ജിയോ വരിക്കാ‍ർ അറിഞ്ഞോ? 149 രൂപയുടെ റീചാർജ് പ്ലാനിൽ മാറ്റം, ഡേറ്റയും വാലിഡിറ്റിയും കുറച്ചു

ടെലികോം ഓപ്പറേറ്റർ റിലയൻസ് ജിയോ 149 രൂപയുടെ റീചാർജ് പ്ലാനിൽ മാറ്റം വരുത്തി. എന്നാൽ പുതിയ പ്ലാനിൽ ജിയോ സൗജന്യ ഐയുസി വോയ്‌സ് കോളുകൾ അനുവദിച്ചിട്ടുണ്ട്. നേരത്തെ, 149 രൂപയുടെ പ്രീപെയ്ഡ് പ്ലാനിന് 28 ദിവസത്തെ വാലി‍‍ഡിറ്റിയും 42 ജിബി ഡാറ്റയുമായിരുന്നു ലഭിച്ചിരുന്നത്. എന്നാൽ ഇപ്പോൾ 149 രൂപയുടെ പ്ലാൻ ജിയോ ഓൾ-ഇൻ-വൺ പ്ലാനായാണ് മാറിയിരിക്കുന്നത്. പുതുക്കിയ പായ്ക്ക് 24 ദിവസത്തെ വാലിഡിറ്റിയും 36 ജിബി ഡാറ്റയുമാണ് ഉപഭോക്താക്കൾക്ക് നൽകുന്നത്.

ടോപ്പ്-അപ്പ് വൗച്ചർ

ജിയോ ഇതര നമ്പറുകളിലേക്ക് വിളിക്കാൻ, നിങ്ങൾക്ക് 10 രൂപയുടെ മുതൽ ടോപ്പ്-അപ്പ് വൗച്ചറുകൾ വാങ്ങാം. അത്തരത്തിലുള്ള ഓരോ 10 രൂപയുടെ വൗച്ചറിലും 1 ജിബി സൗജന്യ ഡാറ്റാ ലഭിക്കും. ജിയോ അപ്ലിക്കേഷനുകളിലേക്കുള്ള കോംപ്ലിമെന്ററി സബ്‌സ്‌ക്രിപ്‌ഷന് പുറമെ നിങ്ങൾക്ക് ദിവസവും 100 എസ്എംഎസുകളും ഇതുവഴി ലഭിക്കും.

222 രൂപയുടെ പ്ലാൻ

149 പ്ലാനിന്റെ ഏറ്റവും അടുത്ത എതിരാളി 28 ദിവസത്തെ വാലിഡിറ്റിയുള്ള 222 രൂപയുടെ റീചാർജ് പ്ലാനാണ്, 56 ജിബിയുടെ ഉയർന്ന ഡാറ്റാ ആനുകൂല്യമാണ് ഈ പ്ലാൻ നിങ്ങൾക്ക് നൽകുന്നത്. ജിയോ ഇതര നമ്പറുകളിലേക്ക് ഉപഭോക്താക്കൾക്ക് 1,000 മിനിറ്റ് സൗജന്യ കോളിംഗ് ലഭിക്കും. കൂടാതെ, 56 ജിബി ഡാറ്റയും 28 ദിവസത്തെ വാലിഡിറ്റിയുമുള്ള ജിയോയുടെ മറ്റൊരു പ്ലാനാണ് 198 രൂപയുടെ റീച്ചാർജ് പ്ലാൻ.

മറ്റ് പ്ലാനുകൾ

പുതുക്കിയ 149 രൂപയുടെ പ്ലാനിനു പുറമെ, 444 രൂപ, 333 രൂപ, 555 രൂപ എന്നീ റീചാർജ് പ്ലാനുകളും ജിയോ വാഗ്ദാനം ചെയ്യുന്നുണ്ട്. ഓരോന്നിനും വ്യത്യസ്‌ത കാലാവധിയും ഡാറ്റ ആനുകൂല്യവുമാണുള്ളത്. ഇവയെല്ലാം അൺലിമിറ്റ‍ഡ് ജിയോ ടു ജിയോ കോളുകളും വാ​ഗ്ദാനം ചെയ്യുന്നുണ്ട്. 360 ദിവസത്തെ സാധുതയുള്ള ജിയോയുടെ ദീർഘകാല പായ്ക്കുകളുടെ നിരക്ക് 9,999 രൂപയാണ്.

ഐയുസി ചാര്‍ജ്

എല്ലാ ജിയോ ഇതര സബ്‌സ്‌ക്രൈബർമാരും ജിയോ ഇതര നെറ്റ് വർക്കിലേയ്ക്ക് വിളിക്കണമെങ്കിൽ മിനിറ്റിൽ 6 പൈസ നിരക്ക് നൽകേണ്ടതുണ്ട്. ട്രായ് ഐയുസി ചാര്‍ജിനുള്ള പുതിയ നിബന്ധന കര്‍ശനമാക്കിയതോടെയാണ് മറ്റു നെറ്റ്വര്‍ക്കുകളിലേക്കുള്ള കോളുകള്‍ക്ക് മിനിറ്റിന് 6 പൈസ ജിയോ ഉപഭോക്താക്കള്‍ നല്‍കണമെന്ന നിബന്ധന വന്നിരിക്കുന്നത്.