ആവേശം കുറഞ്ഞു, കേരളത്തിൽ ഇന്ന് സ്വർണ വില ഇടിയുന്നു: സംഘർഷം കടുപ്പിച്ചാൽ സ്വർണം വീണ്ടും കുതിക്കും

സ്വർണ വില ഇന്ന് വീണ്ടും ഇടിയുന്നു. ആഗോളതലത്തിൽ നിന്നുള്ള പ്രതികൂല ചലനങ്ങളുടെ അടിസ്ഥാനത്തിലാണ് ഇന്ന് സ്വർണ വിലയിൽ നേരിയ ഇടിവുണ്ടാവുന്നത്. രാജ്യാന്തര വില തുടർച്ചയായി ഇടിവിലാണ്. ഇന്ന് പവന് 40 രൂപയാണ് ഇടിഞ്ഞത്. വില ഇടിഞ്ഞെങ്കിലും ആഭരണപ്രേമികൾക്ക് അത്ര ആശ്വാസം നൽകുന്ന വാർത്തയല്ല ഇത്. അതിനാൽ സ്വർണം വാങ്ങാൻ ആ​ഗ്രഹിക്കുന്നവർക്ക് നിരാശയുണ്ട്. പ്രതിസന്ധികൾ തുടരുമ്പോഴും സ്വർണ വില ഇടിയുന്നു എന്നതും ആശ്ചര്യമാവുന്നു. സാധാരണ പ്രതിസന്ധി ഘട്ടങ്ങളിൽ സ്വർണ വില കത്തിക്കയറേണ്ടതാണ്. ഇന്ന് ​ഗ്രാമിന് വെറും 5 രൂപയാണ് ഇടിഞ്ഞത്.

ഇന്നത്തെ സ്വർണ വില

ഇന്ന് ഒരു ഗ്രാമിന് 5 രൂപ കുറഞ്ഞ് 9230 രൂപയായി. പവന് 40 രൂപ കുറഞ്ഞ് 73,840 രൂപയായി. ഇന്നത്തെ വിലപ്രകാരം 10 ഗ്രാം സ്വർണം വാങ്ങാൻ 92,300 രൂപയാവുന്നു. 24 കാരറ്റ് സ്വർണത്തിന് ഒരു ഗ്രാമിന് 10,069 രൂപയും പവന് 80,552 രൂപയുമാവുന്നു. 18 കാരറ്റിന് ഒരു ഗ്രാമിന് 7552 രൂപയും പവന് 60,416 രൂപയുമാണ്.

ഇന്ന് രാജ്യാന്തര സ്വർണ വില തകർച്ചയിലാണ്. ഇന്ന് രാജ്യാന്തര സ്പോട്ട് സ്വർണ വില ഔൺസിന് 3,358.5 ഡോളറിലെത്തി. എന്നാൽ മറുവശത്ത് വെള്ളി വില വമ്പൻ കുതിപ്പിലേക്ക് ഉയരുന്നു. വെള്ളി നിക്ഷേപങ്ങളും വമ്പൻ കുതിപ്പിലാണ്...

Take a Poll

സംഘർഷം അവസാനിച്ചിട്ടില്ല, സ്വർണ വിലയും ഇടിയുന്നു....

ഇസ്രയേൽ-ഇറാൻ സംഘർഷം ഇപ്പോഴും അവസാനിച്ചിട്ടില്ല. ഇറാനെതിരെ യുഎസും ശക്തമായി എതിർത്തതോടെ യുദ്ധ സാഹചര്യം വഷളാവുന്നുണ്ട്. ഇത്തരം സാഹചര്യത്തിൽ സ്വർണ വില കത്തിക്കയറേണ്ടതാണ്. പക്ഷേ ഇന്ന് വില ഇടിയുന്നു. ഇന്ന് ഡോളർ ഇൻഡക്സിൽ കുതിച്ചതോടെയാണ് സ്വർണത്തിൻ്റെ കുതിപ്പിന് നേരിയ വീഴ്ച സംഭവിച്ചത്.

