ഇന്ന് അൽപം സൈലൻ്റാണ്: സംസ്ഥാനത്തെ സ്വർണ വില മാറ്റമില്ലാതെ തുടരുന്നു, രാജ്യാന്തര വില കുതിച്ചുയരുന്നു

ഇന്ന് ജ്വല്ലറിയിലേക്ക് പോകുന്നുണ്ടോ? കേരളത്തിൽ സ്വർണ വില മാറ്റമില്ലാതെ തുടരുന്നു. ആഭരണപ്രേമികൾക്ക് ആവേശമാവുന്നു. 75,000 രൂപയിലേക്ക് കുതിച്ച സ്വർണ വിലയാണ് ഇപ്പോൾ ഇടിവിൽ തുടരുന്നത്. ഇന്ന് കേരളത്തിൽ സ്വർണ വില മാറ്റമില്ലാതെ തുടരുമ്പോൾ രാജ്യാന്തര വില മെച്ചപ്പെട്ട് കുതിക്കുന്നുണ്ട്. ഈ കുതിപ്പ് കേരളത്തിലും ഉടൻ തന്നെ പ്രതിഫലിച്ചേക്കാം. ചിങ്ങത്തിൽ താലികെട്ടുന്നവർക്ക് ഇന്ന് തന്നെ സ്വർണം വാങ്ങാം. നാളെ വില വീണ്ടും കുതിച്ചേക്കാം.

ഇന്നത്തെ സ്വർണ വില

ഇന്ന് ഒരു ഗ്രാമിന് 9160 രൂപയും, ഒരു പവന് 73,280 രൂപയുമാണ് വില. ഇന്നത്തെ വിലപ്രകാരം 10 ഗ്രാം സ്വർണം വാങ്ങാൻ 91,600 രൂപയാവുന്നു. 24 കാരറ്റ് സ്വർണത്തിന് ഒരു ഗ്രാമിന് 9993 രൂപയും 8 ഗ്രാമിന് 79,944 രൂപയുമാവുന്നു. 18 കാരറ്റിന് ഒരു ഗ്രാമിന് 7495 രൂപയും 8 ഗ്രാമിന് 59,960 രൂപയുമാണ്.

രാജ്യാന്തര സ്വര്‍ണ വില ഇന്ന് മെച്ചപ്പെട്ട് കുതിക്കുന്നുണ്ട്. ഇന്നത്തെ സ്പോട്ട് സ്വർണ വില ഔൺസിന് 3,339.57 ഡോളറിലേക്ക് ഉയർന്നു. ഡോളർ അൽപം തളർന്നപ്പോഴേക്കും സ്വർണ വില വീണ്ടും മുന്നേറാൻ ആരംഭിച്ചു. വെള്ളി വിലയും മുന്നേറ്റം തുടരുന്നു.

Take a Poll

രാജ്യാന്തര വില കുതിക്കുന്നു

തുടർച്ചയായ ഇടിവിനു ശേഷം രാജ്യാന്തര വില വീണ്ടും മുന്നേറുന്നു. ഡൊണാൾഡ് ട്രംപിൻ്റെ വ്യാപാര ചർച്ചകൾ പുതിയ പ്രശ്നങ്ങൾ സൃഷ്ടിക്കുന്നുണ്ട്. ഭൗമരാഷ്ട്രീയ സംഘർഷങ്ങൾ, സാമ്പത്തിക അനിശ്ചിതത്വങ്ങൾ എന്നിവ സ്വർണ വില ഉയരാനുള്ള പ്രധാന ഘടകങ്ങളാണ്. ഇന്ന് ഡോളർ ദുർബലമായതും, ഡൊണാൾഡ് ട്രംപിൻ്റെ താരിഫ് പ്രശ്നങ്ങൾ വീണ്ടും തലപൊക്കിയതും സ്വർണത്തിന് കൂടുതൽ ശക്തിയാർജ്ജിക്കുന്നു.

സ്വർണാഭരണം വാങ്ങാൻ എത്ര രൂപ നൽകേണം?

സ്വർണ വില ഇന്ന് മാറ്റമില്ലാതെ തുടരുന്നു. അതിനാൽ തന്നെ ജൂലൈ 26 ശനിയാഴ്ച വ്യാപാരം നടന്ന അതേ വിലയിലാണ് ഇന്നും വ്യാപാരം അരംഭിച്ചിരിക്കുന്നത്. 5% പണിക്കൂലി, 3% ജി.എസ്.ടി, ഹോൾമാർക്ക് ചാർജ് (53.10 രൂപ) എന്നീ ചാർജുകളോടെ ഇന്ന് ഒരു പവൻ ആഭരണം വാങ്ങാൻ ഏകദേശം 79,300 രൂപ വേണം. ഒരു ഗ്രാം ആഭരണത്തിന് ഏകദേശം 9,950 രൂപയും കരുതേണ്ടി വരും.

നിലവിലെ സാഹചര്യം പരിശോധിച്ചാൽ നാളെ വീണ്ടും സ്വർണ വില ഉയർന്നേക്കാം. വീണ്ടും ആഭരണത്തിൻ്റെ വില 80,000 രൂപ കടക്കാനും സാധ്യത കൂടുതലാണ്.

 ഇന്നത്തെ വിലയിൽ സ്വർണം വാങ്ങുന്നോ?

ഇന്ന് സ്വർണ വിലയിൽ മാറ്റമില്ലാതെ തുടരുന്നതിനാൽ സ്വർണം വാങ്ങാൻ തിരക്കേറുമോ? നിലവിൽ രാജ്യാന്തര വില കുതിക്കുന്നതിനാൽ കേരളത്തിലും വില ഉയരാനുള്ള സാധ്യത കൂടുതലാണ്. അതിനാൽ ആഭരണം വാങ്ങാൻ സാധിക്കാത്തവർ സ്വർണ നിക്ഷേപങ്ങൾ പരി​ഗണിക്കുന്നതാണ് കൂടുതൽ നല്ലത്. സ്ഥിരമായി നിക്ഷേപിച്ചാൽ ഭാവിയിൽ സ്വർണം വാങ്ങാം.