ബെംഗളൂരു മലയാളികൾ ജാഗ്രത, ശ്രദ്ധിച്ചില്ലെങ്കിൽ ആരോഗ്യം മോശമാകും, പണി തരുന്നത് കാലാവസ്ഥയാണ്

ഏറ്റവും കൂടുതൽ മലയാളികൾ താമസിക്കുന്ന ഇന്ത്യൻ നഗരങ്ങളിൽ ഒന്നാണ് ബെംഗളൂരു. വേഗത്തിൽ വളരുന്ന ഐടി നഗരം. ഇന്ന് ബെംഗളൂരു ഉൾപ്പെടെ കർണ്ണാടകയുടെ പല ജില്ലകളിലും മഴയ്ക്ക് സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രം പറയുന്നത്. തമിഴ്‌നാട് തീരത്ത് രൂപം കൊണ്ട ചുഴലിക്കാറ്റാണ് മഴയ്ക്ക് കാരണം. ബെംഗളൂരുവിൽ മൂടൽമഞ്ഞോടെ കാലാവസ്ഥ മേഘാവൃതമായിരിക്കുമെന്നും, ഉച്ചകഴിഞ്ഞോ വൈകുന്നേരമോ നഗരത്തിന്റെ പല ഭാഗങ്ങളിലും മിതമായ മഴയ്ക്ക് സാധ്യതയുണ്ടെന്നും കാലാവസ്ഥാ വകുപ്പ് പറയുന്നു.

ജാഗ്രത നിർദ്ദേശം

നഗരത്തിൽ തണുപ്പും മൂടൽമഞ്ഞും നിറഞ്ഞ കാലാവസ്ഥ അനുഭവപ്പെടുന്നതിനാൽ കുട്ടികൾ മുതൽ പ്രായമായവർ വരെ ജാഗ്രത പാലിക്കണമെന്ന് കാലാവസ്ഥാ വകുപ്പ് നിർദ്ദേശിച്ചിട്ടുണ്ട്. ചൂടുള്ള വസ്ത്രങ്ങൾ ധരിക്കാനും സമീകൃതാഹാരം കഴിക്കാനും നിർദ്ദേശിച്ചിട്ടുണ്ട്. ബെംഗളൂരുവിൽ ഇന്ന് കുറഞ്ഞ താപനില 15°C ഉം കൂടിയ താപനില 28°C ഉം ആയിരിക്കുമെന്ന് വകുപ്പ് അറിയിച്ചു. ഇത്തരത്തിലുള്ള അതിശൈത്യം കാരണം ആളുകളുടെ ആരോഗ്യം വഷളാകുന്നു, ചൂടുള്ള പുതപ്പുകൾ കൊണ്ടുനടക്കാനും ചൂടുള്ള ഭക്ഷണം കഴിക്കാനും ഡോക്ടർമാർ ആളുകളോട് നിർദ്ദേശിച്ചിട്ടുണ്ട്.

മഴ എവിടെ...?

തമിഴ്‌നാട് തീരത്ത് രൂപം കൊണ്ട ചുഴലിക്കാറ്റ് കാരണം കർണാടകയിലെ പല ജില്ലകളിലും മിതമായ മഴ പെയ്യാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം പ്രവചിച്ചു. ബെംഗളൂരു നഗരം, ബെംഗളൂരു റൂറൽ, ഉഡുപ്പി, ഉത്തര കന്നഡ, ചാമരാജനഗർ, ചിക്കമഗളൂരു, ഹാസൻ, കുടക്, മൈസൂർ എന്നിവിടങ്ങളിൽ മഴയ്ക്ക് സാധ്യതയുണ്ട്. ബാക്കിയുള്ള ജില്ലകളിൽ വരണ്ട കാലാവസ്ഥ തുടരും.

എവിടെയാണ് തണുപ്പ്..?

ഉഡുപ്പി, ദക്ഷിണ കന്നഡ, ഉത്തര കന്നഡ തുടങ്ങിയ തീരദേശ ജില്ലകളിൽ വരണ്ട കാലാവസ്ഥയായിരിക്കും. വടക്കൻ ഉൾനാടൻ ജില്ലകളായ ബെലഗാവി, ബീദർ, വിജയപുര, ബാഗൽകോട്ട്, ഹാവേരി, ഗദഗ്, ധാർവാഡ്, കലബുറഗി, കൊപ്പൽ, ബെല്ലാരി, റായ്ച്ചൂർ, യാദ്ഗിർ, വിജയനഗർ എന്നിവിടങ്ങളിൽ വരണ്ട കാലാവസ്ഥയും കഠിനമായ തണുപ്പും തുടരുമെന്ന് കാലാവസ്ഥാ വകുപ്പ് അറിയിച്ചു.

തെക്കൻ ഉൾപ്രദേശങ്ങളായ കോലാർ, തുംകൂർ, ചിക്കബെല്ലാപൂർ, രാമനഗര, മാണ്ഡ്യ, മൈസൂർ, ചിത്രദുർഗ, ദാവൻഗരെ, കുടക്, ഹാസൻ, ശിവമോഗ, വിജയനഗർ എന്നിവിടങ്ങളിലും വരണ്ട കാലാവസ്ഥയുണ്ടാകുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.

കേരളത്തിൽ മഴ ഇല്ല

സംസ്ഥാനത്ത് മഴയ്ക്ക് ശമനം. വരുംദിവസങ്ങളിൽ മഴ സാധ്യതയില്ലെന്ന് കേന്ദ്ര കാലാവസ്ഥ വകുപ്പ്. ജനുവരി 20 വരെ കേരളത്തിലെ ഒരു ജില്ലകളിലും അലർട്ടുകൾ പ്രഖ്യാപിച്ചിട്ടില്ല. സംസ്ഥാനത്ത് പകൽ സമയത്ത് ചൂട് കൂടാനും രാത്രിയിലും പുലർച്ചെയും നേരിയ തണുപ്പ് അനുഭവപ്പെടാനും സാധ്യതയുണ്ട്. നിലവിലെ മുന്നറിയിപ്പ് പ്രകാരം, കേരള - കർണാടക - ലക്ഷദ്വീപ് തീരങ്ങളിൽ മത്സ്യബന്ധനത്തിന് തടസമില്ല. കഴിഞ്ഞ ദിവസങ്ങളിൽ സംസ്ഥാനത്തിന്റെ വിവിധ ഭാ​ഗങ്ങളിൽ നേരിയ മഴ പെയ്തിരുന്നു. വിവിധ ജില്ലകളിൽ ​ഗ്രീൻ അലർട്ട് നൽകിയിരുന്നു. പമ്പ, നിലക്കൽ, സന്നിധാനം എന്നിവിടങ്ങളിൽ ആകാശം ഭാ​ഗികമായി മേഘാലവൃതമായിരിക്കുമെന്ന് കാലാവസ്ഥ വകുപ്പ് അറിയിച്ചു.