Just In
-
-
-
-
Don't Miss
-
വെറും 29 രൂപയ്ക്ക് ഇത്രയും നേട്ടമോ! വീടുകളിൽ സന്തോഷച്ചിരി നിറയ്ക്കാൻ പുതിയ പ്ലാനുമായി ജിയോ -
ഫിമെയിൽ ഫ്രണ്ട്സിനോട് ചെയ്യുന്നതേ ജാസ്മിനോടും ചെയ്തിട്ടുള്ളൂ! കല്യാണം കഴിക്കില്ല- ഗബ്രിയ്ക്കെതിരെ പ്രേക്ഷകർ -
T20 World Cup 2024: ഇതു അതു തന്നെ, സഞ്ജുവും ലോകകപ്പിന്! കോള് വന്നു? നിര്ണായക സൂചന -
തിരഞ്ഞെടുപ്പ് കമ്മീഷന്റെ സ്വീപ് യൂത്ത് ഐക്കൺ ആണ്; പക്ഷേ മമിത ബൈജുവിന് ഇത്തവണ വോട്ടില്ല -
ലോകം ഇനി ബജാജിനെ ഉറ്റുനോക്കും! ഇതുപോലൊരു ടൂവീലര് ഇതുവരെ ആരും പുറത്തിറക്കിയിട്ടില്ല -
ദാമ്പത്യത്തിലെ ഈ അഞ്ച് പ്രശ്നങ്ങളാണ് വിവാഹ മോചനത്തിന് കാരണം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കൊച്ചി: കേരളത്തില്‍ സ്വര്‍ണവില കുറഞ്ഞു. പവന് 240 രൂപയും ഗ്രാമിന് 30 രൂപയുമാണ് ഇന്ന് വില കുറഞ്ഞത്. ഇതോടെ വെള്ളിയാഴ്ച്ച സ്വര്‍ണം പവന് 33,480 രൂപയായി; ഗ്രാമിന് വില 4,185 രൂപ. ഇന്നലെ 33,720 രൂപയായിരുന്നു പവന് വില. ഈ മാസം സ്വര്‍ണം രേഖപ്പെടുത്തിയ ഏറ്റവും കുറഞ്ഞ വിലനിലവാരം പവന് 33,160 രൂപയാണ് (മാര്‍ച്ച് അഞ്ചിന്). ഏറ്റവും ഉയര്‍ന്ന വിലനിലവാരമാകട്ടെ 34,440 രൂപയും.
ഈ മാസം ആദ്യത്തെ 12 ദിവസം കൊണ്ട് പവന് 960 രൂപയുടെ വിലയിടിവ് സംഭവിച്ചു. ഫെബ്രുവരിയില്‍ സ്വര്‍ണം പവന് 2,640 രൂപയാണ് കുറഞ്ഞത്. കഴിഞ്ഞമാസം സ്വര്‍ണം കുറിച്ച ഏറ്റവും ഉയര്‍ന്ന നിരക്ക് 36,800 രൂപയും ഏറ്റവും കുറഞ്ഞ നിരക്ക് 34,160 രൂപയുമായിരുന്നു (പവന്). വെള്ളി നിരക്കിലും ഇന്ന് മാറ്റം സംഭവിച്ചു. 1 ഗ്രാം വെള്ളിക്ക് 67.60 രൂപയാണ് വെള്ളിയാഴ്ച്ച വില. 8 ഗ്രാം വെള്ളിക്ക് വില 540.80 രൂപ.
ദേശീയ വിപണിയിലും ഇന്ന് സ്വര്‍ണത്തിന് വിലയിടിഞ്ഞു. ഓഹരി, ബിറ്റ്‌കോയിന്‍ പോലുള്ള അപകടസാധ്യതയേറിയ നിക്ഷേപങ്ങളുടെ കുതിപ്പാണ് സ്വര്‍ണത്തിന് വിനയാവുന്നത്.
