ഇന്നത്തെ സ്വർണ വില: കേരളത്തിൽ വമ്പൻ ഇടിവ്, പവന് 360 രൂപ കുറഞ്ഞു: വാങ്ങുന്നവർ വേ​ഗം ജ്വല്ലറിയിലേക്ക് വിട്ടോളൂ

തുടർച്ചയായ രണ്ടാം ദിനവും സ്വർണ വില ഇടിയുന്നു. ഇത് സാധാരണക്കാർക്ക് നേരിയ ആശ്വാസം നൽകുന്നു. ഇന്ന് പവന് 360 രൂപയാണ് ഇടിഞ്ഞത്. ഇന്നലെ നേരിയ ഇടിവായിരുന്നു. എന്നാൽ രാജ്യാന്തര വില നേട്ടത്തിൽ തന്നെ തുടരുന്നു. ആ​ഗോള തലത്തിലെ മാറ്റങ്ങൾ ഇന്ന് കേരളത്തിലെ വിലയെ സാരമായി ബാധിക്കുന്നുണ്ട്. ഇത് ആഭരണപ്രേമികൾക്കും, സാധാരണക്കാർക്കും ഏറെ ആശ്വാസം നൽകുന്നു. രണ്ട് ദിവസം കൊണ്ട് പവന് 440 രൂപയും ​ഗ്രാമിന് 55 രൂപയുമാണ് കുറഞ്ഞത്.

ഇന്നത്തെ സ്വർണ വില

ഇന്ന് ഒരു ഗ്രാമിന് 45 രൂപ കുറഞ്ഞ് 9100 രൂപയായി. ഒരു പവന് 360 രൂപ കുറഞ്ഞ് 72,800 രൂപയുമായി. ഇന്നത്തെ വിലപ്രകാരം 10 ഗ്രാം സ്വർണം വാങ്ങാൻ 91,000 രൂപയാവുന്നു. 24 കാരറ്റ് സ്വർണത്തിന് ഒരു ഗ്രാമിന് 9928 രൂപയും 8 ​ഗ്രാമിന് 79,424 രൂപയുമാവുന്നു. 18 കാരറ്റിന് ഒരു ഗ്രാമിന് 7446 രൂപയും 8 ​ഗ്രാമിന് 59,568 രൂപയുമാണ്.

ഇന്ന് രാജ്യാന്തര വില മുന്നേറുന്നു. രാജ്യാന്തര സ്പോട്ട് സ്വർണ വില ഔൺസിന് 3,336.66 ഡോളറിലെത്തി. സ്വർണം പോലെ വെള്ളി വിലയും നേട്ടത്തിലാണുള്ളത്. ഇതോടെ സമീപകാലത്തായി ആ​ഗോള തലത്തിൽ വെള്ളിയുടെ ഡിമാൻഡും വർദ്ധിച്ചിട്ടുണ്ട്.

Take a Poll

സ്വർണ വിലയിലെ ചാഞ്ചാട്ടങ്ങൾക്കു പിന്നിലെ കാരണം

ഇന്ന് രാജ്യാന്തര വില നേട്ടത്തിലെത്തിയിട്ടും കേരളത്തിൽ സ്വർണ വില ഇടിയുന്നു. ആ​ഗോള മാറ്റങ്ങൾക്ക് അനുസരിച്ച് ഇന്ന് സ്വർണ വില കുതിക്കുമെന്നായിരുന്നു ഇന്നലെ പ്രതീക്ഷിച്ചത്. യുഎസ് അടിസ്ഥാന പലിശ നിരക്ക് കുറക്കുന്നതിലൂടെ ഡോളറിനേക്കാൾ സ്വർണത്തിന് മൂല്യം വർദ്ധിക്കും. ഇതോടെ സ്വർണ നിക്ഷേപങ്ങളുടെ ഡിമാൻഡും ഉയരും. അത് സ്വർണത്തിൻ്റെ വില കുതിക്കുന്നതിലേക്കും എത്തിക്കും. എന്നാൽ യുഎസിൻ്റെ പണപ്പെരുപ്പം കൂടിയാൽ സ്വർണത്തിന് അത് തിരിച്ചടിയാവുകയും, വില ഇടിയുകയും ചെയ്യും.

സ്വർണാഭരണം വാങ്ങാൻ എത്ര രൂപ വേണം?

ഇന്നത്തെ സ്വർണ വിലക്കൊപ്പം 5% പണിക്കൂലി, 3% ജി.എസ്.ടി, ഹോൾമാർക്ക് ചാർജ് (53.10 രൂപ) എന്നീ അധിക ചാർജുകൾ ഈടാക്കുമ്പോഴാണ് സ്വർണാഭരണ വില കണക്കാക്കുന്നത്. മിനിമം 5% പണിക്കൂലിയാണെങ്കിൽ ഇന്ന് ഒരു പവൻ ആഭരണം വാങ്ങാൻ ഏകദേശം 78,785 രൂപ വേണം. ഒരു ഗ്രാം ആഭരണത്തിന് ഏകദേശം 9,894 രൂപയും കരുതേണ്ടി വരും. സ്വർണത്തിന് വില കുതിക്കുന്നതിന് അനുസരിച്ച് ആഭരണത്തിൻ്റെ വിലയും കുതിക്കും. അതിനാൽ ഇന്നത്തെ ആഭരണ വിലയും അറിഞ്ഞിരിക്കുക.

സ്വർണം വാങ്ങുന്നുണ്ടോ?

ഇന്നും തുട‍ർച്ചയായി സ്വർണ വില കുറഞ്ഞതോടെ സ്വർണം വാങ്ങുന്നവരുടെ എണ്ണം വർദ്ധിക്കുന്നുണ്ട്. കാര്യമായ ഇടിവില്ലെങ്കിലും ഓരോ വിലക്കുറവും സാധാരണക്കാർക്ക് ആശ്വാസ വാർത്തയാണ്. എന്നാൽ സ്വർണം വാങ്ങുന്നതുപോലെ സ്വർണത്തിൽ നിക്ഷേപിക്കുന്നതും മികച്ച തിരഞ്ഞെടുപ്പാണ്. അതിൽ നിന്നും ഭാവിയിൽ സ്വർണം വാങ്ങാനും സാധിക്കും.