സ്വര്‍ണം ജൂണിലെ ഏറ്റവും കുറഞ്ഞ നിരക്കില്‍; നേരിയ നേട്ടവുമായി വെള്ളി — അറിയാം നിരക്കുകള്‍

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കൊച്ചി: കേരളത്തില്‍ സ്വര്‍ണവില താഴുന്നു. ജൂണ്‍ മാസത്തിലെ ഏറ്റവും കുറഞ്ഞ നിരക്കിലാണ് ഇന്ന് സ്വര്‍ണ വില്‍പ്പന നടക്കുന്നത്. ബുധനാഴ്ച്ച സ്വര്‍ണവില പവന് 35,000 രൂപയായി. ഗ്രാമിന് വില 4,375 രൂപയും. പവന് 200 രൂപയും ഗ്രാമിന് 25 രൂപയുമാണ് ഇന്ന് കുറഞ്ഞത്. ജൂണില്‍ സ്വര്‍ണം രേഖപ്പെടുത്തിയ ഏറ്റവും ഉയര്‍ന്ന വിലനിലവാരം പവന് 36,960 രൂപയാണ് (ജൂണ്‍ 3). ഈ മാസത്തെ മുഴുവന്‍ ചിത്രം വിലയിരുത്തിയാല്‍ സ്വര്‍ണം പവന് 1,960 രൂപ കുറഞ്ഞു.

 

കഴിഞ്ഞ മാസങ്ങളിൽ

കഴിഞ്ഞ മാസം 1,680 രൂപ പവന് വില കൂടുകയാണുണ്ടായത്. ഏപ്രിലിലും 1,720 രൂപയുടെ വിലവര്‍ധനവ് സ്വര്‍ണം കണ്ടിരുന്നു. ഇതേസമയം, മാര്‍ച്ചില്‍ 1,560 രൂപയും ഫെബ്രുവരിയില്‍ 2,640 രൂപയും പവന് വില കുറഞ്ഞിരുന്നു. കഴിഞ്ഞമാസം സ്വര്‍ണം കുറിച്ച ഏറ്റവും ഉയര്‍ന്ന നിരക്ക് 36,880 രൂപയും (മെയ് 26) ഏറ്റവും കുറഞ്ഞ നിരക്ക് 35,040 രൂപയുമാണ് (മെയ് 1, 2). സംസ്ഥാനത്തെ വെള്ളി നിരക്കിലും ഇന്ന് മാറ്റമുണ്ട്. 1 ഗ്രാം വെള്ളിക്ക് 67.30 രൂപയാണ് ബുധനാഴ്ച്ച വില. 8 ഗ്രാം വെള്ളിക്ക് വില 538.40 രൂപ.

പ്രധാന നഗരങ്ങളിൽ

ഇന്ത്യയിലെ പ്രധാന നഗരങ്ങളിലെ സ്വര്‍ണവില ചുവടെ കാണാം (8 ഗ്രാം 22 കാരറ്റ് സ്വര്‍ണം).

  • ബെംഗളൂരു: പവന് 35,00 രൂപ
  • ചെന്നൈ: പവന് 35,280 രൂപ
  • ദില്ലി: പവന് 36,800 രൂപ
  • ഹൈദരാബാദ്: പവന് 35,000 രൂപ
  • കൊല്‍ക്കത്ത: പവന് 37,200 രൂപ
  • ലഖ്‌നൗ: പവന് 36,800 രൂപ
  • മുംബൈ: പവന് 36,720 രൂപ
  • സൂറത്ത്: പവന് 36,720 രൂപ
എംസിഎക്സ് സ്വർണം