സാധാരണ യുദ്ധം പോലുള്ള സാഹചര്യങ്ങൾ സ്വർണം എന്ന സുരക്ഷിത നിക്ഷേപത്തിൻ്റെ പെരുമ ഉയർത്തും. പക്ഷേ ഇന്ന് ആ പെരുമ കെടുത്തി സ്വർണ വില ദുർബലമായി. എങ്കിലും ഇന്നത്തെ വിലക്കുറവ് താത്കാലികം മാത്രമാണ്. സംഘർഷം കൂടുതൽ ശക്തമാവുകയോ, യുഎസ് ഇറാനെതിരെ അപ്രതീക്ഷിത നീക്കം നടത്തുകയോ ചെയ്താൽ സ്വർണ വില മുന്നോട്ട് കുതിക്കും.

നിലവിൽ ഡോളർ ശക്തിയാർജ്ജിച്ചത് സ്വർണത്തിന് തിരിച്ചടിയായി. ഡോളർ ഉയരുമ്പോൾ സ്വർണം വാങ്ങാനുള്ള ചിലവ് വർദ്ധിക്കുന്നു. ഇത് ഡിമാൻഡിനെ ബാധിക്കുകയും വില കുറയുകയും ചെയ്യുന്നു. ഒരുപക്ഷേ നാളെ ഡോളർ ഇൻഡക്സിൽ വീണാൽ സ്വർണ വില മെച്ചപ്പെടാനും സാധ്യതയുണ്ട്. ഇത്തരം സാഹചര്യങ്ങളിൽ ആളുകൾ സ്വർണ നിക്ഷേപങ്ങളെ ഉപേക്ഷിക്കുകയും മറ്റു നിക്ഷേപങ്ങളെ പരി​ഗണിക്കുകയും ചെയ്യുന്നു.

ഇന്ന് സ്വർണാഭരണം വാങ്ങാൻ ഒരു പവന് എത്ര വേണം?

ഇന്നത്തെ സ്വർണ വിലക്കൊപ്പം 5% പണിക്കൂലി, 3% ജി.എസ്.ടി, ഹോൾമാർക്ക് ചാർജ് (53.10 രൂപ) എന്നിവ ഈടാക്കിയാൽ ഒരു പവൻ സ്വർണാഭരണം വാങ്ങാൻ ഏകദേശം 79,911 രൂപ വേണം. ഒരു ഗ്രാം ആഭരണത്തിന് ഏകദേശം 10,035 രൂപയും കൊടുക്കേണ്ടി വരും. 5 മുതൽ 35 ശതമാനം വരെയാണ് പണിക്കൂലി കണക്കാക്കുന്നത്. 35 ശതമാനം വരെ പണിക്കൂലി ഉയർന്നാൽ ആഭരണ വിലയും ​ഗണ്യമായി കുതിക്കും. അതിനാൽ ഇന്നത്തെ വില അറി‍ഞ്ഞ ശേഷം മാത്രം ജ്വല്ലറികളിലേക്ക് പോവൂ..

ഇന്ന് സ്വർണം വാങ്ങുന്നോ?

ഇന്ന് നേരിയ ഇടിവുണ്ടായെങ്കിലും ആശ്വാസകരമായ വിലക്കുറവല്ല. കാരണം ഒരു ​ഗ്രാമിന് വെറും 5 രൂപയാണ് ഇന്ന് കുറഞ്ഞത്. ഇത് നാളെ കുതിച്ചു കയറാനും സാധ്യതയുണ്ട്. ഇന്നത്തെ വിലയിൽ വാങ്ങാൻ ആ​ഗ്രഹിക്കുന്നവർക്ക് ഇന്ന് തന്നെ അഡ്വാൻസ് ബുക്ക് ചെയ്യാം. യുദ്ധം അവസാനിക്കാത്തതിനാൽ വില എപ്പോൾ വേണമെങ്കിലും കുതിക്കും.