ദേ ചേച്ചി പിന്നെയും: കേരളത്തിൽ ഇന്നും ഇഴഞ്ഞ് നീങ്ങി സ്വർണ വില, രാജ്യാന്തര വില താഴെ വീണു- വാങ്ങുന്നില്ലേ?

സ്വർണ വില ഇന്നും കൈവിട്ടു, സംസ്ഥാനത്ത് സ്വർണ വിലയിൽ ഇന്നും നേരിയ കയറ്റം. പവന് 40 രൂപ ഇന്നും വർദ്ധിച്ചു. ഇന്നലെയും പവന് 40 രൂപയാണ് ഉയ‍ർന്നത്. ആ​ഗോള വിപണിയിലെ അസ്ഥിരമായ ചാഞ്ചാട്ടങ്ങളാണ് കേരളത്തിൽ നേരിയ ഇടിവുകൾക്ക് കാരണമാവുന്നത്. ഇത് വ്യാപാരികൾക്കും വാങ്ങുന്നവർക്കും കാര്യമായ നേട്ടം നൽകുന്നില്ല എന്നതാണ് സത്യം. സ്വർണത്തിൻ്റെ വില ഉയരാൻ താരിഫ് പ്രതിസന്ധികളും കാരണമാവുന്നുണ്ട്. നിലവിൽ യുഎസും- ഇന്ത്യയും തമ്മിലുള്ള വ്യാപാരക്കരാറും അനിശ്ചിതത്വത്തിലായി.

നേരിയ ഇടിവാണെങ്കിലും ​ഗ്രാമിന് വില 10,000 രൂപയിലേക്കും, പവന് 75,000 രൂപയിലേക്കും അടുക്കുന്നുണ്ട്. ഇത് സാധാരണക്കാർക്ക് നിരാശയുണ്ടാക്കുന്നുണ്ട്.

ഇന്നത്തെ സ്വർണ വില

ഇന്ന് ഒരു ഗ്രാമിന് 5 രൂപ ഉയർന്ന് 9110 രൂപയായി. ഒരു പവന് 40 രൂപ കുറഞ്ഞ് 72,880 രൂപയുമായി. ഇന്നത്തെ വിലപ്രകാരം 10 ഗ്രാം സ്വർണം വാങ്ങാൻ 91,100 രൂപയാവുന്നു. 24 കാരറ്റ് സ്വർണത്തിന് ഒരു ഗ്രാമിന് 9938 രൂപയും 8 ഗ്രാമിന് 79,504 രൂപയുമാവുന്നു. 18 കാരറ്റിന് ഒരു ഗ്രാമിന് 7454 രൂപയും 8 ഗ്രാമിന് 59,632 രൂപയുമാണ്.

ഇന്ന് രാജ്യാന്തര വില ഇടിയുന്നുണ്ട്. സ്പോട്ട് സ്വർണ വില ഔൺസിന് 3,335.96 ഡോളറിലെത്തി. എന്നാൽ വെള്ളിയുടെ വിപണി ശക്തമായി മുന്നേറുന്നു. സിൽവർ ഇടിഎഫ് നിക്ഷേപങ്ങളും നേട്ടത്തിൽ തന്നെ.

സ്വർണ വില ഇഴഞ്ഞ് നീങ്ങുന്നു

ഇന്ന് രാജ്യാന്തര സ്വർണ വില ഇടിയുന്നുണ്ട്. എന്നിട്ടും കേരളത്തിൽ വില മുന്നോട്ട് തന്നെ. താരിഫ് പ്രതിസന്ധികൾ തുടരുന്നത് സ്വർണത്തിന് ശക്തി നൽകുന്നുണ്ട്. എന്നാൽ വ്യാപാരക്കരാറിലെ അനിശ്ചിതത്വം കാര്യങ്ങൾ തകിടം മറിക്കുന്നു. ഒരു പക്ഷേ ഇത് യുഎസിൻ്റെ സാമ്പത്തിക രംഗത്തെയും പ്രതികൂലമായി ബാധിച്ചേക്കാം. കനത്ത ചാഞ്ചാട്ടത്തിൽ തുടർന്ന സ്വർണ വിലയാണ് ഇന്ന് താഴേക്ക് ഇടിഞ്ഞത്. 

സ്വർണാഭരണം വാങ്ങാൻ എത്ര രൂപ വേണം?

ഇന്നത്തെ സ്വർണ വിലക്കൊപ്പം 5% പണിക്കൂലി, 3% ജി.എസ്.ടി, ഹോൾമാർക്ക് ചാർജ് (53.10 രൂപ) എന്നിവ ഈടാക്കുമ്പോഴാണ് സ്വർണാഭരണം വാങ്ങുന്നതിനുള്ള വില നിശ്ചയിക്കുന്നത്. ഇവിടെ മിനിമം 5% പണിക്കൂലി കണക്കാക്കിയാൽ ഇന്ന് ഒരു പവൻ ആഭരണം വാങ്ങാൻ ഏകദേശം 78,870 രൂപ വേണം. ഒരു ഗ്രാം ആഭരണത്തിന് ഏകദേശം 9,905 രൂപയും കരുതേണ്ടി വരും. സ്വർണ വിലയിൽ നേരിയ കുതിപ്പായിട്ടു പോലും ആഭരണ വില 80,000 രൂപക്ക് അരികിൽ തന്നെ തുടരുന്നു.

സ്വർണം എന്ന സുരക്ഷിത നിക്ഷേപം

സ്വർണം എക്കാലത്തും സുരക്ഷിത നിക്ഷേപമാണ്. സ്ഥിരമായ ഇടിവ് ഇല്ലാത്തതിനാൽ ഉയർന്ന ലാഭം പ്രതീക്ഷിക്കാം. ഭൗമരാഷ്ട്ര സംഘർഷങ്ങൾ, ആ​ഗോള പ്രതിസന്ധികൾ, സാമ്പത്തിക രം​ഗത്തെ തളർച്ച എന്നീ ഘട്ടങ്ങളിലെല്ലാം ആളുകൾ വ്യാപകമായി സ്വർണത്തിൽ നിക്ഷേപിക്കുന്നു.