ദേശീയ വിപണിയിലും സ്വര്‍ണം വീഴ്ച തുടരുകയാണ്. പ്രമുഖ ചരക്ക് വ്യാപാര കേന്ദ്രമായ എംസിഎക്സില്‍ (മള്‍ട്ടി കമ്മോഡിറ്റി എക്സ്ചേഞ്ച്) സ്വര്‍ണവില 10 ഗ്രാമിന് 46,518 രൂപ വില കുറിക്കുന്നു. മറുഭാഗത്ത് വെള്ളിയില്‍ നേരിയ ഉണര്‍വുണ്ട്. കിലോയ്ക്ക് 68,381 രൂപ നിരക്കിലാണ് വെള്ളിയുടെ ഇന്നത്തെ വ്യാപാരം (0.16 ശതമാനം നേട്ടം). ഇപ്പോഴത്തെ സാഹചര്യത്തില്‍ 46,000 രൂപയിലേക്ക് ഇടിഞ്ഞാല്‍ എംസിഎക്‌സ് സ്വര്‍ണത്തിന് പിന്തുണ ലഭിക്കും. 47,600 രൂപയ്ക്ക് മുകളിലാണ് പ്രതിരോധ നില.

സമ്മർദ്ദം

ഇന്ന് ആഗോള കമ്പോളത്തിലും സ്വര്‍ണവില 1,763 ഡോളറിലേക്ക് പിന്‍വാങ്ങിയിട്ടുണ്ട്. ഔണ്‍സിന് 1,763.63 ഡോളര്‍ എന്ന നിലയില്‍ സ്വര്‍ണ വ്യാപാരം പുരോഗമിക്കുന്നു. കഴിഞ്ഞ നാലു വര്‍ഷത്തിനിടെയുള്ള ഏറ്റവും രൂക്ഷമായ പ്രതിമാസ തകര്‍ച്ചയുടെ വക്കിലാണ് സ്വര്‍ണമുള്ളത്. ജൂണില്‍ സ്വര്‍ണവില 7.5 ശതമാനം ഇടിഞ്ഞുകഴിഞ്ഞു. പലിശ നിരക്ക് കൂട്ടുമെന്ന ഫെഡറല്‍ റിസര്‍വിന്റെ പ്രഖ്യാപവും ഡോളര്‍ കരുത്താര്‍ജിച്ചതും സ്വര്‍ണത്തിന് മേല്‍ അതീവ സമ്മര്‍ദ്ദം ചെലുത്തുന്നുണ്ട്.

രാജ്യാന്തര വിപണിയിൽ

അമേരിക്കന്‍ കേന്ദ്ര ബാങ്ക് പലിശ നിരക്ക് കൂട്ടിയാല്‍ സ്വര്‍ണം കൈവശം വെയ്ക്കുന്നതിലുള്ള അവസരാത്മക ചിലവ് വര്‍ധിക്കും. അടുത്ത വര്‍ഷം മുതല്‍ പലിശ നിരക്ക് സാവധാനം ഉയര്‍ത്താനുള്ള ആലോചനയിലാണ് ഫെഡറല്‍ റിസര്‍വ്. പുതിയ സാഹചര്യത്തില്‍ താഴേക്ക് ഇറങ്ങാനുള്ള സൂചന സ്വര്‍ണം നല്‍കുന്നുണ്ട്. രാജ്യാന്തര വിപണിയില്‍ ഇന്ന് വെള്ളി നേട്ടത്തിലാണ് മുന്നേറുന്നത്. ഔണ്‍സിന് 25.82 ഡോളര്‍ കുറിച്ചാണ് വെള്ളി വ്യാപാരം പുരോഗമിക്കുന്നത് (0.3 ശതമാനം നേട്ടം). പ്ലാറ്റിനം 0.3 ശതമാനം ഉയര്‍ന്ന് 1,070.38 ഡോളറിലും ഇടപാടുകള്‍ നടത്തുകയാണ്.

Read more about: gold gold price
English summary

Kerala Gold Rate Today: 30th June 2021, Gold Rate Goes Down By Rs 200 For One Pavan In Kerala

Kerala Gold Rate Today: 30th June 2021, Gold Rate Goes Down By Rs 200 For One Pavan In Kerala. Read in Malayalam.
Story first published: Wednesday, June 30, 2021, 10:22 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X