ആശ്വസിക്കാനുള്ള വകയുണ്ട്! ഇന്നും കേരളത്തിൽ സ്വർണ വില ഇടിയുന്നു, വിവാഹ പാർട്ടികൾക്ക് ആവേശം

ചിങ്ങമാസം വന്നു ചേർന്നതോടെ ആഭരണപ്രേമികൾക്ക് ആശ്വാസം. ഇന്നും തുടർച്ചയായി സംസ്ഥാനത്ത് സ്വർണ വില ഇടിയുന്നു. ചിങ്ങ മാസത്തിൽ സ്വർ‌ണം വാങ്ങുന്നവരുടെ എണ്ണം കൂടുതലാണ്. ഈ അവസരത്തിലാണ് സ്വർണ വില ദുർബലമായിക്കൊണ്ടിരിക്കുന്നത്. ഇന്ന് പവന് 440 രൂപയാണ് കുറഞ്ഞത്. ചിങ്ങമാസത്തിൽ ഓണക്കാലമാണെങ്കിലും അതിലുപരി കേരളത്തിൽ വിവാഹ സീസണും ആരംഭിച്ചിരിക്കുന്നു. അതാണ് ഈ വിലക്കുറവ് സാധാരണക്കാരെയും ആശ്വസിപ്പിക്കുന്നത്.

സ്വർണ വില സ്ഥിരമായി ഇടിയാനുള്ള സാധ്യതയില്ല. അതിനാൽ തന്നെ നിലവിലെ വിലക്കുറവ് തുടർച്ചയായി പ്രതീക്ഷിക്കരുത്. ഈ വിലക്കുറവിൽ വേ​ഗം തന്നെ ആഭരണം വാങ്ങിക്കൂട്ടാൻ ശ്രമിച്ചോളൂ. കഴിഞ്ഞ രണ്ടുദിവസത്തിനിടെ ഗ്രാമിന് 95 രൂപയും പവന് 760 രൂപയും കുറഞ്ഞിട്ടുണ്ട്.

ഇന്നത്തെ സ്വർണ വില

ഇന്ന് ഒരു ഗ്രാമിന് 55 രൂപ കുറഞ്ഞ് 9180 രൂപയായി. ഒരു പവന് 440 രൂപ ഇടിഞ്ഞ് 73,440 രൂപയുമാണ്. ഇന്നത്തെ വിലപ്രകാരം 10 ഗ്രാം സ്വർണം വാങ്ങാൻ 91,800 രൂപയാവുന്നു. 24 കാരറ്റ് സ്വർണത്തിന് ഒരു ഗ്രാമിന് 10,015 രൂപയും പവന് 80,120 രൂപയുമാവുന്നു. 18 കാരറ്റിന് ഒരു ഗ്രാമിന് 7511 രൂപയും പവന് 60,088 രൂപയുമാണ്.

ഇന്നും രാജ്യാന്തര സ്വര്‍ണ വില കാര്യമായ കുതിപ്പിലേക്ക് ഉയരുന്നില്ല. ഇന്നത്തെ സ്പോട്ട് സ്വർണ വില ഔൺസിന് 3,320.64 ഡോളറിലെത്തി. വെള്ളി വിലയും തകർച്ചയിലാണ്.

Take a Poll

സ്വർണ വിലയിലെ ഈ മാറ്റത്തിന് കാരണമെന്ത്?

സ്വർണ വില തുടർച്ചയായ ചാഞ്ചാട്ടത്തിലാണ്. രാജ്യാന്തര വില വമ്പൻ ഇടിവിലേക്ക് എത്തിയതോടെയാണ് കേരളത്തിലും സ്വർണ വില മൂക്കു കുത്തിയത്. ഇത് വാങ്ങുന്നവർക്ക് ആശ്വാസമാവുന്നു, എന്നാൽ നിക്ഷേപകർക്ക് നഷ്ടം സൃഷ്ടിക്കുമോ? തകർച്ചയിൽ നിന്നും ഡോളർ ഇൻഡക്സിൽ ശക്തമായി കുതിച്ചതോടെയാണ് സ്വർണത്തിന് തിരിച്ചടിയായത്.

സ്വർണ വില ഇടിയുന്ന സാഹചര്യത്തിൽ എല്ലാവരുടെയും ശ്രദ്ധ യുഎസ് കേന്ദ്ര ബാങ്കിൻ്റെ അടിസ്ഥാന പലിശ നിരക്ക് കുറക്കുമോ എന്നാണ്. ഒരുവേള പലിശ നിരക്ക് കുറഞ്ഞാൽ സ്വർണ വില ശക്തിയാർജ്ജിക്കും. മറിച്ചാണെങ്കിൽ നിലവിലുള്ളതിലും താഴേക്ക് വില ഇടിഞ്ഞേക്കും. അത് കേരളത്തിലും ഒരുപോലെ പ്രതിഫലിക്കും.

സ്വർണാഭരണം വാങ്ങാൻ എത്ര രൂപ വേണം?

ഇന്നും സ്വർണ വില ഇടിഞ്ഞിട്ടുണ്ട്. ഈ വിലക്കുറവിൽ ഇന്ന് സ്വർണം വാങ്ങിയാൽ ഒരു പവൻ ആഭരണത്തിന് ഏകദേശം 79,370 രൂപ നൽകേണ്ടി വരും. മാത്രമല്ല ഒരു ഗ്രാം ആഭരണത്തിന് ഏകദേശം 9,922 രൂപയും കരുതേണ്ടി വരും. അതായത് ഇന്നത്തെ സ്വർണ വിലക്കൊപ്പം 5% പണിക്കൂലി, 3% ജി.എസ്.ടി, ഹോൾമാർക്ക് ചാർജ് (53.10 രൂപ) എന്നീ ചാർജുകൾ ഈടാക്കുമ്പോഴാണ് ഈ വില കണക്കാക്കുന്നത്. ഇത് സാധാരണക്കാർക്ക് അൽപം ആശ്വാസം നൽകുന്നുണ്ട്. തുടർച്ചയായി വില ഇടിഞ്ഞാൽ വീണ്ടും ആഭരണ വില 80,000 രൂപ കടന്നേക്കും.