Click it and Unblock the Notifications
സ്വർണത്തിന് ചരിത്രത്തിലെ ഏറ്റവും ഉയർന്ന വില രേഖപ്പെടുത്തിയ മാസമാണ് കടന്ന് പോയത്. പവന്റെ വില 97,000 രൂപയും കടന്ന് മുന്നോട്ട് പോയി. അതോടെ വില 1 ലക്ഷം കടക്കുമെന്ന് എല്ലാവരും ഉറപ്പിച്ചു. എന്നാൽ അതുണ്ടായില്ല. ഒക്ടോബർ 17-ആം തീയ്യതിയാണ് പവന്റെ വില 97,360 രൂപയിലെത്തിയത്. എന്നാൽ പിന്നീടുള്ള ദിവസങ്ങളിൽ താഴേക്കിറങ്ങാൻ പൊന്ന് തയ്യാറായി. ഒക്ടോബർ മാസം അവസാനിക്കുമ്പോഴേക്കും പവന്റെ വില 90,400 രൂപയിലെത്തി.
ഇടിവിന് കാരണം
റെക്കോർഡ് വില വർധനവിന് ശേഷമുള്ള ലാഭ-ബുക്കിംഗ്, യുഎസ്-ചൈന വ്യാപാര പിരിമുറുക്കങ്ങൾ ലഘൂകരിക്കൽ, ശക്തമായ ബോണ്ട് ആദായം, ശക്തമായ യുഎസ് ഡോളർ, ഉത്സവകാല ഡിമാൻഡ് അവസാനിച്ചത്, രൂപയുടെ മൂല്യം ചെറുതായി ഉയരുന്നത്, റിസർവ് ബാങ്ക് ഓഫ് ഇന്ത്യ (ആർബിഐ) സ്വർണ്ണ വാങ്ങലുകൾ കുറച്ചത് തുടങ്ങിയ കാരണങ്ങളാണ് സ്വർണവില കുറച്ചത്.
നവംബർ മാസത്തിലും വില കുറയുമോ എന്നതാണ് എല്ലാവരും ഉറ്റുനോക്കുന്ന കാര്യം. എന്നാൽ അത് നടക്കാൻ സാധ്യതയില്ല എന്നാണ് മാർക്കറ്റ് വിദഗ്ധർ പറയുന്നത്. നിലവിലെ വില ഇടിവ് താല്ക്കാലികമാണെന്നും ഈ വർഷം അവസാനത്തോടെ അല്ലെങ്കില് അടുത്ത വർഷം ആദ്യത്തോടെ സ്വർണ വില ഉയരാമെന്നാണ് വിദഗ്ധർ പ്രവചിക്കുന്നത്.
ആഗോള അനിശ്ചിതത്വം തന്നെ കാരണം
ആഗോള അനിശ്ചിതത്വം തുടരുന്നത് തന്നെയാണ് സ്വർണവിലയെ മുകളിലേക്ക് ഉയർത്തുക. അമേരിക്കയിൽ ട്രംപ് നടപ്പിലാക്കുന്ന താരിഫ് നടപടികളും മറ്റ് നിയമങ്ങളും ആഗോള വ്യാപാര ഘടനകളുടെ താളം തെറ്റിക്കുന്നുണ്ട്. അതോടൊപ്പം പണപ്പെരുപ്പ സംരക്ഷണം, കേന്ദ്ര ബാങ്ക് വാങ്ങലുകൾ, ഇറക്കുമതി ചെലവ് വർദ്ധിപ്പിക്കുന്ന യുഎസ് ഡോളറിനെതിരെ ദുർബലമായ രൂപ എന്നിവയാണ് വില വർധിക്കാന് സാധ്യതയുള്ള പ്രധാന ഘടകങ്ങള്.
അതോടൊപ്പം പ്രാദേശിക ഉത്സവങ്ങളും സ്വർണവിലയെ സ്വാധീനിക്കും. വിവാഹ സീസണിലെ ഉയർന്ന ഡിമാൻഡും കാരണങ്ങളിലൊന്നാണ്. കേരളത്തെ സംബന്ധിച്ച് കല്യാണ സീസണുകളാണ് ഇനി വരാനിരിക്കുന്നത്.
വില എത്ര വരെ ഉയരും..?
സെന്ട്രല് ബാങ്കുകള് വന്തോതില് സ്വർണം വാങ്ങിക്കൂട്ടുകയാണ്. അതോടൊപ്പം ആഭരണങ്ങള്ക്കും ഇപ്പോള് ഡിമാന്ഡുണ്ട്. ഇടിഎഫുകള് പോലുള്ള ഡിജിറ്റല് നിക്ഷേപങ്ങള് കൂടുതല് ശക്തമായി. അതിനാല് തന്നെ വില ഉയരാന് തന്നെയാണ് സാധ്യതയെന്ന് വേൾഡ് ഗോൾഡ് കൗൺസിൽ ഇന്ത്യന് റീജിയണൽ സിഇഒ സച്ചിന് ജെയിന് പറയുന്നു. യുഎസും റഷ്യയും തമ്മിലുള്ള ഭൗമരാഷ്ട്രീയ സംഘർഷങ്ങൾ, നിരക്ക് കുറയ്ക്കൽ പ്രതീക്ഷകൾ, യുഎസ് ഗവൺമെന്റ് അടച്ചുപൂട്ടൽ എന്നിവ ഇപ്പോഴും സ്വർണ്ണത്തെ പിന്തുണയ്ക്കുന്നു.
2026 ആകുമ്പോഴേക്കും സ്വർണ്ണ വില ഉയരുമെന്ന് വിദഗ്ധർ പ്രവചിക്കുന്നത്. സ്ഥിരമായ മാക്രോ ഇക്കണോമിക് അപകടസാധ്യതകളും ശക്തമായ നിക്ഷേപ ആവശ്യകതയും കാരണം വില പുതിയ ഉയരങ്ങളിലെത്താൻ സാധ്യതയുണ്ട്. ചില പ്രവചനങ്ങൾ സൂചിപ്പിക്കുന്നത് വിലകൾ പ്രതിവർഷം 10-12% ഉയരുമെന്നാണ്. അങ്ങനെ സംഭവിച്ചാൽ പവന്റെ വില അധികം വൈകാതെ തന്നെ 1 ലക്ഷം കടക്കും.
അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.
ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.
Sign in with Google