രാജ്യത്തെ പ്രമുഖ ചരക്ക് വ്യാപാര കേന്ദ്രമായ എംസിഎക്‌സില്‍ (മള്‍ട്ടി കമ്മോഡിറ്റി എക്‌സ്‌ചേഞ്ച്) 10 ഗ്രാം സ്വര്‍ണം 44,731 രൂപ ഇന്ന് വില രേഖപ്പെടുത്തുന്നു. ഇടിവ് 0.3 ശതമാനം. വെള്ളിയുടെ കിലോ നിരക്കിലും 0.5 ശതമാനം ഇടിവ് സംഭവിച്ചു. 67,177 രൂപയാണ് വെള്ളി കിലോയ്ക്ക് എംസിഎക്‌സില്‍ വില. ഇന്നലത്തെ വ്യാപാരത്തില്‍ 0.11 ശതമാനം സ്വര്‍ണവും 0.2 ശതമാനം വെള്ളിയും മുന്നേറിയിരുന്നു.
ആഗോള വിപണിയിലും സ്വര്‍ണത്തിന്റെ നിരക്ക് താഴോട്ടു പോയത്കാണാം. എന്നാല്‍ ഈ ആഴ്ച്ചയിലെ മുഴുവന്‍ ചിത്രം വിലയിരുത്തിയാല്‍ 1 ശതമാനം നേട്ടം കുറിക്കാന്‍ പൊന്നിന് കഴിഞ്ഞു. അമേരിക്കന്‍ ബോണ്ടുകള്‍ കാഴ്ച്ചവെക്കുന്ന ഉയര്‍ന്ന വരുമാനമാണ് സ്വര്‍ണത്തിന്റെ കുതിപ്പിന് ഈ വാരം കടിഞ്ഞാണിട്ടത്. ഇന്ന് സ്വര്‍ണം ഔണ്‍സിന് 1,718 ഡോളറാണ് നിരക്ക്. നഷ്ടസാധ്യതയില്ലാത്ത ബോണ്ടുകള്‍ മുന്നേറുമ്പോള്‍ നിക്ഷേപകര്‍ പലിശ കിട്ടാത്ത സ്വര്‍ണത്തില്‍ നിന്നും കണ്ണെടുക്കുന്നത് പതിവാണ്.
മറ്റു വിലയേറിയ ലോഹങ്ങളുടെ കാര്യമെടുത്താല്‍ വെള്ളിയുടെഔണ്‍സ് നിരക്ക് 26.11 ഡോളറില്‍ എത്തിനില്‍ക്കുന്നു. ഈവാരം 3.5 ശതമാനം കുതിപ്പാണ് വെള്ളി രേഖപ്പെടുത്തിയത്. വ്യാഴാഴ്ച്ച വാള്‍ സ്ട്രീറ്റ് കുറിച്ച വന്‍ മുന്നേറ്റത്തിന്റെ പ്രതിഫളനം ഇന്ന് ഏഷ്യന്‍ വിപണികളിലും കാണാം. അമേരിക്കയിലെ ബോണ്ട് വില്‍പ്പന സുഗമമായി നടന്ന സാഹചര്യം വിപണിക്ക് തുണയായി.
ബോണ്ട് വരുമാനം ഇനിയും കുതിക്കുമെന്ന അഭ്യൂഹങ്ങള്‍ക്ക് നേരിയം ശമനമായിട്ടുണ്ട്. 1.9 ലക്ഷം കോടി ഡോളറിന്റെ സാമ്പത്തിക ഉത്തേജന പാക്കേജിന് അമേരിക്ക അനുമതി നല്‍കിയതും മെയ് മാസത്തോടെ അമേരിക്കന്‍ പൗരന്മാര്‍ക്കെല്ലാം വാക്‌സിനേഷന്‍ ലഭിക്കുമെന്ന പ്രസിഡന്റ് ജോ ബൈഡന്റെ പ്രസ്താവനയും റിസ്‌ക് അസറ്റുകള്‍ക്ക് പുത്തനുണര്‍വ് നല്‍കി.
