സ്വര്‍ണവില താഴേക്ക്; 2 ദിവസം കൊണ്ട് പവന് കുറഞ്ഞത് 560 രൂപ!

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കൊച്ചി: കേരളത്തില്‍ സ്വര്‍ണവില താഴേക്ക്. സംസ്ഥാനത്ത് കഴിഞ്ഞ രണ്ടു ദിവസം കൊണ്ട് പവന് 560 രൂപ കുറഞ്ഞു. വ്യാഴാഴ്ച്ച സ്വര്‍ണം പവന് 35,640 രൂപയാണ് നിരക്ക്. ഗ്രാമിന് നിരക്ക് 4,455 രൂപയും. പവന് 280 രൂപയും ഗ്രാമിന് 35 രൂപയുമാണ് ഇന്ന് കുറഞ്ഞത്.

 

ഈ മാസം ഒന്നാം തീയതിയാണ് പൊന്ന് ഏറ്റവും കുറഞ്ഞ നിലവാരത്തില്‍ വില്‍പ്പന നടത്തിയത് (35,200 രൂപ). 16, 20 തീയതികളില്‍ ഏറ്റവും ഉയര്‍ന്ന നിലവാരവും സ്വര്‍ണം പുലര്‍ത്തി (36,200 രൂപ). ജൂണില്‍ സ്വര്‍ണം രേഖപ്പെടുത്തിയ ഏറ്റവും ഉയര്‍ന്ന വിലനിലവാരം പവന് 36,960 രൂപയാണ് (ജൂണ്‍ 3). ഏറ്റവും കുറഞ്ഞ വിലനിലവാരം 35,000 രൂപയും (ജൂണ്‍ 30). കഴിഞ്ഞമാസം സ്വര്‍ണം പവന് 1,960 രൂപ കുറഞ്ഞിരുന്നു.

 
സ്വര്‍ണവില താഴേക്ക്; 2 ദിവസം കൊണ്ട് പവന് കുറഞ്ഞത് 560 രൂപ!

മെയ് മാസം 1,680 രൂപയുടെ വിലവര്‍ധനവാണ് സ്വര്‍ണം കുറിച്ചത്. ഏപ്രിലിലും പവന്‍ വില 1,720 രൂപ വര്‍ധിക്കുകയുണ്ടായി. ഇതേസമയം, മാര്‍ച്ചില്‍ 1,560 രൂപയും ഫെബ്രുവരിയില്‍ 2,640 രൂപയും പവന് വില കുറഞ്ഞിരുന്നു. സംസ്ഥാനത്തെ വെള്ളി നിരക്കിലും ഇന്ന് മാറ്റമുണ്ട്. 1 ഗ്രാം വെള്ളിക്ക് 67.10 രൂപയാണ് വ്യാഴാഴ്ച്ച വില. 8 ഗ്രാം വെള്ളിക്ക് വില 536.80 രൂപ.

ഇന്ത്യയിലെ പ്രധാന നഗരങ്ങളിലെ സ്വര്‍ണവില ചുവടെ കാണാം (8 ഗ്രാം 22 കാരറ്റ് സ്വര്‍ണം).

  • ബെംഗളൂരു: പവന് 35,640 രൂപ
  • ചെന്നൈ: പവന് 36,000 രൂപ
  • ദില്ലി: പവന് 37,632 രൂപ
  • ഹൈദരാബാദ്: പവന് 35,640 രൂപ
  • കൊല്‍ക്കത്ത: പവന് 37,952 രൂപ
  • ലഖ്‌നൗ: പവന് 37,632 രൂപ
  • മുംബൈ: പവന് 37,688 രൂപ
  • സൂറത്ത്: പവന് 37,912 രൂപ

