Just In
-
-
-
-
Don't Miss
-
'ഞാൻ ആ പെൺകുട്ടിയെ ചതിച്ചിട്ടില്ല, വിവാഹം വേണ്ടെന്ന് വെച്ചത് അവരാണ്, രഹ്നയ്ക്ക് അപ്പോഴും സമ്മതമായിരുന്നു' -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
IPL 2024: 19 പന്തില് 17, 9 ഡോട്ട് ബോള്! ടെസ്റ്റ് കളിച്ച് ജഡേജ, മോയിന് അലി എവിടെ? വിമര്ശനം -
ഈ രാശിക്കാർക്ക് സമയം ശരിയല്ല, ദമ്പതികള് തമ്മില് വഴക്ക്, സ്വര്ണാഭരണങ്ങള് കൈവശമെത്തും, രാശിഫലം -
പങ്കാളിയെ ചേര്ത്ത് പിടിച്ച് ഉറങ്ങുന്നവരാണോ? ദമ്പതികള്ക്കിടയിലെ ദാമ്പത്യരഹസ്യങ്ങള് -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
കൊച്ചി: കേരള സ്റ്റാര്‍ട്ടപ് മിഷന്‍ (കെഎസ്യുഎം) ആവിഷ്കരിച്ചു നടപ്പാക്കുന്ന സാങ്കേതിക സ്റ്റാര്‍ട്ടപ്പകളുടെ വെര്‍ച്വല്‍ പ്രദര്‍ശനം ശ്രദ്ധേയമാകുന്നു. കൊവിഡ് പ്രതിസന്ധിയില്‍ പെട്ട സ്റ്റാര്‍ട്ടപ്പുകള്‍ക്ക് മികച്ച അവസരങ്ങള്‍ സൃഷ്ടിക്കാനും അവരെ കോര്‍പറേറ്റുകളുമായി ബന്ധപ്പെടുത്തി ബിസിനസ് നല്‍കാനും വേണ്ടിയാണ് സ്റ്റാര്‍ട്ടപ്പുകളുടെ വെര്‍ച്വല്‍ പ്രദര്‍ശനം സംഘടിപ്പിക്കുന്നത്.
കൊവിഡ് പ്രതിസന്ധിയില്‍പെട്ട വ്യവസായങ്ങളെ സ്റ്റാര്‍ട്ടപ്പുകളുടെ സഹായത്തോടെ സാങ്കേതികവല്‍കരിക്കാനും ഡിജിറ്റല്‍വല്‍കരിക്കാനും സഹായിക്കാനും വേണ്ടിയാണ് അഞ്ചു ദിവസത്തെ പ്രദര്‍ശനം ഒരുക്കിയിരിക്കുന്നത്. ജൂണില്‍ നടത്തിയ ആദ്യ പ്രദര്‍ശനത്തിന് മികച്ച പിന്തുണ ലഭിച്ചിരുന്നു.
ഇനി മുതല്‍ എല്ലാ രണ്ടു മാസം കൂടുമ്പോഴും പ്രദര്‍ശനം സംഘടിപ്പിക്കുമെന്ന് കെഎസ്യുഎം അറിയിച്ചു. എഡ്യുടെക്, ഫിന്‍ടെക്, എന്‍റര്‍പ്രൈസ് ടെക് എന്നീ മൂന്ന് മേഖലകളിലാണ് രണ്ടാം ഘട്ട പ്രദര്‍ശനം. ആദ്യ രണ്ടു ദിവസം വിദ്യാഭ്യാസ സ്ഥാപനങ്ങള്‍ക്ക് ആവശ്യമായ പ്രൊഡക്ടുകള്‍ അവതരിപ്പിക്കാന്‍ എട്ടോളം മികച്ച സ്റ്റാര്‍ട്ടപ്പുകളാണുണ്ടായിരുന്നത്. സ്റ്റാര്‍ട്ടപ്പുകള്‍ ആദ്യ രണ്ടു ദിവസം പ്രദര്‍ശിപ്പിച്ചത്. ഓഗസ്റ്റ് 27-ന് ഫിന്‍ ടെക്, 28, 29 തിയതികളില്‍ എന്‍റര്‍പ്രൈസ് ടെക് എന്നീ മേഖലകളിലെ മികച്ച സ്റ്റാര്‍ട്ടപ്പുകള്‍ പങ്കെടുക്കും .
രാവിലെ പത്തിനു തുടങ്ങി വൈകുന്നേരം നാലു മണി വരെ https://business.startupmission.in/demoday എന്ന ലിങ്ക് സന്ദര്‍ശിച്ച് പ്രദര്‍ശനം കാണാനുള്ള അവസരമുണ്ട്. എഡ്യുടെക്, ഫിന്‍ടെക്, എന്‍റര്‍പ്രൈസ്ടെക് മേഖലകളിലൂള്ള വ്യവസായികള്‍ക്കു പങ്കെടുക്കാം. സാധാരണക്കാര്‍ക്കും എളുപ്പം ഉപയോഗിക്കാന്‍ കഴിയുന്ന തരത്തിലാണ് ഡെമോഡേ പ്ലാറ്റ്ഫോം തയാറാക്കിയിരിക്കുന്നത്. സ്റ്റാര്‍ട്ടപ്പുകളുമായി വീഡിയോ കോണ്‍ഫറന്‍സിലൂടെ സംവദിക്കാനുള്ള അവസരവുമുണ്ടാവും.
