റിലയൻസ് ഇൻഡസ്ട്രീസ് ലിമിറ്റഡിന്റെ (ആർഐഎൽ) ടെലികോം യൂണിറ്റായ റിലയൻസ് ജിയോയുടെ 9.9 ശതമാനം ഓഹരികൾ ഫേസ്ബുക്ക് സ്വന്തമാക്കി. ഇടപാടിനെക്കുറിച്ച് ഫേസ്ബുക്ക് തലവൻ മാർക്ക് സുക്കർബർഗ് ഫേസ്ബുക്കിൽ കുറിച്ചു. ഇന്ത്യക്കാർക്ക് പുതിയ അവസരങ്ങൾ ലഭ്യമാക്കുന്നതാണ് റിലയൻസ് ജിയോയുമായുള്ള കരാറെന്ന് ഫേസ്ബുക്കിൽ സിഇഒ മാർക്ക് സുക്കർബർഗ് പറഞ്ഞു. ഫേസ്ബുക്ക് കുറിപ്പിന്റെ പൂർണരൂപം ഇതാ..
കൊവിഡ് 19 ചികിത്സാ ഗവേഷണങ്ങള്ക്ക് 25 മില്യൺ ഡോളര് സംഭാവനയുമായി ഫേസ്ബുക്ക് തലവനും ഭാര്യയും
ഫേസ്ബുക്ക് കുറിപ്പിന്റെ പൂർണരൂപം
ലോകത്ത് ഇപ്പോൾ വളരെയധികം കാര്യങ്ങൾ നടക്കുന്നുണ്ട്, പക്ഷേ ഇന്ത്യയിൽ ഞങ്ങളുടെ പ്രവർത്തനത്തെക്കുറിച്ചുള്ള ഒരു അപ്ഡേറ്റ് പങ്കിടാൻ ഞാൻ ആഗ്രഹിച്ചു. ഫേസ്ബുക്ക് ഇന്ത്യയിസെ ജിയോ പ്ലാറ്റ്ഫോമുമായി ഒത്തുചേരുന്നു. ഇതുവഴി കമ്പനി പുതിയ ഒരു സാമ്പത്തിക നിക്ഷേപം നടത്തുകയാണ്. അതിലുപരിയായി, ഇന്ത്യയിലെ ആളുകൾക്ക് ഇതുവഴി പുതിയ തൊഴിൽ അവസരങ്ങളും തുറക്കും.
ഇന്ത്യയിൽ ഫേസ്ബുക്കിന്റെയും വാട്ട്സ്ആപ്പിന്റെയും ഉപഭോക്താക്കളുടെ എണ്ണം വളരെ കൂടുതലാണ്. കഴിവുള്ള നിരവധി സംരംഭകരും ഇന്ത്യയിലുണ്ട്. രാജ്യം ഒരു പ്രധാന ഡിജിറ്റൽ പരിവർത്തനത്തിന്റെ മധ്യത്തിലാണ് ഇപ്പോൾ. ദശലക്ഷക്കണക്കിന് ഇന്ത്യക്കാരെയും ചെറുകിട ബിസിനസ്സുകളെയും ഓൺലൈനിൽ എത്തിക്കുന്നതിൽ ജിയോ വളരെ വലിയ പങ്കുവഹിച്ചു.
ഇത് ഇപ്പോൾ വളരെ പ്രധാനമാണ്, കാരണം ചെറുകിട ബിസിനസുകളാണ് എല്ലാ സമ്പദ്വ്യവസ്ഥയുടെയും കാതൽ. അവർക്ക് ഞങ്ങളുടെ പിന്തുണ ആവശ്യമാണ്. ഇന്ത്യയിൽ 60 ദശലക്ഷത്തിലധികം ചെറുകിട ബിസിനസ്സുകളുണ്ട്, ദശലക്ഷക്കണക്കിന് ആളുകൾ ഇത്തരം ബിസിനസുകളെ ജോലികൾക്കായി ആശ്രയിക്കുന്നു. ലോക്ക്ഡൌണിൽ ആയിരിക്കുമ്പോൾ, ഈ സംരംഭകരിൽ പലർക്കും ഉപഭോക്താക്കളെ കണ്ടെത്തുന്നതിനും ആശയവിനിമയം നടത്തുന്നതിനും അവരുടെ ബിസിനസുകൾ വളർത്തുന്നതിനും ആശ്രയിക്കാൻ കഴിയുന്ന ഡിജിറ്റൽ ഉപകരണങ്ങൾ ആവശ്യമാണ്. ആ അവസരത്തിൽ ഞങ്ങൾക്ക് സഹായിക്കാൻ കഴിയും. അതിനാലാണ് ഇന്ത്യയിലെ ആളുകളെയും ബിസിനസുകളെയും പുതിയ അവസരങ്ങൾ സൃഷ്ടിക്കാൻ സഹായിക്കുന്നതിന് ഞങ്ങൾ ജിയോയുമായി പങ്കാളികളാകുന്നത്. പങ്കാളിത്തത്തിന് മുകേഷ് അംബാനിക്കും മുഴുവൻ ജിയോ ടീമിനും നന്ദി പറയാൻ ഞാൻ ആഗ്രഹിക്കുന്നു.
ജിയോയില് കണ്ണുനട്ട് ഫെയ്സ്ബുക്ക്; 10% ഓഹരികള് വാങ്ങാന് സാധ്യതയെന്ന് റിപ്പോര്ട്ട്