ഇന്ന് ദേശീയ വിപണിയിലും സ്വര്‍ണവില താഴേക്കാണ്. പ്രമുഖ ചരക്ക് വ്യാപാര കേന്ദ്രമായ എംസിഎക്സില്‍ (മള്‍ട്ടി കമ്മോഡിറ്റി എക്സ്ചേഞ്ച്) 10 ഗ്രാമിന് 47,478 രൂപയാണ് സ്വര്‍ണം വില കുറിക്കുന്നത് (0.2 ശതമാനം ഇടിവ്). വെള്ളിയിലും തകര്‍ച്ച കാണാം. കിലോയ്ക്ക് 67,101 രൂപ നിരക്കില്‍ വെള്ളി വ്യാപാരം പുരോഗമിക്കുന്നു.

ഇന്നലെ സ്വര്‍ണം 0.66 ശതമാനം ഇടിയുകയും വെള്ളി 0.83 ശതമാനം ഉയരുകയും ചെയ്തിരുന്നു. തുടര്‍ച്ചയായി അഞ്ചാം ദിനമാണ് എംസിഎക്‌സില്‍ സ്വര്‍ണവില കുറയുന്നത്.

രാജ്യാന്തര വിപണിയിലും ചിത്രം മറ്റൊന്നല്ല. ഓഹരി വിപണികള്‍ ഉണര്‍ന്നതോടെ നിക്ഷേപകര്‍ റിസ്‌ക് എടുക്കാന്‍ ആരംഭിച്ചിരിക്കുന്നു; സുരക്ഷിത നിക്ഷേപമായി അറിയപ്പെടുന്ന സ്വര്‍ണത്തിന് ഈ സാഹചര്യം വിനയാവുകയാണ്. 1,800 ഡോളര്‍ നിലവാരത്തിലാണ് സ്വര്‍ണ വ്യാപാരം ഇന്ന് നടക്കുന്നത്. ഔണ്‍സിന് 1,801.82 ഡോളര്‍ എന്ന നിലയില്‍ സ്വര്‍ണ വ്യാപാരം പുരോഗമിക്കുന്നു (0.1 ശതമാനം ഇടിവ്). ഇന്നലെ 1,793.59 ഡോളര്‍ വരെയും സ്വര്‍ണവില ചെല്ലുകയുണ്ടായി.

ഇന്ന് വെള്ളി നിരക്കില്‍ വലിയ ചാഞ്ചാട്ടമില്ല. ഔണ്‍സിന് 25.23 ഡോളര്‍ നിരക്കില്‍ വെള്ളി വ്യാപാരം പുരോഗമിക്കുകയാണ്.

വാള്‍ സ്ട്രീറ്റിലെ മികവ് മുന്‍നിര്‍ത്തി വ്യാഴാഴ്ച്ച ഏഷ്യന്‍ ഓഹരി വിപണികള്‍ നേട്ടത്തിലാണ് മുന്നേറുന്നത്. കോവിഡ് ഡെല്‍റ്റ വകഭേദം ഉയര്‍ത്തുന്ന ആശങ്കകളും പണപ്പെരുപ്പ ഭീതിയും വാള്‍ സ്ട്രീറ്റിലെ മുഖ്യധാര കമ്പനികളുടെ സാമ്പത്തിക ഫലത്തില്‍ നിറംകെട്ടു. ഇതിനിടെ അമേരിക്കന്‍ ബോണ്ടുകളുടെ വരുമാനം സാവധാനം ഉയരുന്നതും സ്വര്‍ണത്തെ പ്രതിസന്ധിയിലാക്കുകയാണ്.

Read more about: gold gold price fuel prices
English summary

Kerala Gold Rate Today: 22nd July 2021, Gold Rate Comes Down By Rs 280, Rs 35,640 For One Pavan In Kerala

Kerala Gold Rate Today: 22nd July 2021, Gold Rate Comes Down By Rs 280, Rs 35,640 For One Pavan In Kerala. Read in Malayalam.
Story first published: Thursday, July 22, 2021, 12:06 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X