കൈ പൊള്ളുന്നു! സംസ്ഥാനത്ത് സ്വർണ വിലയിൽ വമ്പൻ തേരോട്ടം, പവന് കൂടിയത് 280 രൂപ: രാജ്യാന്തര വിലയും കുതിപ്പിൽ

സംസ്ഥാനത്ത് സ്വർണവില സർവകാല റെക്കോർഡുകൾ ഭേദിച്ച് കുതിക്കുന്നു. തുടർച്ചയായ നാലാം ദിവസവും വില ഉയർന്നതോടെ കേരളത്തിലെ സ്വർണവിപണി ചരിത്രത്തിലെ ഏറ്റവും ഉയർന്ന നിരക്കിലാണ് വ്യാപാരം തുടരുന്നത്. 2026-ന്റെ തുടക്കത്തിലും സ്വർണ വിലയിലുണ്ടാകുന്ന ഈ അപ്രതീക്ഷിത കുതിപ്പ് സാധാരണക്കാരായ ഉപഭോക്താക്കളെയും വിവാഹ ആവശ്യങ്ങൾക്കായി സ്വർണം വാങ്ങാൻ കാത്തിരിക്കുന്നവരെയും ഒരുപോലെ പ്രതിസന്ധിയിലാക്കിയിരിക്കുകയാണ്. ഇന്ന് മാത്രം പവന് 280 രൂപയുടെ വർദ്ധനവാണ് രേഖപ്പെടുത്തിയത്.

രാജ്യാന്തര വിപണിയിലുണ്ടാകുന്ന വിലക്കയറ്റമാണ് ആഭ്യന്തര വിപണിയിലും പ്രതിഫലിക്കുന്നത്. ആഗോളതലത്തിൽ നിലനിൽക്കുന്ന ഭൗമരാഷ്ട്രീയ പ്രതിസന്ധികളും സാമ്പത്തിക അസ്ഥിരതകളും നിക്ഷേപകർക്ക് സ്വർണത്തോടുള്ള താല്പര്യം വർദ്ധിപ്പിച്ചിട്ടുണ്ട്. സുരക്ഷിത നിക്ഷേപമെന്ന നിലയിൽ അന്താരാഷ്ട്ര തലത്തിൽ സ്വർണത്തിന് ഡിമാൻഡ് ഉയരുന്നത് വിപണിയെ കൂടുതൽ സ്വാധീനിക്കുന്നു. യുഎസ് ഡോളറിന്റെ മൂല്യത്തിലുണ്ടാകുന്ന ചാഞ്ചാട്ടങ്ങളും കേന്ദ്ര ബാങ്കുകൾ സ്വർണം ശേഖരിക്കുന്നതും വില വർദ്ധനവിന് ആക്കം കൂട്ടുന്ന പ്രധാന ഘടകങ്ങളാണ്.

വിപണിയിലെ ഈ സാഹചര്യം കണക്കിലെടുത്ത്, സ്വർണം വാങ്ങാൻ ഉദ്ദേശിക്കുന്നവർ 'അഡ്വാൻസ് ബുക്കിംഗ്' സംവിധാനം പ്രയോജനപ്പെടുത്തുന്നത് ഉചിതമായിരിക്കും. വില ഇനിയും ഉയരാൻ സാധ്യതയുള്ളതിനാൽ നിലവിലെ വിലയിൽ തന്നെ ബുക്ക് ചെയ്താൽ വരും ദിവസങ്ങളിലെ ഉയർന്ന നിരക്ക് നൽകേണ്ടി വരില്ല എന്നതാണ് ഇതിൻ്റെ പ്രധാന ​ഗുണം.

ഇന്നത്തെ സ്വർണ വില

ഇന്ന് ഒരു ഗ്രാമിന് 35 രൂപ ഉയർന്ന് 13,065 രൂപയായി. ഒരു പവന് 280 രൂപ ഉയർന്ന് 1,04,520 രൂപയായി. ഇന്നത്തെ വിലപ്രകാരം 10 ഗ്രാം സ്വർണം വാങ്ങാൻ 1,30,650 രൂപയാവുന്നു. 24 കാരറ്റ് സ്വർണം ഒരു ഗ്രാമിന് 38 രൂപ ഉയർന്ന് 14,253 രൂപയും, പവന് 304 രൂപ ഉയർന്ന് 1,14,024 രൂപയുമാവുന്നു. 18 കാരറ്റിന് ഒരു ഗ്രാമിന് 29 രൂപ ഉയർന്ന് 10,690 രൂപയും, പവന് 232 രൂപ ഉയർന്ന് 85,520 രൂപയുമായി.

രാജ്യാന്തര സ്വർണ വില ഇന്നും റെക്കോർഡ് കുതിപ്പിലാണ്. ഇന്ന് സ്പോട്ട് സ്വർണ വില ഔൺസിന് 4,598.75 ഡോളറിലെത്തി. ഇതിൻ്റെ ഫലമായിട്ടാണ് കേരളത്തിലും സ്വർണ വിലയിൽ മുന്നേറ്റം രേഖപ്പെടുത്തിയത്.

സ്വർണാഭരണ വില

കേരളത്തിൽ സ്വർണത്തിൻ്റെ ഡിമാൻഡ് ഓരോ ദിവസവും വർദ്ധിക്കുകയാണ്. എന്നിട്ടും ഈ വിലക്കയറ്റം ആഭരണപ്രേമികളെ നിരാശരാക്കുന്നു. 3% ജിഎസ്ടി, ഹോൾമാർക്ക് ഫീസ്, 5% മിനിമം പണിക്കൂലി എന്നിവയും ഈടാക്കുമ്പോഴാണ് ആഭരണ വില കണക്കാക്കുന്നത്. ഇന്ന് ഒരു പവൻ സ്വർണാഭരണം വാങ്ങാൻ 1,13,090 രൂപ കരുതേണ്ടി വരും. ഒരു ഗ്രാം ആഭരണത്തിന് 14,180 രൂപയോളവും ചിലവഴിക്കേണ്ടി വരും. പണിക്കൂലി സാധാരണയായി 30 ശതമാനം വരെ ഉയരാൻ സാധ്യതയുണ്ട്. ചില ആഭരണങ്ങൾക്ക് പണിക്കൂലി വർദ്ധിക്കുന്നതിനാൽ ആഭരണ വിലയും ഉയരും.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.