ ഉത്തരങ്ങളും ഇതില്‍ ഉള്‍ക്കൊള്ളിച്ചിരിക്കുന്നു. ഫലങ്ങള്‍ ഈ ഉത്തരങ്ങളെ അടിസ്ഥാനമാക്കിയാണ് തയ്യാറാക്കിയിരിക്കുന്നത്.

ജെഇഇ മെയിന്‍ 2026 സ്‌ക്കോറുകളെ അടിസ്ഥാനമാക്കിയാണ്, രാജ്യത്തെ സ്വകാര്യ, സര്‍ക്കാര്‍ ബിഇ/ബിടെക്, ബിആര്‍ക്, ബിപ്ലാനിംഗ് ബിരുദ പ്രോഗ്രാമുകളിലേയ്ക്കുള്ള പ്രവേശനം 

ജെഇഇ മെയിന്‍ 2026 സെഷന്‍ 1 പരീക്ഷ
ജനുവരി 21 മുതല്‍ ജനുവരി 29 വരെ നടത്തിയ കമ്പ്യൂട്ടര്‍ അധിഷ്ഠിത പരീക്ഷകളായിരുന്നു ഇവ. എല്ലാ ദിവസവും രണ്ട് ഷിഫ്റ്റുകളിലായാണ് പരീക്ഷകള്‍ നടന്നത് - രാവിലെ 9 മുതല്‍ ഉച്ചയ്ക്ക് 12 വരെയും ഉച്ചകഴിഞ്ഞ് 3 മുതല്‍ വൈകുന്നേരം 6 വരെയും.

ബിഇ/ബിടെക് പേപ്പറുകള്‍ക്ക്, ജനുവരി 21 മുതല്‍ ജനുവരി 28 വരെ പരീക്ഷ നടത്തി.

കഴിഞ്ഞ വര്‍ഷം, ഫെബ്രുവരി 11 നാണ് എന്‍ടിഎ ജനുവരി സെഷന്‍ ഫലങ്ങള്‍ പ്രഖ്യാപിച്ചത്. ജനുവരി 22 മുതല്‍ ജനുവരി 30 വരെയായിരുന്നു പരീക്ഷകള്‍. അന്തിമ ഉത്തരസൂചികയില്‍ നിന്ന് 12 ചോദ്യങ്ങള്‍ ഒഴിവാക്കുകയും ചെയ്തു.

ജെഇഇ മെയിന്‍ ഫലം 2026:  സ്‌കോറുകളുടെ ഉപയോഗം
ജെഇഇ മെയിന്‍ 2026 ന്റെ മെറിറ്റ് ലിസ്റ്റും സ്‌കോറുകളും കേന്ദ്ര, സംസ്ഥാന സര്‍ക്കാര്‍ സ്ഥാപനങ്ങള്‍ക്ക് ഉപയോഗിക്കാം. എന്നാല്‍ പ്രവേശനം അവരുടെ യോഗ്യതാ മാനദണ്ഡങ്ങള്‍, ചട്ടങ്ങള്‍, മാര്‍ഗ്ഗനിര്‍ദ്ദേശങ്ങള്‍, നിയമങ്ങള്‍ എന്നിവയ്ക്ക് വിധേയമായിരിക്കും.

ജെഇഇ മെയിന്‍ ഫലം 2026: പുനര്‍മൂല്യനിര്‍ണ്ണയവും പുനഃപരിശോധനയും
ഫലങ്ങളുടെ പുനര്‍മൂല്യനിര്‍ണ്ണയത്തിനോ പുനഃപരിശോധനയ്ക്കോ വ്യവസ്ഥയില്ല. ഇതുമായി ബന്ധപ്പെട്ട ഒരു കത്തിടപാടുകളും പരിഗണിക്കില്ല.

ജെഇഇ മെയിന്‍ ഫലം 2026: ആരുടെ ഫലങ്ങള്‍ പ്രഖ്യാപിക്കില്ല?
പരീക്ഷയില്‍ കൃത്രിമം നടത്തിയതായി (യുഎംപി) കണ്ടെത്തിയ ഉദ്യോഗാര്‍ത്ഥികളുടെ ഫലങ്ങള്‍ റദ്ദാക്കും. അവ പ്രഖ്യാപിക്കില്ല. അനുവദിച്ചിട്ടുള്ള കേന്ദ്രത്തില്‍ നിന്ന് വ്യത്യസ്തമായ ഒരു കേന്ദ്രത്തില്‍ ഹാജരായവരുടേയും മറ്റൊരാള്‍ പരീക്ഷ എഴുതിയവരുടേയും ഫലങ്ങള്‍ റദ്ദാക്കപ്പെടും.

ഒരേ സെഷനില്‍ ഒന്നിലധികം തവണ ഹാജരായ ഏതൊരു ഉദ്യോഗാര്‍ത്ഥിയുടെയും സാധുത റദ്ദാക്കും. ബാധകമായ യുഎഫ്എം മാര്‍ഗ്ഗനിര്‍ദ്ദേശങ്ങള്‍ അനുസരിച്ച് അവരെ ഡീബാര്‍ ചെയ്യും. ഇതുമായി ബന്ധപ്പെട്ട ഒരു അപേക്ഷയും പരിഗണിക്കില്ല.