റെക്കോർഡ് റീച്ചില്ല, വീണ്ടും സ്വർണം താഴേക്ക്! കേരളത്തിൽ സ്വർണം വാങ്ങാൻ ആവേശം, പവന് കുറഞ്ഞത് 720 രൂപ

എൻ്റെ പൊന്നേ! കേരളത്തിൽ ഇന്നും സ്വർണ വില കുറഞ്ഞിട്ടുണ്ട്. തുടർച്ചയായ രണ്ടാം ദിനവും വില ശക്തമായ ഇടിഞ്ഞതോടെ ആഭരണപ്രേമികൾക്ക് ആശ്വാസമായി. ഇന്ന് പവന് കുറഞ്ഞത് 720 രൂപയാണ്. രാജ്യാന്തര വിപണിയിലും സ്വർണ വില ദുർബലമാവുന്നു. ഡോളർ ഇൻഡക്സ് കുതിക്കുന്നതും സ്വർണ വിലക്ക് തിരിച്ചടിയായി. സാധാരണക്കാർ കാത്തിരുന്നതു പോലെ സ്വർണ വിലയിൽ വമ്പൻ ഇടിവുണ്ടാവുമോ?

വില കുറഞ്ഞതിനാൽ കേരളത്തിലെ ജ്വല്ലറികളിൽ ഇന്ന് തിരക്കുണ്ടാവാൻ സാധ്യതയുണ്ട്. എങ്കിലും സമീപകാലത്തായി സ്വർണ വിലയിലെ അസ്ഥിരത തുടരുന്നതിനാൽ ഈ വിലയിലും ഉടൻ തന്നെ മാറ്റം സംഭവിച്ചേക്കാം. ഇന്നത്തെ സ്വർണ വില ഈ മാസത്തെ ഏറ്റവും വലിയ ഇടിവാണ് രേഖപ്പെടുത്തിയിരിക്കുന്നത്.

ഇന്നത്തെ സ്വർണ വില

ഇന്ന് ഒരു ഗ്രാമിന് 90 രൂപ കുറഞ്ഞ് 11,135 രൂപയായി. ഒരു പവന് 720 രൂപ കുറഞ്ഞ് 89,080 രൂപയായി. ഇന്നത്തെ വിലപ്രകാരം 10 ഗ്രാം സ്വർണം വാങ്ങാൻ 1,11,350 രൂപയാവുന്നു. 24 കാരറ്റ് സ്വർണം ഒരു ഗ്രാമിന് 98 രൂപ കുറഞ്ഞ് 12,148 രൂപയായി. പവന് 784 രൂപ കുറഞ്ഞ് 97,184 രൂപയുമാവുന്നു. 18 കാരറ്റിന് ഒരു ഗ്രാമിന് 73 രൂപ കുറഞ്ഞ് 9111 രൂപയും, പവന് 584 രൂപ കുറഞ്ഞ് 72,888 രൂപയുമായി.

രാജ്യാന്തര സ്വർണം

ഇന്ന് രാജ്യാന്തര സ്വർണ വിലയിലും വൻ ഇടിവാണ് രേഖപ്പെടുത്തിയിരിക്കുന്നത്. രാജ്യാന്തര സ്പോട്ട് സ്വർണ വില 3,960.61 ഡോളറിലെത്തി. സ്വർണ വില ഇന്നും താഴേക്ക് വീണതാണ് കേരളത്തിലെ വിപണിയിലും വില കുറഞ്ഞത്. 4,000 ഡോളർ നിലവാരത്തിൽ നിന്നാണ് ഈ വീഴ്ച.

ഡോളർ വീണ്ടും ശക്തമായി

ഡോളറും ബോണ്ട് യീൽഡും മുന്നേറുന്നത് സ്വർണ നിക്ഷേപങ്ങൾക്ക് തിരിച്ചടിയാവുന്നു. ഇത് സ്വർണ വിലയെയും പ്രതികൂലമായി ബാധിക്കുന്നു. മാത്രമല്ല യുഎസിൻ്റെ കേന്ദ്ര ബാങ്കായ ഫെഡറൽ റിസർവ് ഉടൻ തന്നെ അടിസ്ഥാന പലിശ നിരക്ക് വെട്ടിക്കുറക്കില്ലെന്ന പ്രഖ്യാപനം നടത്തിയതും സ്വർണ വിലയെ തളർത്തി. ഡോളറിൻ്റെ കുതിപ്പ് തുടർച്ചയായി തുടർന്നാൽ സ്വർണ വിലയിൽ വരും ദിവസങ്ങളിലും വീഴ്ച സംഭവിക്കും.

സ്വർണാഭരണം വാങ്ങാൻ എത്ര രൂപ വേണം?

ഇന്നത്തെ സ്വർണ വിലക്കൊപ്പം 5% പണിക്കൂലി, 3% ജി.എസ്.ടി, ഹോൾമാർക്ക് ചാർജ് (53.10 രൂപ) എന്നീ ചാർജുകൾ ഈടാക്കിയാൽ ഒരു പവൻ സ്വർണാഭരണം വാങ്ങാൻ ഏകദേശം 96,390 രൂപ നൽകേണ്ടി വരും. ഒരു ഗ്രാം ആഭരണത്തിന് ഏകദേശം 12,090 രൂപയും കരുതേണ്ടി വരും. ഇന്ന് സ്വർണ വില ഇടിഞ്ഞതോടെ ആഭരണ വിലയും കുറഞ്ഞിട്ടുണ്ട്. ഇത് സാധാരണക്കാർക്കും, വിവാഹ പാർട്ടികൾക്കും നേട്ടം നൽകുന്നു. കുറഞ്ഞ വിലയിൽ ആഭരണം വാങ്ങിക്കൂട്ടുന്നതും നല്ലതാണ്.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.