Click it and Unblock the Notifications
കൊച്ചി: സ്റ്റാര്ട്ടപ്പ് സംരംഭങ്ങളില് വനിതകളുടെ പ്രാതിനിധ്യവും പങ്കാളിത്തവും പ്രോത്സാഹിപ്പിക്കുന്നതിന്റെ ഭാഗമായി കേരള സ്റ്റാര്ട്ടപ്പ് മിഷന് നടത്തി വരുന്ന വനിത സ്റ്റാര്ട്ടപ്പ് ഉച്ചകോടിയുടെ രണ്ടാം ലക്കം ഒക്ടോബര് 31 ന് വെര്ച്വലായി നടക്കും. ഇതിന് മുന്നോടിയായുള്ള ഹാക്കത്തോണ്, പിച്ചിംഗ്, മുതലായ വിവിധ സെഷനുകള് 26 മുതല് 31 വരെ വരെ സംഘടിപ്പിക്കുന്നുണ്ട്.
സ്റ്റാര്ട്ടപ്പ് ഇന്ത്യ, ടൈ കേരള, കോണ്ഫെഡറേഷന് ഓഫ് ഇന്ത്യന് ഇന്ഡസ്ട്രീസിന്റെ(സിഐഐ)യുടെ വനിതാ വിഭാഗമായ ഇന്ത്യന് വുമണ് നെറ്റ്വര്ക്ക് എന്നിവ ഈ ഉച്ചകോടിയില് പങ്കാളികളായിരിക്കും. സ്ത്രീകളും സാങ്കേതികവിദ്യയും (വുമണ് ആന്ഡ് ടെക്നോളജി) എന്നതാണ് ഉച്ചകോടിയുടെ പ്രമേയം.
ഉച്ചകോടിയില് പങ്കെടുക്കുന്നവര് https://startupmission.in/womensummit ല് രജിസ്റ്റര് ചെയ്യണം. ഒക്ടോബര് 25 ആണ് അവസാന തിയതി.
കേരളത്തിലെ അതിവിപുലവും അത്യാധുനികവുമായ സ്റ്റാര്ട്ടപ്പ് സംരംഭക അന്തരീക്ഷത്തില് വനിത പ്രൊഫഷണലുകളെയും അവരുടെ സംരംഭകത്വത്തെയും പ്രോത്സാഹിപ്പിക്കുക എന്നതാണ് ഈ ഉച്ചകോടിയിലൂടെ ഉദ്ദേശിക്കുന്നത്.
ഉച്ചകോടിയ്ക്ക് മുന്നോടിയായി ഷീ ലവ്സ് ഇന്ത്യ ടെക്, വൈ ഹാക്ക്-ഹാക്കത്തോണ്, വി സ്റ്റാര്ട്ട് ബൂട്ട് ക്യാംപ്, ഇഡിപി, ഇന്വസ്റ്റര് കഫെ തുടങ്ങിയ പരിപാടികള് നടക്കും. സ്ത്രീകളുടെ ജീവിതത്തെ സാര്ത്ഥകമായി സ്വാധീനിച്ച സംരംഭങ്ങളെയും ഉത്പന്നങ്ങളെയും ഷീ ലവ്സ് ടെക് ഇന്ത്യ 2020 യിലേക്ക് തെരഞ്ഞെടുത്തിട്ടുണ്ട്. ഇതിന്റെ ദേശീയ ഗ്രാന്റ് ചലഞ്ച് ഈ ഉച്ചകോടിയോട് അനുബന്ധമായി നടക്കും.
ഷീ ലവ്സ് ടെക് ഇന്ത്യ 2020 വിജയി, മികച്ച ഇന്ക്ലുസീവ് ഇന്കുബേറ്റര്, മികച്ച ഇന്ക്ലുസീവ് സ്റ്റാര്ട്ടപ്പ്, മികച്ച ഇന്ക്ലൂസീവ് ഐഇഡിസി എന്നീ പുരസ്കരങ്ങളും ഉച്ചകോടിയോടനുബന്ധിച്ച് നല്കും.
