കേരളത്തില്‍ സ്വര്‍ണവില 80 രൂപ കൂടി; ഇന്നത്തെ സ്വര്‍ണ നിരക്കുകള്‍ അറിയാം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കേരളത്തില്‍ സ്വര്‍ണവില വീണ്ടും കൂടി. ബുധനാഴ്ച്ച പവന് 80 രൂപയും ഗ്രാമിന് 10 രൂപയും വര്‍ധിച്ചു. സംസ്ഥാനത്ത് ഇന്ന് പവന് 35,800 രൂപയും ഗ്രാമിന് 4,475 രൂപയുമാണ് സ്വര്‍ണ നിരക്ക്. വെള്ളി ഗ്രാം വില 69.60 രൂപ. ഫെബ്രുവരി അഞ്ചാം തീയതിയാണ് സ്വര്‍ണം ഈ മാസത്തെ ഏറ്റവും കുറഞ്ഞ നിരക്ക് രേഖപ്പെടുത്തിയത്. അന്ന് പവന് 35,000 രൂപ വില തൊട്ടിരുന്നു.

 

ബുധനാഴ്ച്ച ആഭ്യന്തര വിപണിയില്‍ സ്വര്‍ണവിലയില്‍ നേരിയ മാറ്റം മാത്രമേ സംഭവിച്ചുള്ളൂ. രാജ്യത്തെ പ്രമുഖ ചരക്ക് വ്യാപാര ഇടമായ എംസിഎക്‌സില്‍ (മള്‍ട്ടി കമ്മോഡിറ്റി എക്‌സ്‌ചേഞ്ച്) ഏപ്രില്‍ സ്വര്‍ണ ഫ്യൂച്ചറുകള്‍ 0.2 ശതമാനം വര്‍ധിച്ച് 48,050 രൂപയിലെത്തി (10 ഗ്രാമിന്). മാര്‍ച്ചിലെ സില്‍വര്‍ ഫ്യൂച്ചറുകളാകട്ടെ, 0.20 ശതമാനം ഉയര്‍ന്ന് കിലോയ്ക്ക് 69,850 രൂപയും കയ്യടക്കി.

 
കേരളത്തില്‍ സ്വര്‍ണവില 80 രൂപ കൂടി; ഇന്നത്തെ സ്വര്‍ണ നിരക്കുകള്‍ അറിയാം

വരും ദിവസങ്ങളില്‍ സ്വര്‍ണവില ചാഞ്ചാടുമെന്നാണ് സാമ്പത്തിക വിദഗ്ധര്‍ മുന്നറിയിപ്പ് നല്‍കുന്നത്. അമേരിക്ക പ്രഖ്യാപിക്കാനിരിക്കുന്ന സാമ്പത്തിക ഉത്തേജന പാക്കേജും മുന്‍നിര രാജ്യങ്ങള്‍ പുറത്തുവിട്ടിരിക്കുന്ന സമ്മിശ്ര സാമ്പത്തിക ഫലവും സ്വര്‍ണവിലയെ സ്വാധീനിക്കുന്നുണ്ട്. ചൈനീസ് പുതുവര്‍ഷം പ്രമാണിച്ച് ചൈനയില്‍ നിന്നും ഡിമാന്‍ഡ് ഉയരുമെന്ന പ്രതീക്ഷയും സ്വര്‍ണവിലയെ താങ്ങിനിര്‍ത്തുന്നുണ്ട്.

രാജ്യാന്തര വിപണിയില്‍ 0.2 ശതമാനം നേട്ടമാണ് സ്വര്‍ണം ചൊവാഴ്ച്ച കുറിച്ചത്. എന്നാല്‍ ഉയര്‍ന്ന ബോണ്ട് നേട്ടങ്ങളും ഓഹരി വിപണികളുടെ കുതിപ്പും കോവിഡ് വ്യാപനം കുറയുന്നതും സ്വര്‍ണത്തിന്റെ മാറ്റ് കുറയ്ക്കുന്നു. രാജ്യാന്തര കറന്‍സികള്‍ക്കെതിരെ ഡോളറിന്റെ നിലയും സ്വര്‍ണവില നിശ്ചയിക്കുന്ന പ്രധാന ഘടകമാണ്. അമേരിക്കന്‍ ഡോളര്‍ പഴയ പ്രതാപത്തിലേക്ക് തിരിച്ചെത്തിയാല്‍ സ്വര്‍ണത്തിന്റെ കുതിപ്പിന് വിരാമമാകും.

ബുധനാഴ്ച്ച 1,837.50 ഡോളറാണ് സ്വര്‍ണത്തിന്റെ ഔണ്‍സ് നിരക്ക്. വെള്ളിയുടെ ഔണ്‍സ് നിരക്കാകട്ടെ, 27.40 ഡോളറും. ചൊവാഴ്ച്ച ഡോളര്‍ സൂചിക ഇടറിയതും ബിറ്റ്‌കോയിന്‍ കുതിച്ചുയര്‍ന്നതും സ്വര്‍ണവിലയ്ക്ക് കരുത്ത് പകര്‍ന്നിരുന്നു. കഴിഞ്ഞ രണ്ടാഴ്ച്ചത്തെ ഏറ്റവും താഴ്ന്ന നിലയിലേക്കാണ് ഡോളര്‍ വീണത്. അമേരിക്കയില്‍ കോവിഡ് വാക്‌സിന്‍ നല്‍കാന്‍ ആരംഭിച്ച പശ്ചാത്തലത്തില്‍ നിക്ഷേപകര്‍ റിസ്‌ക് കൂടിയ അസറ്റുകളിലേക്ക് നോട്ടമെത്തിക്കാന്‍ തുടങ്ങിയത് കാണാം. ഡോളറിന്റെ ഇടര്‍ച്ചയ്ക്ക് ഇതു വഴിതെളിക്കുന്നു.

Read more about: kerala gold price
English summary

Kerala Gold Price: Pavan Rate Increased By Rs 80 To Touch Rs 35,800

Kerala Gold Price: Pavan Rate Increased By Rs 80 To Touch Rs 35,800. Read in Malayalam.
Story first published: Wednesday, February 10, 2021, 14:55 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X