Kerala gold rate: കേരളത്തിൽ നിശ്ചലമായി സ്വർണം: യുഎസിൻ്റെ പണപ്പെരുപ്പവും താരിഫും രാജ്യാന്തര വിലയെ തളർത്തി

വീണ്ടും സ്വർണ വില മാറ്റമില്ലാതെ തുടരുന്നു. ഇന്നലെ വില ഉയർന്നതിനു ശേഷമാണ് ഇന്നത്തെ നിശ്ചലാവസ്ഥ. രാജ്യാന്തര വിലയിലെ മാറ്റങ്ങളും പ്രതിസന്ധികളുമാണ് സ്വർണ വിലയിലെ ഈ കടുത്ത ചാഞ്ചാട്ടത്തിനു കാരണം. അതിനാൽ ഇന്നും പവന് 71,360 രൂപയാണ്. ഇന്ന് ആഭരണം വാങ്ങുന്നവർ വേ​ഗം തന്നെ ജ്വല്ലറികളിലേക്ക് വിട്ടോളൂ. രാജ്യാന്തര വിലയും ഇടിയുന്നു. സാധാരണ​ഗതിയിൽ ആ​ഗോള വില ഇടിയുമ്പോൾ കേരളത്തിലും വില ഇടിയും. വില ഉയരുമ്പോഴും സ്വർണത്തിൻ്റെ ഡിമാൻഡ് കുറയുന്നില്ല. യുഎസ് പ്രസിഡൻ്റ് ഡൊണാൾഡ് ട്രംപിൻ്റെ താരിഫ് പ്രശ്നങ്ങളാണ് നിലവിലെ സ്വർണ വിലയുടെ ചാഞ്ചാട്ടത്തിനു പിന്നിൽ.

ഇന്നത്തെ സ്വർണ വില

സ്വർണ വിലയിൽ മാറ്റമില്ലാത്തതിനാൽ ഇന്നും ഒരു ഗ്രാമിന് 8920 രൂപയും, പവന് 71,360 രൂപയുമാണ്. ഇന്നത്തെ വിലപ്രകാരം 10 ഗ്രാം സ്വർണം വാങ്ങാൻ 89,200 രൂപയാവുന്നു. 24 കാരറ്റ് സ്വർണത്തിന് ഒരു ഗ്രാമിന് 9731 രൂപയും പവന് 77,848 രൂപയുമാവുന്നു. 18 കാരറ്റിന് ഒരു ഗ്രാമിന് 7299 രൂപയും പവന് 58,392 രൂപയുമാണ്.

ഇന്ന് രാജ്യാന്തര സ്വർണ വില ഇടിയുന്നു. രാജ്യാന്തര സ്പോട്ട് സ്വർണ വില ഔൺസിന് 3,289.57 ഡോളറിലെത്തി. ഒപ്പം ഇന്ന് വെള്ളി വിലയും ഇടിവിലാണ്.

യുഎസിൻ്റെ സാമ്പത്തിക രം​ഗം പ്രതിസന്ധിയിലാണ്. എന്നാൽ കഴിഞ്ഞ മാസത്തെ കണക്ക് പരിശോധിച്ചാൽ പണപ്പെരുപ്പം വളരെ കുറഞ്ഞിട്ടുണ്ട്. സാധാരണ പണപ്പെരുപ്പം കുറയുമ്പോൾ അടിസ്ഥാന പലിശ നിരക്കും കുറയും. ഇത് ഡോളറിൻ്റെ മൂല്യം ഇടിയുകയും സ്വർണത്തിൻ്റെ മൂല്യം വർദ്ധിക്കുകയും ചെയ്യുന്നു. മാത്രമല്ല ആളുകൾ സ്വർണ നിക്ഷേപത്തിലേക്ക് വ്യാപകമായി എത്തുകയും ചെയ്യും.

എന്നാൽ പെണപ്പെരുപ്പം കുറഞ്ഞിട്ടും നിലവിൽ സ്വർണ വില ഇടിയുകയാണ്. യുഎസിൻ്റെ സാമ്പത്തിക സ്ഥിതി മോശമാണെന്നാണ് കണ്ടെത്തൽ, അതിനാൽ ഉടൻ തന്നെ പലിശ നിരക്ക് കുറക്കാനുള്ള സാധ്യത കാണുന്നില്ല. മാത്രമല്ല ട്രംപിൻ്റെ താരിഫ് നയം വീണ്ടും എത്തിയാൽ പണപ്പെരുപ്പം ഉയരുകയും ജിഡിപി വളർച്ച ഇടിയുകയും ചെയ്യുമെന്നാണ് ഫെഡ് റിസർവ് പറയുന്നത്. ഇതേ തുടർന്ന് ഇന്ന് ഡോളർ ഇൻഡക്സിൽ മെച്ചപ്പെടുകയും ചെയ്തതോടെ സ്വർണ വില ഇടിയാൻ തുടങ്ങി.

നിലവിൽ താരിഫ് സംബന്ധിച്ച് പ്രശ്നങ്ങൾ നടക്കുന്നു. ഒരു പക്ഷേ യുഎസും ചൈനയും തമ്മിലുള്ള വ്യാപാര ബന്ധം തകരുകയും ട്രംപിൻ്റെ താരിഫ് ഭീഷണി വീണ്ടും തുടർന്നാൽ അത് ആ​ഗോള വ്യാപാര രം​ഗത്ത് പ്രതിസന്ധി ഉയർത്തും. ഇത് സ്വർണ വില കുതിക്കാൻ വഴിയൊരുക്കും.നേരത്തെയുണ്ടായിരുന്നു താരിഫ് പ്രശ്നങ്ങൾ വിരാമമിട്ടിരുന്നെങ്കിലും വീണ്ടും ട്രംപിൻ്റെ താരിഫ് തന്ത്രങ്ങൾ ഉയരുന്നുണ്ട്.

രാജ്യാന്തര വില ഇടിഞ്ഞിട്ടും കേരളത്തിൽ സ്വർണ വില ഇന്ന് തളരാതെ നിൽക്കുന്നു. ഇന്നും പവന് 71,360 രൂപയിൽ തന്നെയാണ് വ്യാപാരം പുരോ​ഗമിക്കുന്നത്.

ഇന്ന് സ്വർണാഭരണം വാങ്ങാൻ ഒരു പവന് എത്ര വേണം?

ഇന്ന് 5% പണിക്കൂലി, 3% ജി.എസ്.ടി, ഹോൾമാർക്ക് ചാർജ് (53.10 രൂപ) എന്നിവ ചേരുമ്പോൾ ഒരു പവൻ സ്വർണാഭരണം വാങ്ങാൻ ഏകദേശം 77,228 രൂപ നൽകണം. ഒരു ഗ്രാം ആഭരണത്തിന് ഏകദേശം 9,520 രൂപയും വേണം. പണിക്കൂലിയ്ക്ക് അനുസരിച്ച് ആഭരണങ്ങളുടെ വാങ്ങൽ വിലയിൽ മാറ്റം വരും. 5 ശതമാനം മുതൽ 35 ശതമാനം വരെ പണിക്കൂലി ഉയരും.