കൊവിഡ് കാലത്ത് പല പ്രൊഫഷണലുകളും ഫ്രീലാന്സ് ജോലികളും കരാര് ജോലികളും വിജയകരമായി ചെയ്തു വരുന്നുണ്ട്. സ്വകാര്യ ജീവിതവും പഠനവും മറ്റും ബാധിക്കാത്ത രീതിയില് ജോലി ചെയ്യാവുന്ന ഈ സാഹചര്യങ്ങളുടെ പശ്ചാത്തലത്തില് നടക്കുന്ന ഉച്ചകോടിയില് ഇത്തരം വിഷയങ്ങളും പരാമര്ശിക്കപ്പെടും.
കേരളത്തിലെ സ്റ്റാര്ട്ടപ്പ് രംഗത്തും സാങ്കേതികവിദ്യ രംഗത്തും വനിതകളുടെ സാന്നിദ്ധ്യം തുലോം കുറവാണ്. ഈ പങ്കാളിത്തം വര്ധിപ്പിക്കുന്നതിനു വേണ്ടിയാണ് സംസ്ഥാന സര്ക്കാര് ഇത്തരം പ്രോത്സാഹന പരിപാടികള് മുന്നോട്ടു വയ്ക്കുന്നത്. വ്യവസായ ലോകത്തെ അതികായډാരുമായി നേരിട്ട് സംവദിക്കാനും നിക്ഷേപങ്ങള് ആകര്ഷിക്കാനും മറ്റും വനിതകള്ക്കു ലഭിക്കുന്ന അവസരമാണിത്.
More From GoodReturns
പശ്ചിമേഷ്യന് പ്രതിസന്ധി: കയറ്റുമതി മുടങ്ങി, ഗള്ഫ് മലയാളികള് അമിത വിലയ്ക്ക് പച്ചക്കറി വാങ്ങേണ്ടിവരും
ഇടപാടുകാരുടെ ശ്രദ്ധയ്ക്ക്, ഈ ദിവസങ്ങളില് ബാങ്കുകള്ക്ക് അവധി, പകരം സംവിധാനങ്ങള് ഉപയോഗപ്പെടുത്താം
33% ശതമാനം സബ്സിഡിയോടെ റെയില്വേയുടെ ഷിംല, കുളു, മണാലി പാക്കേജ്, വേനല് അടിപൊളിയാക്കാം, ബുക്കിംഗ് തുടങ്ങി
യുഎസ്-ഇസ്രായേല്-ഇറാന് യുദ്ധം: ഇന്ധനവില ആളിക്കത്തുന്നു, നിങ്ങളുടെ പോക്കറ്റ് കാലിയാകുമോ? -അറിയാം
പൊന്നേ, പൊന്നമ്പിളി..! കണക്ക് കൂട്ടലുകൾ തെറ്റിച്ച് സ്വർണം, പവന്റെ വില ഇന്നും താഴേക്ക് വീണു
കോടികളുടെ കരാർ പെട്ടിയിൽ, കൊച്ചിൻ ഷിപ്പ്യാർഡ് ഓഹരി കുതിക്കുമോ..? ബ്രോക്കറേജ് വിലയിരുത്തൽ അറിയാം
പശ്ചിമേഷ്യന് പ്രതിസന്ധി: കയറ്റുമതി മുടങ്ങി, ഗള്ഫ് മലയാളികള് അമിത വിലയ്ക്ക് പച്ചക്കറി വാങ്ങേണ്ടിവരും
ബെംഗളൂരു മലയാളികൾ ശ്രദ്ധിക്കണം, വരാനിരിക്കുന്നത് വൻപ്രതിസന്ധികൾ, ഇക്കാര്യങ്ങൾ അറിഞ്ഞില്ലെങ്കിൽ പണി കിട്ടും
ബെംഗളൂരു മലയാളികൾക്ക് കോളടിച്ചു, ഇനി കുറഞ്ഞ ചിലവിൽ ഭക്ഷണം കിട്ടും, അതും ഏറ്റവും വേഗത്തിൽ
വായ്പയെടുക്കാൻ പ്ലാനുണ്ടോ? ശമ്പളത്തേക്കാൾ പ്രധാനം ശമ്പളം വരുന്ന അക്കൗണ്ടാണ്
ഒരു മാസം തട്ടിയും മുട്ടിയും പോകാൻ 1.43 ലക്ഷം; ബെംഗളൂരുവിൽ യുവതിയുടെ ചെലവ് കേട്ട് ഞെട്ടി സോഷ്യൽ മീഡിയ
Sign in with Google