മാറാതെ സ്വര്‍ണവില — അറിയാം ഇന്നത്തെ സ്വര്‍ണം, വെള്ളി നിരക്കുകള്‍

കൊച്ചി: കേരളത്തില്‍ സ്വര്‍ണവിലയില്‍ ഇന്ന് മാറ്റമില്ല. വെള്ളിയാഴ്ച്ച പവന് 35,200 രൂപയും ഗ്രാമിന് 4,400 രൂപയുമായി സ്വര്‍ണവില തുടരുന്നു. ജൂണ്‍ മാസം സ്വര്‍ണം രേഖപ്പെടുത്തിയ ഏറ്റവും കുറഞ്ഞ വിലനിലവാരം പവന് 35,120 രൂപയാണ് (ജൂണ്‍ 21). ഏറ്റവും ഉയര്‍ന്ന നിരക്കാകട്ടെ - 36,960 രൂപയും (ജൂണ്‍ 3).

മെയ് മാസം 1,680 രൂപയാണ് പവന് കൂടിയത്. ഏപ്രിലിലും 1,720 രൂപയുടെ വിലവര്‍ധനവ് പവന്‍ രേഖപ്പെടുത്തുകയുണ്ടായി. ഇതേസമയം, മാര്‍ച്ചില്‍ 1,560 രൂപയും ഫെബ്രുവരിയില്‍ 2,640 രൂപയും പവന് വില കുറഞ്ഞിരുന്നു. കഴിഞ്ഞമാസം സ്വര്‍ണം കുറിച്ച ഏറ്റവും ഉയര്‍ന്ന നിരക്ക് 36,880 രൂപയും (മെയ് 26) ഏറ്റവും കുറഞ്ഞ നിരക്ക് 35,040 രൂപയുമാണ് (മെയ് 1, 2). സംസ്ഥാനത്തെ വെള്ളി നിരക്കില്‍ ഇന്ന് ചെറിയ മാറ്റമുണ്ട്. 1 ഗ്രാം വെള്ളിക്ക് 67.70 രൂപയാണ് വെള്ളിയാഴ്ച്ച വില. 8 ഗ്രാം വെള്ളിക്ക് വില 541.60 രൂപ.

ഇന്ത്യയിലെ പ്രധാന നഗരങ്ങളിലെ സ്വര്‍ണവില ചുവടെ കാണാം (8 ഗ്രാം 22 കാരറ്റ് സ്വര്‍ണം).

• ബെംഗളൂരു: പവന് 35,200 രൂപ
• ചെന്നൈ: പവന് 35,480 രൂപ
• ദില്ലി: പവന് 36,912 രൂപ
• ഹൈദരാബാദ്: പവന് 35,200 രൂപ
• കൊല്‍ക്കത്ത: പവന് 37,320 രൂപ
• മംഗലാപുരം: പവന് 35,200 രൂപ
• മുംബൈ: പവന് 36,960 രൂപ
• മൈസൂരു: പവന് 35,200 രൂപ

ദേശീയ വിപണിയിലും ഇന്ന് സ്വര്‍ണവിലയില്‍ കാര്യമായ മാറ്റമില്ല. പ്രമുഖ ചരക്ക് വ്യാപാര കേന്ദ്രമായ എംസിഎക്സില്‍ (മള്‍ട്ടി കമ്മോഡിറ്റി എക്സ്ചേഞ്ച്) 10 ഗ്രാമിന് സ്വര്‍ണം 46,901 രൂപ വില രേഖപ്പെടുത്തുന്നു. നേട്ടം 0.07 ശതമാനം. വെള്ളി നിരക്കിലും കാണാം 0.26 ശതമാനം നേട്ടം. കിലോയ്ക്ക് 177 രൂപ കൂടി 67,910 രൂപ നിരക്കിലാണ് വെള്ളിയുടെ ഇന്നത്തെ വ്യാപാരം.

സ്‌പോട് വിപണിയില്‍ ഏറ്റവും പരിശുദ്ധിയേറിയ സ്വര്‍ണം 47,216 രൂപയും ഏറ്റവും പരിശുദ്ധിയേറിയ വെള്ളി 68,123 രൂപയും കുറിക്കുന്നുണ്ട്.

ഇന്ന് ആഗോള കമ്പോളത്തില്‍ സ്വര്‍ണവില 1,773 ഡോളറില്‍ തുടരുകയാണ്. ഔണ്‍സിന് 1,773.52 ഡോളര്‍ എന്ന നിരക്കില്‍ സ്വര്‍ണ വ്യാപാരം പുരോഗമിക്കുന്നു. മറുഭാഗത്ത് അമേരിക്കന്‍ സ്വര്‍ണ ഫ്യൂച്ചറുകള്‍ 0.2 ശതമാനം ഇടിഞ്ഞ് 1,773.60 ഡോളറില്‍ മുന്നേറുന്നതും കാണാം. ഈ വാരം 0.6 ശതമാനത്തോളം ഉയരാന്‍ സ്വര്‍ണത്തിന് കഴിഞ്ഞിട്ടുണ്ട്.

രാജ്യാന്തര വിപണിയില്‍ വെള്ളി വില മാറിയിട്ടില്ല. ഔണ്‍സിന് 25.87 ഡോളറുമായി വെള്ളി ഇടപാടുകള്‍ തുടരുകയാണ്. മറ്റു വിലയേറിയ ലോഹങ്ങളില്‍ പലേഡിയം 0.1 ശതമാനം കുറഞ്ഞ് 2,614.04 ഡോളര്‍ നിരക്കിലെത്തി. പ്ലാറ്റിനം 0.5 ശതമാനം ഉയര്‍ന്ന് 1,089 ഡോളറിലും ഇടപാടുകള്‍ നടത്തുകയാണ്.