Just In
-
-
-
-
Don't Miss
-
അരി കുതിര്ക്കേണ്ട, വെള്ളത്തിലിടണ്ട, കാത്തുനില്ക്കേണ്ട: 15 മിനിറ്റില് ഉണ്ണിയപ്പം -
എംഎല്എമാരടക്കം ഒരാള് പോലും വോട്ട് ചെയ്യാതെ നാഗാലാന്ഡിലെ 6 ജില്ലകള്..! കാരണമിത് -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
IPL 2024: 9 പന്തില് 28, സ്ട്രൈക്ക് റേറ്റ് 311! കത്തിക്കയറി ധോണി; പക്ഷെ ആരാധകര്ക്ക് നിരാശ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കൊച്ചി: ശനിയാഴ്ച്ച സ്വര്‍ണവിലയില്‍ മാറ്റമില്ല. പവന് 35,400 രൂപയും ഗ്രാമിന് 4,425 രൂപയുമാണ് ഇന്ന് വില. വെള്ളിയാഴ്ച്ച സ്വര്‍ണം പവന് 240 രൂപയും ഗ്രാമിന് 30 രൂപയും കുറയുന്നത് വിപണി കണ്ടിരുന്നു. കഴിഞ്ഞ മൂന്നു ദിവസം കൊണ്ട് പവന് 560 രൂപ വര്‍ധിച്ചതിന് ശേഷമാണ് ഇപ്പോഴത്തെ വിലയിടിവ്. നേരത്തെ, ഫെബ്രുവരി ഒന്നിന് അവതരിപ്പിക്കപ്പെട്ട കേന്ദ്ര ബജറ്റിന് ശേഷം സ്വര്‍ണവില 1,800 രൂപയോളം കുറഞ്ഞിരുന്നു. ഫെബ്രുവരി അഞ്ചിന് 35,000 രൂപയാണ് പവന് നിരക്ക് രേഖപ്പെടുത്തിയത്. ഈ മാസം സ്വര്‍ണം കുറിച്ച ഏറ്റവും താഴ്ന്ന വിലനിലവാരവും ഇതുതന്നെ. ശനിയാഴ്ച്ച വെള്ളി നിരക്കിലും ചെറിയ മാറ്റം സംഭവിച്ചു. വെള്ളി ഗ്രാമിന് 69.20 രൂപയാണ് ഇന്നത്തെ നിരക്ക്; ഇന്നലത്തെ നിരക്ക് 68.70 രൂപ.
രാജ്യാന്തര വിപണിയിലെ തരംഗം കണക്കിലെടുത്ത് ആഭ്യന്തര വിപണിയിലും സ്വര്‍ണവില ഇടിഞ്ഞത് കാണാം. രാജ്യത്തെ പ്രമുഖ ചരക്ക് വ്യാപാര ഇടമായ എംസിഎക്സില്‍ (മള്‍ട്ടി കമ്മോഡിറ്റി എക്സ്ചേഞ്ച്) സ്വര്‍ണ ഫ്യൂച്ചറുകള്‍ 661 രൂപ കുറഞ്ഞ് 46,847 രൂപയിലെത്തി (10 ഗ്രാം). ഇടിവ് 0.33 ശതമാനം. സില്‍വര്‍ ഫ്യൂച്ചറുകള്‍ 347 രൂപ കുറഞ്ഞ് കിലോയ്ക്ക് 67,894 രൂപ വിലനിലവാരവും കാഴ്ച്ചവെച്ചു. 0.88 ശതമാനം ഇടിവ്.
ആഗോള കമ്പോളത്തില്‍ ഡോളര്‍ സൂചിക ശക്തി പ്രാപിക്കുന്നതും നിക്ഷേപകര്‍ സ്വര്‍ണത്തില്‍ നിന്നും കണ്ണുതിരിക്കുന്നതും വിലയിടിയാനുള്ള കാരണങ്ങളാണ്. ഇതേസമയം, രാജ്യാന്തര കറന്‍സികള്‍ക്കെതിരെ ഡോളര്‍ പഴയ നില കൈവരിച്ചാല്‍ സ്വര്‍ണവിലയില്‍ വലിയ തിരുത്തല്‍ സംഭവിക്കും. ആഗോള ചിത്രം പരിശോധിച്ചാല്‍ അമേരിക്കയിലെ ഏറ്റവും പുതിയ പണപ്പെരുപ്പ കണക്കുകള്‍ സ്വര്‍ണത്തിന്റെ തിളക്കം കുറയ്ക്കുകയാണ്. എന്തായാലും ഡോളര്‍ സൂചിക പ്രതിരോധത്തില്‍ നില്‍ക്കുന്നതും ട്രഷറി ബോണ്ടുകളുടെ നേട്ടം കുറഞ്ഞിരിക്കുന്നതും സ്വര്‍ണവിലയെ താങ്ങിനിര്‍ത്തുന്നുണ്ട്.
രാജ്യാന്തര വിപണിയില്‍ സ്വര്‍ണം ഔണ്‍സിന് 1,820.73 ഡോളറാണ് ശനിയാഴ്ച്ച വില. ചൊവാഴ്ച്ച കഴിഞ്ഞ രണ്ടാഴ്ച്ചത്തെ ഏറ്റവും താഴ്ന്ന നിലയിലേക്ക് സ്വര്‍ണം കൂപ്പുകുത്തിയിരുന്നു. അമേരിക്കന്‍ സ്വര്‍ണ ഫ്യൂച്ചറുകള്‍ 0.1 ശതമാനം നഷ്ടത്തില്‍ 1,841.50 ഡോളറിലാണ് തുടരുന്നത്. മറ്റു വിലയേറിയ ലോഹങ്ങളുടെ കാര്യമെടുത്താലും ഇടര്‍ച്ച കാണാം. ചൈനീസ് പുതുവര്‍ഷവും സ്വര്‍ണത്തിനും വെള്ളിക്കും ഇറക്കുമതി തീരുവ കുറയ്ക്കാനുള്ള ഇന്ത്യാ ഗവണ്‍മെന്റിന്റെ തീരുമാനവും ആഗോള വിപണിയില്‍ സ്വര്‍ണ ഡിമാന്‍ഡ് ഉയര്‍ത്തുമെന്നാണ് സാമ്പത്തിക വിദഗ്ധരുടെ പ്രവചനം.
