സംസ്ഥാനത്ത് സ്വര്ണ വിലയില് ഇന്ന് മാറ്റമില്ല. പവന് 35,440 രൂപയും, ഗ്രാമിന് 4,430 രൂപയുമാണ് ഇന്നത്തെ വിപണി വില. ആഗസ്ത് മാസത്തിന്റെ അവസാന രണ്ട് ദിവസങ്ങളില് തുടര്ച്ചയായി സ്വര്ണ വിലയില് ഇടിവുണ്ടായിരുന്നു. പവന് 120 രൂപയുടെ കുറവാണ് ഇന്നലെയുണ്ടായത്.
ആഗോള വിപണിയില്
ആഗോള വിപണിയില് 0.08 ശതമാനം ഉയര്ന്ന് 1,815.77 ഡോളറിലാണ് ട്രോയ് ഔണ്സ് ഇന്ന് വ്യാപാരം നടത്തുന്നത്. ഡോളര് കരുത്താര്ജിച്ചതാണ് സ്വര്ണത്തിന് മങ്ങലേല്പ്പിക്കുന്നത്. ഫെഡ് റിസര്വ് നടപടികള് ഡോളറിന്റെ മൂല്യമുയര്ത്തിയാല് സ്വര്ണ വില താല്ക്കാലികമായി ഇടിഞ്ഞേക്കാം. ദേശീയ വിപണി എംസിഎക്സില് ഗോള്ജ് ഒക്ടോബര് ഫ്യൂച്ചര് 10 ഗ്രാമിന് 47,129 രൂപയ്ക്കാണ് ഇന്ന് വിനിമയം നടത്തുന്നത്.
Also Read : പിപിഎഫ് മുതല് എന്പിഎസ് വരെ; ഈ പോസ്റ്റ് ഓഫീസ് നിക്ഷേപങ്ങളുടെ മിനിമം ബാലന്സ് അറിയാം
ആഗസ്ത് മാസത്തില്
ആഗസ്ത് മാസത്തിന്റെ ആരംഭത്തില് പവന് 36,000 രൂപയായിരുന്നു നിരക്ക്. ആഗസ്തിലെ ഏറ്റവും ഉയര്ന്ന ഈ നിരക്കില് സ്വര്ണം വിനിമയം ചെയ്യപ്പെട്ടത് ആഗസ്ത് 1,2 തീയ്യതികളില് മാത്രമായിരുന്നു. പിന്നീട് സ്വര്ണ വില കുറയുന്ന കാഴ്ചയാണ് ദൃശ്യമായത്. ആഗസ്റ്റ് ഒന്പത് മുതല് 11 വരെയുള്ള ദിവസങ്ങളില് ഒരു പവന് സ്വര്ണത്തിന് 34,680 രൂപയായിരുന്നു വില. ഇതാണ് ഈ മാസത്തെ ഏറ്റവും കുറഞ്ഞ നിരക്ക്. ആഗസ്റ്റില് സ്വര്ണ വിലയില് പവന് 560 രൂപയുടെ കുറവാണ് ഉണ്ടായിരിക്കുന്നത്.
Also Read : ഈ പോസ്റ്റ് ഓഫീസ് നിക്ഷേപ പദ്ധതിയിലൂടെ നേടാം 5 വര്ഷം കൊണ്ട് 14 ലക്ഷം രൂപ
ജൂലൈ മാസത്തില്
ജൂലൈ മാസത്തില് പവന് 800 രൂപയുടെ വര്ധനവാണ് ഉണ്ടായത്. ജൂലൈ 16,20, 30 തിയതികളിലാണ് കഴിഞ്ഞ മാസത്തെ ഏറ്റവും ഉയര്ന്ന നിരക്കില് സ്വര്ണ വില എത്തിയത്. പവന് 36,200 രൂപയായിരുന്നു അന്നത്തെ വില. ജൂലൈ മാസത്തിലെ ഏറ്റവും കുറഞ്ഞ നിരക്കില് സ്വര്ണ വ്യാപാരം നടന്ന ദിവസം ജൂലൈ ഒന്നാം തീയ്യതി ആയിരുന്നു. ഒരു പവന് സ്വര്ണത്തിന് 35,200 രൂപയായിരുന്നു ജൂലൈ ഒന്നാം തീയ്യതിയിലെ സ്വര്ണ നിരക്ക്.
പ്രധാന നഗരങ്ങളിലെ സ്വര്ണ വില
ഇന്ത്യയിലെ പ്രധാന നഗരങ്ങളിലെ സ്വര്ണ വില (8 ഗ്രാം, 22 ക്യാരറ്റ്)
മുംബൈ - 36,384 രൂപ
ചെന്നൈ - 35,728 രൂപ
കൊല്ക്കത്ത - 36,840 രൂപ
ഡെല്ഹി - 36, 172 രൂപ
ഹൈദരാബാദ് - 35, 728 രൂപ
ബാംഗ്ലൂര് - 36, 520 രൂപ
സ്വര്ണത്തില് നിക്ഷേപം
സ്വര്ണ നിരക്കില് ചാഞ്ചാട്ടം ദൃശ്യമായിക്കൊണ്ടിരിക്കുന്ന ഈ സമയത്ത് ഹ്രസ്വ കാല നേട്ടങ്ങള്ക്കായി സ്വര്ണ നിക്ഷേപം അനുയോജ്യമല്ലെന്നാണ് വിപണി വിദഗ്ധരുടെ അഭിപ്രായം. അമേരിക്കന് ഡോളര് അടിയുറച്ചുതന്നെ നീങ്ങുമെന്നാണ് സൂചന. അതുകൊണ്ട് വരും ദിവസങ്ങളില് സ്വര്ണത്തില് ഇനിയും തിരുത്തല് സംഭവിക്കാമെന്ന് സാമ്പത്തിക വിദഗ്ധര് പറയുന്നു. ദീര്ഘകാലാടിസ്ഥാനത്തില് സ്വര്ണത്തില് നിക്ഷേപം നടത്താനൊരുങ്ങുന്നവര്ക്ക് ഇത് അനുയോജ്യമായ അവസരമാണ്.
വെള്ളി വില
ഗ്രാമിന് 68.30 രൂപയാണ് ഇന്നത്തെ വില. പത്ത് ഗ്രാം വെള്ളിക്ക് 683 രൂപയും ഒരു കിലോഗ്രാമിന് 68,300 രൂപയുമാണ് വില. ഇന്നലെ കിലോഗ്രാമിന് 68,400 രൂപയായിരുന്നു വില.