സംസ്ഥാനത്ത് മഴ മുന്നറിയിപ്പ്: ശമനമില്ലാതെ മഴ പെയ്യുന്നു, നാളെ ജൂലൈ 25ന് സ്കൂളുകൾക്ക് അവധിയുണ്ടോ?

സംസ്ഥാനത്ത് മഴ കൂടുതൽ ശക്തമാവുന്നു. വിവിധ ജില്ലകളിൽ കേന്ദ്ര കാലാവസ്ഥാ വകുപ്പ് ജാ​ഗ്രതാ നിർദ്ദേശങ്ങൾ നൽകി. അടുത്ത അഞ്ചു ദിവസത്തേക്കും കേരളത്തിൽ തുടർച്ചയായ മഴ പ്രതീക്ഷിക്കാമെന്നാണ് കാലാവസ്ഥാ വകുപ്പ് അറിയിച്ചിരിക്കുന്നത്. ഇന്ന് പത്തനംതിട്ട, ഇടുക്കി ജില്ലകളിൽ ഓറഞ്ച് അലർട്ടുണ്ട്. മാത്രമല്ല ആലപ്പുഴ, കോട്ടയം, എറണാകുളം, കോഴിക്കോട്, വയനാട്, കണ്ണൂർ, കാസറഗോഡ് ജില്ലകളിൽ ഇന്ന് യെലോ അലർട്ടും കാലാവസ്ഥാ വകുപ്പ് പ്രഖ്യാപിച്ചിരുന്നു.

ഇന്നത്തെ ശക്തമായ മഴയോടെ നാളെ സ്കൂളുകൾക്ക് അവധി പ്രഖ്യാപിക്കാൻ സാധ്യതയുണ്ടോ? നിലവിലെ സാഹചര്യം അനുസരിച്ച് നാളെ ജൂലൈ 25 വെള്ളിയാഴ്ച കേരളത്തിലെ വിവിധ സ്കൂളുകൾക്ക് അവധി പ്രഖ്യാപിക്കാൻ സാധ്യതയുണ്ട്. അവധി പ്രഖ്യാപനത്തെ കുറിച്ചുള്ള ഔദ്യോഗിക അറിയിപ്പുകൾക്കായി രക്ഷിതാക്കളും വിദ്യാർത്ഥികളും ആകാംക്ഷയോടെ കാത്തിരിക്കുകയാണ്.

അവധി സാധ്യതയുണ്ടോ?

പത്തനംതിട്ട, കോട്ടയം, ഇടുക്കി, എറണാകുളം, തൃശൂർ എന്നിവിടങ്ങളിൽ വെള്ളിയാഴ്ച അതിശക്തമായ മഴ (12-20 സെന്റീമീറ്റർ) ഉണ്ടാകുമെന്ന് കേന്ദ്ര കാലാവസ്ഥാ കേന്ദ്രം മുന്നറിയിപ്പ് നൽകിയിട്ടുണ്ട്. പാലക്കാട്, മലപ്പുറം, കോഴിക്കോട്, വയനാട് എന്നിവിടങ്ങളിൽ ശനിയാഴ്ച ഓറഞ്ച് അലേർട്ടും, തിരുവനന്തപുരം, കൊല്ലം, കണ്ണൂർ എന്നിവയുൾപ്പെടെ ഒമ്പത് ജില്ലകളിൽ യെല്ലോ അലേർട്ടും (7-11 സെന്റീമീറ്റർ മഴ) പ്രഖ്യാപിച്ചിട്ടുണ്ട്.

ഈ കാരണങ്ങൾ കണക്കിലെടുത്ത് അപകട സാധ്യത പ്രദേശങ്ങളിലെ സ്കൂളുകൾക്ക് അവധി പ്രഖ്യാപിച്ചേക്കാം. അതിശക്തമായ മഴയത്ത് സാധാരണയായി കേരളത്തിലെ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിക്കാറുണ്ട്.

ഓറഞ്ച് അലർട്ട്

• കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ( നാളെ ജൂലൈ 25ന്)
• കോട്ടയം, ഇടുക്കി, എറണാകുളം, തൃശൂർ, പാലക്കാട് ( ജൂലൈ 26 ശനിയാഴ്ച)

മഞ്ഞ അലർട്ട്

• തിരുവനന്തപുരം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ് ( ജൂലൈ 25ന് വെള്ളിയാഴ്ച)
• തിരുവനന്തപുരം, കൊല്ലം, പത്തനംതിട്ട, ആലപ്പുഴ, മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ് ( ജൂലൈ 26 ശനിയാഴ്ച)
• ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ് (ജൂലൈ 27 ഞായറാഴ്ച)
• കോഴിക്കോട്, വയനാട്, കണ്ണൂർ, കാസറഗോഡ് (ജൂലൈ 28 തിങ്കളാഴ്ച)

Take a Poll

രക്ഷിതാക്കളും വിദ്യാർത്ഥികളും എന്തുചെയ്യണം?

ജില്ലാ കളക്ടറുടെ ഓഫീസിൽ നിന്നുള്ള ഔദ്യോഗിക അറിയിപ്പുകൾ ശ്രദ്ധിച്ചു കൊണ്ടിരിക്കുക. സ്കൂളുകൾക്ക് വാട്ട്‌സ്ആപ്പ് ഗ്രൂപ്പുകൾ വഴിയോ എസ്എംഎസ് അലേർട്ടുകൾ വഴിയോ അപ്‌ഡേറ്റുകൾ അയയ്ക്കാം. വൈകിട്ട് അറിയിപ്പ് എത്തിയിട്ടില്ലെങ്കിലും രാത്രി മുഴുവൻ ശക്തമായ മഴയുണ്ടെങ്കിൽ തീർച്ചയായും രാവിലെ അവധി പ്രഖ്യാപിക്കാൻ സാധ്യത കൂടുതലാണ്. സംസ്ഥാനം മുഴുവൻ കനത്ത മഴയ്ക്കുള്ള മുന്നറിയിപ്പുണ്ട്. അതിനാൽ തന്നെ ഒന്നിലധികം ജില്ലകളിൽ അവധി ദിവസത്തിനുള്ള സാധ്യതയും കൂടുതലാണ്.

ജാഗ്രത നിർദേശം

ഇന്ന് ജൂലൈ 24ന് വൈകുന്നേരം 05.30 മുതൽ ജൂലൈ 26 ശനിയാഴ്ച രാത്രി 08.30 വരെ കേരള തീരത്ത് ജാഗ്രതാ നിർദ്ദേശമുണ്ട്. അതിനാൽ ഈ ദിവസങ്ങളിൽ കടൽ തീരത്തേക്കുള്ള യാത്രകൾ പരമാവധി ഒഴിവാക്കുന്നത് നല്ലതായിരിക്കും.