സംസ്ഥാനത്ത് സ്വര്ണ വില വീണ്ടും കുറഞ്ഞു. പവന് 80 രൂപയുടെ ഇടിവാണ് ഇന്നുണ്ടായിരിക്കുന്നത്. ഒരു പവന് സ്വര്ണത്തിന്റെ ഇന്നത്തെ വില 35,200 രൂപയാണ്. ഗ്രാമിന് 4,400 രൂപയാണ് നിരക്ക്. ഈ മാസത്തെ ഏറ്റവും താഴ്ന്ന നിരക്കിലാണ് സ്വര്ണ വില ഇപ്പോഴുള്ളത്. ഇന്നലെ പവന് 240 രൂപ കുറഞ്ഞിരുന്നു. 35,280 രൂപയായിരുന്നു ഇന്നലെ ഒരു പവന് സ്വര്ണത്തിന്റെ വില. ചൊവ്വാഴ്ച 80 രൂപയുടെ ഇടിവ് പവന് വിലയിലുണ്ടായിരുന്നു. സെപ്റ്റംബര് ഒന്നിന് പവന് 35,440 രൂപയായിരുന്നു വില. പിന്നീട് സെപ്റ്റംബര് 4,5,6 തിയതികളില് സ്വര്ണ വില ഉയര്ന്ന് പവന് 35,600 രൂപയില് എത്തിയിരുന്നു. ഈ മാസത്തെ ഏറ്റവും ഉയര്ന്ന നിരക്കായിരുന്നു അത്.
Also Read : കുറഞ്ഞ സമയത്തില് ധനം സമ്പാദിക്കുവാനുള്ള ഏറ്റവും മികച്ച 5 ഹ്രസ്വകാല നിക്ഷേപങ്ങളിതാ
ആഗോള വിപണിയില്
ആഗോള വിപണിയില് 1,788.59 ഡോളറിലാണ് ട്രോയ് ഔണ്സ് ഇന്ന് വ്യാപാരം നടത്തുന്നത്. ഡോളര് കരുത്താര്ജിച്ചതാണ് സ്വര്ണത്തിന് മങ്ങലേല്പ്പിക്കുന്നത്. ഫെഡ് റിസര്വ് നടപടികള് ഡോളറിന്റെ മൂല്യമുയര്ത്തിയാല് സ്വര്ണ വില താല്ക്കാലികമായി ഇടിഞ്ഞേക്കാം. ദേശീയ വിപണി എംസിഎക്സില് ഗോള്ജ് ഒക്ടോബര് ഫ്യൂച്ചര് 10 ഗ്രാമിന് 46,935.00 രൂപയ്ക്കാണ് ഇന്ന് വിനിമയം നടത്തുന്നത്.
Also Read : ഈ നിക്ഷേപങ്ങളില് നിന്നും നിങ്ങള് ലാഭം പ്രതിക്ഷിക്കരുത്!
ആഗസ്ത് മാസത്തില്
ആഗസ്ത് മാസത്തിന്റെ ആരംഭത്തില് പവന് 36,000 രൂപയായിരുന്നു നിരക്ക്. ആഗസ്തിലെ ഏറ്റവും ഉയര്ന്ന ഈ നിരക്കില് സ്വര്ണം വിനിമയം ചെയ്യപ്പെട്ടത് ആഗസ്ത് 1,2 തീയ്യതികളില് മാത്രമായിരുന്നു. പിന്നീട് സ്വര്ണ വില കുറയുന്ന കാഴ്ചയാണ് ദൃശ്യമായത്. ആഗസ്റ്റ് ഒന്പത് മുതല് 11 വരെയുള്ള ദിവസങ്ങളില് ഒരു പവന് സ്വര്ണത്തിന് 34,680 രൂപയായിരുന്നു വില. ഇതാണ് ഈ മാസത്തെ ഏറ്റവും കുറഞ്ഞ നിരക്ക്. ആഗസ്റ്റില് സ്വര്ണ വിലയില് പവന് 560 രൂപയുടെ കുറവാണ് ഉണ്ടായിരിക്കുന്നത്.
Also Read : 29 രൂപ ദിവസ നിക്ഷേപത്തില് നേടാം 4 ലക്ഷം രൂപ; എല്ഐസിയുടെ ഈ പോളിസിയെക്കുറിച്ച് അറിയാമോ?
