ആഭ്യന്തര വിപണി ശക്തമാവുന്നു, ഇന്ന് റെക്കോർഡ് വിലയിൽ സ്വർണം; പവന് 64,600 രൂപയിലെത്തി

ഇന്ന് സ്വർണം വാങ്ങാൻ ആ​ഗ്രഹമുണ്ടായിട്ടും കാര്യമില്ല. സ്വർണത്തിന് ഇന്നും വില കുതിക്കുന്നു. വിവാഹ പാർട്ടികൾക്കും സാധാരണക്കാർക്കും ഈ സ്വർണ വില താങ്ങാവുന്നതിലും അപ്പുറമാണ്. രാജ്യാന്തര വിപണിയിലെ മാറ്റങ്ങളും സ്വർണ നിക്ഷേപങ്ങളിലെ നേട്ടങ്ങളും സ്വർണ വിലയെ സ്വാധീനിക്കുന്നു. ഇന്ന് പവന് 160 രൂപയാണ് ഉയർന്നത്. തുടർച്ചയായ നാലാം ദിവസമാണ് സ്വർണ വില ഉയർന്നത്. അഭ്യന്തര വിപണി കരുത്താർജ്ജിരക്കുന്നു. മാത്രമല്ല കേരള ചരിത്രത്തിലെ റെക്കോർഡ് വിലയിലാണ് ഇന്ന് സ്വർണ വില ഉയർന്നത്. 

ഇന്നത്തെ സ്വർണ വില

ഇന്ന് ഒരു ​ഗ്രാമിന് 20 രൂപ വർദ്ധിച്ച് 8075 രൂപയായി. പവന് 160 രൂപ വർദ്ധിച്ച് 64,600 രൂപയായി. ഇന്നത്തെ വിലപ്രകാരം 10 ​ഗ്രാം സ്വർണം വാങ്ങാൻ 80,750 രൂപയാവുന്നു. 24 കാരറ്റ് സ്വർണത്തിന് ഒരു ​ഗ്രാമിന് 8809 രൂപയും പവന് 70,472 രൂപയുമാവുന്നു. 18 ​കാരറ്റിന് ഒരു ​ഗ്രാമിന് 6607 രൂപയും പവന് 52,856 രൂപയുമാണ്.

ഇന്ന് സ്പോട്ട് സ്വർണ വില ഔൺസിന് 2,936 ഡോളറിലാണ് വ്യാപാരം നടക്കുന്നത്. രാജ്യാന്തര വിപണിയും ശക്തമാവുന്നു. ഒപ്പം ഡോളർ ഇൻഡക്സിൽ ഉയർന്നു. അതോടെ രൂപക്ക് തളർച്ചയുമായി. ഇത് ഇറക്കുമതിച്ചെലവ് വർദ്ധിക്കുകയും അതിലൂടെ സ്വർണ വില ഉയരാനും കാരണമായി മാറി. ഒപ്പം സ്വർണ നിക്ഷേപങ്ങളിൽ നിന്നുള്ള അമിതമായ ലാഭമെടുപ്പും ഇന്ത്യയിൽ സ്വർണ വില കുതിക്കാൻ കാരണമാവുന്നും. 

സ്വർണ വില കുതിക്കാൻ കാരണം ട്രംപും രൂപയും...

ഇന്ന് രൂപയുടെ മൂല്യം ഇടിഞ്ഞതോടെ സ്വർണ വില ഉയരാൻ കാരണമായി. എന്നാൽ ഡൊണാൾഡ് ട്രംപിൻ്റെ താരിഫ് നയങ്ങൾ ഇപ്പോഴും സ്വർണ വിലയെ വിടാതെ പിന്തുടരുന്നുണ്ട്. താരിഫ് നയങ്ങൾ ആഗോള വ്യാപാര യുദ്ധത്തിനുള്ള വഴിയൊരുക്കുന്നതോടെ സ്വർണത്തിന് ഡിമാൻഡ് ഉയരുകയും ആളുകൾ വ്യാപകമായി സ്വർണത്തിൽ നിക്ഷേപിക്കുകയും ചെയ്യുന്നു. ഇതും സ്വർണ വില ഉയരാനുള്ള കാരണമായി. 

ഗോൾഡ് ഇ.ടി.എഫ് പോലുള്ള നിക്ഷേപങ്ങളിലേക്ക് വ്യാപകമായി ഇൻവെസ്റ്റ് ചെയ്യുന്നുവെന്നാണ് റിപ്പോർട്ട് വ്യക്തമാക്കുന്നത്. ഇപ്പോൾ സ്വർണത്തിന് ഡിമാൻഡ് ഉയരുന്നതോടെ വിലയും കുതിക്കുന്നു. 

ഇന്ന് സ്വർണാഭരണം വാങ്ങാൻ എത്ര രൂപ വേണം?

ഇന്നും സ്വർണത്തിന് വില ഉയർന്നു. ഇന്ന് കേരളത്തിൽ നിന്നും ഒരു പവൻ സ്വർണാഭരണം വാങ്ങാൻ 69,920 രൂപ നൽകേണ്ടി വരും. ഒരു ​ഗ്രാം ആഭരണത്തിന് ഇന്ന് ഏകദേശം 8,740 രൂപ കൊടുക്കണം. പണിക്കൂലി, 3% ജി.എസ്.ടി, ഹോൾമാർക്ക് ചാർജ് (53.10 രൂപ) എന്നിവയും ചേരുമ്പോഴാണ് സ്വർണത്തിന് ഈ വില വരുന്നത്. 

ഇവിടെ 5% പണിക്കൂലിയാണ് കണക്കാക്കിയത്. സാധാരണയായി 5 മുതൽ 30 ശതമാനം വരെ പണിക്കൂലി കണക്കാക്കും. എന്നാൽ ഈ തുക വ്യത്യാസം വന്നേക്കാം. ഓരോ ജ്വല്ലറികളിലും പണിക്കൂലിയിൽ മാറ്റം വരും. അതിനു അനുസരിച്ചാണ് വിലയിൽ വ്യത്യാസം വരുന്നത്.

സ്വർണം ബുക്ക് ചെയ്യുന്നുണ്ടോ?

സ്വർണം വാങ്ങാൻ ആഗ്രഹിച്ചിട്ടും ഇന്നത്തെ വിലയിൽ സാധാരണക്കാർക്ക് പ്രയാസകരമാവും. വിവാഹ പാർട്ടികൾക്കും ഈ വിലക്കയറ്റം പ്രതിസന്ധിയിലാഴ്ത്തുന്നു. സ്വർണ നിക്ഷേപങ്ങളിൽ ഇൻവെസ്റ്റ് ചെയ്യുന്നതോടെ നിക്ഷേപകർക്ക് ഭാവിയിലേക്ക് സ്വർണം വാങ്ങാൻ സാധിക്കും.