ജെഫ് ബെസോസിന്റെ മുൻ ഭാര്യ മക്കെൻസി സ്കോട്ട് ദുരിതാശ്വാസ ഫണ്ടിലേയ്ക്ക് നൽകിയത് 4 ബില്യൺ ഡോളർ

ആമസോൺ ഉടമയും ലോക കോടീശ്വരനുമായ ജെഫ് ബെസോസിന്റെ മുൻ ഭാര്യ മക്കെൻസി സ്കോട്ട് കഴിഞ്ഞ നാല് മാസത്തിനുള്ളിൽ 4.1 ബില്യൺ ഡോളറാണ് ഭക്ഷ്യ ബാങ്കുകളിലേയ്ക്കും അടിയന്തര ദുരിതാശ്വാസ ഫണ്ടുകളിലേയ്ക്കും സംഭാവന നൽകിയത്. കഴിഞ്ഞ ദിവസം ഒരു ബ്ലോഗ്‌പോസ്റ്റിൽ, കൊവിഡ് -19 മഹാമാരി മൂലം കഷ്ടപ്പെടുന്ന അമേരിക്കക്കാർക്കും സാമ്പത്തിക പ്രത്യാഘാതങ്ങൾ അനുഭവിക്കുന്നവർക്കും ഉടനടി പിന്തുണ നൽകണമെന്ന് സ്കോട്ട് പറഞ്ഞു.

പ്യൂർട്ടോ റിക്കോ, വാഷിംഗ്ടൺ ഡിസി എന്നീ 50 സംസ്ഥാനങ്ങളിലായി 384 സ്ഥാപനങ്ങൾക്ക് 4,158,500,000 രൂപ മക്കെൻസി സംഭാവനയായി നൽകിയിട്ടുണ്ട്. ഭക്ഷ്യ ബാങ്കുകൾ, അടിയന്തര ദുരിതാശ്വാസ ഫണ്ടുകൾ, ഏറ്റവും ദുർബലരായവർക്കുള്ള പിന്തുണാ സേവനങ്ങൾ എന്നിവയിലേയ്ക്കാണ് മക്കെൻസി സംഭാവന നൽകിയിട്ടുള്ളത്.

ജെഫ് ബെസോസിന്റെ മുൻ ഭാര്യ മക്കെൻസി സ്കോട്ട് ദുരിതാശ്വാസ ഫണ്ടിലേയ്ക്ക് നൽകിയത് 4 ബില്യൺ ഡോളർ

വംശീയ സമത്വം, എൽജിബിടിക്യു അവകാശങ്ങൾ, പൊതുജനാരോഗ്യം, കാലാവസ്ഥാ വ്യതിയാനം എന്നിവയുൾപ്പെടെ കഴിഞ്ഞ വർഷം 1.7 ബില്യൺ ഡോളർ സംഭാവന നൽകിയതായി ജൂലൈയിൽ സ്കോട്ട് വ്യക്തമാക്കിയിരുന്നു.

ലോകത്തെ ഏറ്റവും ധനികനായ ബെസോസിൽ നിന്ന് വിവാഹബന്ധം വേർ പിരിഞ്ഞതിനുശേഷം സമ്പത്തിന്റെ ഭൂരിഭാഗവും സംഭാവന ചെയ്യാനുള്ള പ്രതിജ്ഞാബദ്ധതയുടെ ഭാഗമായി കഴിഞ്ഞ വർഷം സ്കോട്ട് ഗിവിംഗ് പ്രതിജ്ഞയിൽ ഒപ്പു വച്ചിരുന്നു. ആമസോണിൽ 4% ഓഹരികളാണ് നിലവിൽ സ്കോട്ടിനുള്ളത്.