ജൂലൈ മാസത്തില്
ജൂലൈ മാസത്തില് പവന് 800 രൂപയുടെ വര്ധനവാണ് ഉണ്ടായത്. ജൂലൈ 16,20, 30 തിയതികളിലാണ് കഴിഞ്ഞ മാസത്തെ ഏറ്റവും ഉയര്ന്ന നിരക്കില് സ്വര്ണ വില എത്തിയത്. പവന് 36,200 രൂപയായിരുന്നു അന്നത്തെ വില. ജൂലൈ മാസത്തിലെ ഏറ്റവും കുറഞ്ഞ നിരക്കില് സ്വര്ണ വ്യാപാരം നടന്ന ദിവസം ജൂലൈ ഒന്നാം തീയ്യതി ആയിരുന്നു. ഒരു പവന് സ്വര്ണത്തിന് 35,200 രൂപയായിരുന്നു ജൂലൈ ഒന്നാം തീയ്യതിയിലെ സ്വര്ണ നിരക്ക്.
പ്രധാന നഗരങ്ങളിലെ സ്വര്ണ വില
ഇന്ത്യയിലെ പ്രധാന നഗരങ്ങളിലെ സ്വര്ണ വില (8 ഗ്രാം, 22 ക്യാരറ്റ്)
മുംബൈ - 36,224 രൂപ
ചെന്നൈ - 35,616 രൂപ
കൊല്ക്കത്ത - 36,680 രൂപ
ഡെല്ഹി - 36,552 രൂപ
ഹൈദരാബാദ് - 35,616 രൂപ
ബാംഗ്ലൂര് - 36,360 രൂപ
Also Read : സീറോ ബാലന്സ് അക്കൗണ്ട് ആരംഭിക്കണോ? മികച്ച പലിശ നിരക്കുകള് നല്കുന്ന ബാങ്കുകള് ഇവയാണ്
സ്വര്ണത്തില് നിക്ഷേപം
നിക്ഷേപം എന്ന രീതിയില് സ്വര്ണത്തെ ആശ്രയിക്കുന്നവര് ഉയര്ന്നിട്ടുണ്ട്. എന്നാല് സ്വര്ണ നിരക്കില് ചാഞ്ചാട്ടം ദൃശ്യമായിക്കൊണ്ടിരിക്കുന്ന ഈ സമയത്ത് ഹ്രസ്വ കാല നേട്ടങ്ങള്ക്കായി സ്വര്ണ നിക്ഷേപം അനുയോജ്യമല്ലെന്നാണ് വിപണി വിദഗ്ധരുടെ അഭിപ്രായം. അമേരിക്കന് ഡോളര് അടിയുറച്ചുതന്നെ നീങ്ങുമെന്നാണ് സൂചന. അതുകൊണ്ട് വരും ദിവസങ്ങളില് സ്വര്ണത്തില് ഇനിയും തിരുത്തല് സംഭവിക്കാമെന്ന് സാമ്പത്തിക വിദഗ്ധര് പറയുന്നു.
Also Read : 2 രൂപയുടെ പഴയ കോയിന് കയ്യിലുണ്ടോ? നേടാം 5 ലക്ഷം രൂപ വരെ!
ഈ വര്ഷം അവസാനത്തോടെ വില ഉയര്ന്നേക്കാം
ദീര്ഘകാലാടിസ്ഥാനത്തില് സ്വര്ണത്തില് നിക്ഷേപം നടത്താനൊരുങ്ങുന്നവര്ക്ക് ഇത് അനുയോജ്യമായ അവസരമാണ്. കോവിഡ് ഒന്നാം തരംഗത്തെ തുടര്ന്ന് കഴിഞ്ഞ വര്ഷം ഓഗസ്റ്റ് 7, 8 ,9 തീയതികളിലാണ് സ്വര്ണവില ചരിത്രത്തിലെ ഏറ്റവും ഉയര്ന്ന നിലയായ പവന് 42,000 രൂപയിലെത്തിയത്. നിലവില് മറ്റ് ആസ്തികളുമായി താരതമ്യം ചെയ്യുമ്പോള് സ്വര്ണത്തിന് മങ്ങല് ഏറ്റിട്ടുണ്ടെങ്കിലും ദീര്ഘകാലാടിസ്ഥാനത്തില് സ്വര്ണ വില കുതിച്ചുയര്ന്നേക്കും. ഈ വര്ഷം അവസാനത്തോടെ വില വീണ്ടും ഉയരാന് സാധ്യതയുണ്ട് എന്നും വിദഗ്ധര് വിലയിരുത്തുന്നു.
വെള്ളി വില
ഒരു ഗ്രാമിന് 69.30 രൂപയാണ് ഇന്നത്തെ വില. പത്ത് ഗ്രാം വെള്ളിക്ക് 693 രൂപയും ഒരു കിലോഗ്രാമിന് 69,300 രൂപയുമാണ് വില. ഇന്നലെ കിലോ ഗ്രാമിന് 69,100 രൂപയായിരുന്നു വില.