Just In
-
-
-
-
Don't Miss
-
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
കാത്തിരിപ്പിനൊടുവിൽ സിജോ തിരിച്ചെത്തുന്നു; വീട്ടിൽ അടിമുടി മാറ്റം; എങ്ങനെ മുന്നോട്ട് പോകുമെന്ന് പ്രേക്ഷകർ -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
അംബേദ്കറെ അപമാനിച്ചു, രാജ്യത്തെ തകര്ക്കാന് നോക്കുന്നു; കോണ്ഗ്രസിനെ വിടാതെ പ്രധാനമന്ത്രി -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
റിലയന്‍സ് ജിയോ പ്ലാറ്റ്‌ഫോമുകളിലേക്കുള്ള മൂലധന സമാഹരണം തുടരുന്നു. പുതുതായി നിക്ഷേപിക്കാൻ ഒരുങ്ങുന്നത് യുഎസിലെ സ്വകാര്യ ഇക്വിറ്റി നിക്ഷേപ സ്ഥാപനമായ ടിപിജി ക്യാപിറ്റലാണ്. ഇത് സംബന്ധിച്ചുള്ള ചര്‍ച്ചകള്‍ പുരോഗമിക്കുന്നതായാണ് റിപ്പോർട്ടുകൾ. ടിപിജി ക്യാപിറ്റൽ കൂടി നിക്ഷേപം നടത്തുന്നതോടെ യുഎസില്‍ നിന്നുള്ള നാലാമത്തെ സ്ഥാപനമാകും ജിയോ പ്ലാറ്റ്‌ഫോമുകസില്‍ നിക്ഷേപം നടത്തുന്നത്. 97,885.65 കോടി രൂപയാണ് മുകേഷ് അംബാനിയുടെ നേതൃത്വത്തിലുള്ള റിലയൻസ് ഇൻഡസ്ട്രീസ്, ടെലികോം-ടെക്‌നോളജി സംരംഭമായ ജിയോ ഇതിനോടകം സമാഹരിച്ചത്.
ഒന്നര മാസത്തിനിടെ എത്തുന്ന ഒൻപതാമത്തെ നിക്ഷേപമാണ് ടിപിജി ക്യാപിറ്റലിന്റേത്. അബുദാബി ഇന്‍വെസ്റ്റ്‌മെന്റ അതോറിറ്റി, അബുദാബി സ്റ്റേറ്റ് ഫണ്ടായ മുബാദല ഇൻവെസ്റ്റ്‌മെന്റ്, ഫേസ്ബുക്ക്, സിൽവർ ലേക്ക് (രണ്ടു തവണ), വിസ്റ്റ ഇക്വിറ്റി പാർട്‌ണേഴ്‌സ്, ജനറൽ അറ്റ്‌ലാന്റിക്, കെ കെ ആർ, എന്നിവയാണ് ഇതിനോടകം ജിയോയിൽ നിക്ഷേപം നടത്തിയിട്ടുള്ള സ്ഥാപനങ്ങൾ. ഈ നിക്ഷേപകർക്കെല്ലാം കൂടി ഇപ്പോൾ മുകേഷ് അംബാനിയുടെ ജിയോ പ്ലാറ്റ്‌ഫോമുകളിൽ 21.06 ശതമാനം പങ്കാളിത്തമുണ്ട്.
യൂബര്‍, എയര്‍ബിഎന്‍ബി, സര്‍വെ മങ്കി തുടങ്ങിയ ആഗോള ടെക്‌നോളജി കമ്പനികൾക്ക് ടിപിജി ക്യാപിറ്റലിൽ നിക്ഷേപമുണ്ട്. ജിയോയില്‍ കമ്പനി 150 ബില്യണ്‍ ഡോളര്‍ നിക്ഷേപം നടത്തിയേക്കുമെന്നാണ് സൂചന. അടുത്ത ദിവസങ്ങളില്‍ ഇതുസംബന്ധിച്ച് ഔദ്യോഗിക അറിയിപ്പ് വന്നേക്കും. ഓഹരി വിപണിയില്‍ ലിസ്റ്റ് ചെയ്യുന്നതിനു മുമ്പ് തന്നെ പ്രമുഖ ആഗോള നിക്ഷേപ സ്ഥാപനങ്ങളില്‍ നിന്നും റിലയന്‍സ് ഇന്‍ഡസ്ട്രീസിന് ഇത്രയും തുകയുടെ നിക്ഷേപം സമാഹരിക്കാൻ കഴിഞ്ഞത് ശ്രദ്ധേയമായ കാര്യമാണ്.
ജിയോ പ്ലാറ്റ്‌ഫോമുകൾ 2021 ഓടെ അമേരിക്കൻ ഓഹരി സൂചികയായ നാസ്‌ഡാക്കിൽ ലിസ്റ്റ് ചെയ്‌തേക്കുമെന്നും റിപ്പോർട്ടുകൾ ഉണ്ടായിരുന്നു. ജിയോ പ്ലാറ്റ്‌ഫോമുകളിൽ ആർ‌ഐ‌എൽ മൊത്തം 20 മുതൽ 25 ശതമാനം ഓഹരികൾ വിറ്റഴിക്കുകയും സർക്കാർ നേരിട്ട് ലിസ്റ്റിംഗ് മാർഗ്ഗ നിർദ്ദേശങ്ങൾ പുറപ്പെടുവിക്കുകയും ചെയ്താലുടൻ ഇത് സംബന്ധിച്ച പ്രവർത്തനങ്ങൾ ആരംഭിക്കുമെന്ന് നേരത്തെ റിപ്പോർട്ടുകളുണ്ടായിരുന്നത്.
ഇന്ത്യൻ കമ്പനികളെ വിദേശ ഓഹരി വിപണികളിൽ നേരിട്ട് ലിസ്റ്റ് ചെയ്യാൻ അനുവദിക്കുമെന്ന് ധനമന്ത്രി നിർമ്മല സീതാരാമൻ വ്യക്തമാക്കിയിരുന്നു. യുഎസ് വിപണിയായ നാസ്‌ദാക്കിലായിരിക്കും ജിയോ ആദ്യമായി ലിസ്റ്റ് ചെയ്യുക. ഇക്കാര്യം റിലയൻസ് ഇൻഡസ്ട്രീസ് സ്ഥിരീകരിച്ചിട്ടില്ല. ഇന്ത്യയിൽ തത്കാലം ഐപിഒ ഉണ്ടായിരിക്കില്ല.
