Just In
-
-
-
-
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
പ്രമേഹ രോഗി, ഇന്സുലിന് ആവശ്യപ്പെട്ടിട്ടും നല്കിയില്ല; കെജ്രിവാളിനെ കൊല്ലാന് ഗൂഢാലോചനയെന്ന് എഎപി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കൊച്ചി: കേരളത്തില്‍ സ്വര്‍ണവില വീണ്ടും താഴോട്ട്. ഈ മാസത്തെ ഏറ്റവും കുറഞ്ഞ നിലവാരത്തിലേക്ക് സ്വര്‍ണം ഇന്നെത്തി. പവന് 280 രൂപയും ഗ്രാമിന് 35 രൂപയുമാണ് ഇന്ന് കുറഞ്ഞത്. ഇതോടെ ചൊവാഴ്ച്ച സ്വര്‍ണവില പവന് 33,080 രൂപയും ഗ്രാമിന് 4,135 രൂപയുമായി. ഈ മാസം സ്വര്‍ണം രേഖപ്പെടുത്തിയ ഏറ്റവും ഉയര്‍ന്ന വിലനിലവാരം പവന് 34,440 രൂപയാണ് (മാര്‍ച്ച് ഒന്നിന്).
മാര്‍ച്ച് മാസം ഇതുവരെ പവന് 1,360 രൂപയുടെ വിലയിടിവ് സംഭവിച്ചു. ഫെബ്രുവരിയില്‍ സ്വര്‍ണം പവന് 2,640 രൂപ കുറഞ്ഞിരുന്നു. കഴിഞ്ഞമാസം സ്വര്‍ണം കുറിച്ച ഏറ്റവും ഉയര്‍ന്ന നിരക്ക് 36,800 രൂപയും ഏറ്റവും കുറഞ്ഞ നിരക്ക് 34,160 രൂപയുമായിരുന്നു (പവന്). വെള്ളി നിരക്കിലും ഇന്ന് ചെറിയ മാറ്റം സംഭവിച്ചു. 1 ഗ്രാം വെള്ളിക്ക് 63.90 രൂപയാണ് ചൊവാഴ്ച്ച വില. 8 ഗ്രാം വെള്ളിക്ക് വില 511.20 രൂപ.
രാജ്യാന്തര വിപണിയിലെ സംഭവവികാസങ്ങള്‍ മാനിച്ച് ദേശീയ വിപണിയിലും ഇന്ന് സ്വര്‍ണം, വെള്ളി നിരക്കുകള്‍ കുറഞ്ഞിട്ടുണ്ട്. എംസിഎക്‌സില്‍ (മള്‍ട്ടി കമ്മോഡിറ്റി എക്‌സ്‌ചേഞ്ച്) 10 ഗ്രാം സ്വര്‍ണം 44,538 രൂപയിലേക്ക് കൂപ്പുകുത്തി. വിലയിടിവ് 0.4 ശതമാനം. കഴിഞ്ഞ ഒരു വര്‍ഷത്തിനിടെയുള്ള ഏറ്റവും താഴ്ന്ന നിലയിലാണ് സ്വര്‍ണം ഇന്ന് വ്യാപാരം നടത്തുന്നത്. വെള്ളി നിരക്കിലും വീഴ്ച്ച ദൃശ്യം. വെള്ളിയുടെ കിലോ നിരക്ക് 0.3 ശതമാനം ഇടിഞ്ഞ് 63,985 രൂപയിലേക്ക് ചുരുങ്ങി. തിങ്കളാഴ്ച്ച സ്വര്‍ണം 0.8 ശതമാനവും വെള്ളി 1 ശതമാനവും വീതം തകര്‍ച്ച നേരിട്ടിരുന്നു.
രാജ്യാന്തര വിപണിയിലും സ്വര്‍ണം അടിപതറി നില്‍ക്കുകയാണ്. ഡോളര്‍ സൂചികയുടെ കരുത്തിന് മുന്നില്‍ സ്വര്‍ണം കാര്യമായ സമ്മര്‍ദ്ദം നേരിടുന്നു. ബോണ്ട് വരുമാനം കൂടുന്നതും സ്വര്‍ണത്തിന്റെ മാറ്റ് കുറയ്ക്കുകയാണ്. വാക്‌സിനേഷന്‍ ദ്രുതഗതിയില്‍ നടക്കുന്ന സാഹചര്യത്തില്‍ അമേരിക്കന്‍ സമ്പദ്ഘടന അതിവേഗം ഉണരുമെന്ന പ്രത്യാശ ആഗോള നിക്ഷേപകര്‍ക്കുണ്ട്. നിലവില്‍ രണ്ടാഴ്ച്ചക്കിടെയുള്ള ഏറ്റവും താഴ്ന്ന നിലവാരത്തിലാണ് സ്വര്‍ണം ചുവടുവെയ്ക്കുന്നത്. ചൊവാഴ്ച്ച സ്വര്‍ണം ഔണ്‍സിന് 1,704.90 ഡോളറാണ് വില; ഇടിവ് 0.4 ശതമാനം.
നഷ്ട സാധ്യതയില്ലാത്ത ബോണ്ടുകളുടെ നേട്ടം വര്‍ധിക്കുമ്പോള്‍ നിക്ഷേപകര്‍ സ്വര്‍ണത്തില്‍ നിന്നും കണ്ണെടുക്കുന്നത് പതിവാണ്. സ്വര്‍ണത്തില്‍ പലിശ ലഭിക്കില്ലെന്നതാണ് പ്രധാന പോരായ്മ. ഇതേസമയം, കോവിഡ് വ്യാപനം ഒരിക്കൂല്‍ കൂടി രൂക്ഷമായാല്‍ നിക്ഷേപകര്‍ സുരക്ഷിത നിക്ഷേപമായ സ്വര്‍ണത്തിലേക്ക് ശ്രദ്ധ തിരിക്കും. നിലവില്‍ ആഗോള സമ്പദ്ഘടനകള്‍ അതിവേഗം ഉണരുന്നതാണ് സ്വര്‍ണത്തിന് വിനയാവുന്നത്. കഴിഞ്ഞവര്‍ഷം ഓഗസ്റ്റില്‍ 10 ഗ്രാമിന് 56,200 രൂപ വില കുറിച്ചതിന് ശേഷമാണ് സ്വര്‍ണത്തിന്റെ പതനം ആരംഭിച്ചതും. ഈ വര്‍ഷം മാത്രം സ്വര്‍ണത്തിന് 5,500 രൂപയോളം മൂല്യം കുറഞ്ഞത് കാണാം.
