കുറഞ്ഞ ദിവസത്തിനുള്ളിൽ കൂടുതൽ നേടാം... പലിശ നിരക്കുയർത്തി ഐഡിബിഐ; ഇനി എന്തിന് വൈകണം

വിപണിയിലെ ചാഞ്ചാട്ടങ്ങൾ ഒരുതരത്തിലും ബാധിക്കാത്ത നിക്ഷേപം സ്ഥിര നിക്ഷേപമാണ്. അതുകൊണ്ടു തന്നെ ഉറപ്പായ വരുമാനവും സുരക്ഷിതത്വവും സ്ഥിര നിക്ഷേപം വാഗ്ദാനം ചെയ്യുന്നു. അതുകൊണ്ടുതന്നെ വിപണിയിലെ ചാഞ്ചാട്ടങ്ങളെ കൃത്യമായി മനസിലാക്കാൻ സാധിക്കാത്തവർക്ക് ഏറ്റവും അനുയോജ്യവും സ്ഥിര നിക്ഷേപം തന്നെ. സ്വന്തമായൊരു വീട്, വാഹനം, അല്ലെങ്കില്‍ വിവാഹത്തിന് പോലും സാധാരണക്കാര്‍ തിരഞ്ഞെടുക്കുന്നതും സ്ഥിര നിക്ഷേപമാണ്.ജോലിയുള്ളവര്‍ റിട്ടയര്‍മെന്‍റ് കാലത്തേക്കായുള്ള സമ്പാദ്യം കൂടുതലും സ്ഥിരനിക്ഷേപമായാണ് കരുതിവെക്കുന്നത്.

രാജ്യത്തെ ധനകാര്യ സ്ഥാപനങ്ങൾ സ്ഥിര നിക്ഷേപത്തിന് വ്യത്യസ്ത പലിശ നിരക്കാണ് വാഗ്ദാനം ചെയ്യുന്നത്. ചില ബാങ്കുകൾ കുറഞ്ഞ കാലത്തെ നിക്ഷേപ കാലവധിയുള്ള പ്രത്യേക സ്ഥിര നിക്ഷേപ പദ്ധതികളും നിക്ഷേപകർക്കായി അവതരിപ്പിച്ചിട്ടുണ്ട്. കുറഞ്ഞ സമയത്തേക്ക് ഉയർന്ന പലിശ നേടാം എന്നതാണ് പ്രത്യേക സ്ഥിര നിക്ഷേപ പദ്ധതികളുടെ ഗുണം. ഐഡിബിഐ ബാങ്ക് അവതരിപ്പിച്ച ഉത്സവ് സ്ഥിര നിക്ഷേപ പദ്ധതിയിൽ ഇപ്പോൾ നിക്ഷേപിക്കാൻ സാധിക്കും. ചുരുങ്ങിയ നിക്ഷേപ കാലാവധിയുള്ള പദ്ധതി താരതമ്യേന ഉയർന്ന പലിശയും വാഗ്ദാനം ചെയ്യുന്നു.

ഐഡിബിഐ ഉത്സവ് എഫ്ഡി

ഐഡിബിഐ ബാങ്കിന്‍റെ ഉത്സവകാല സ്ഥിര നിക്ഷേപ പദ്ധതിയാണ് ഉത്സവ് എഫ്ഡി. 375 ദിവസം, 444 ദിവസം എന്നിങ്ങളെ 2 നിക്ഷേപ കാലാവധികളിൽ ഉത്സവ് എഫ്ഡി സ്കീമുകൾ ലഭിക്കും. പദ്ധതിയുടെ പലിശ നിരക്കിൽ ബാങ്ക് കഴിഞ്ഞ ദിവസം മാറ്റം വരുത്തിയിരുന്നു. 10 ബിപിഎസ് പോയിന്‍റാണ് ഉയർത്തിയത്. ഇതോടെ പലിശ നിരക്ക് ഉയർന്നു.

375 ദിവസത്തെ കാലാവധിയുള്ള ഉത്സവ് 375ലെ നിക്ഷേപത്തിന് മുതിർന്ന പൗരന്മാർക്ക് 7.65 ശതമാനം പലിശ ലഭിക്കും. സാധാരണ ഉപഭോക്താക്കൾക്ക് 7.10 ശതമാനം പലിശയാണ് ബാങ്ക് വാഗ്ദാനം ചെയ്യുന്നത്. അതൊടൊപ്പം കാലാവധി പൂർത്തിയാകുന്നതിന് മുൻപ് നിക്ഷേപം നിബന്ധനകളോടെ പിൻവലിക്കാനും സാധിക്കും.

444 ദിവസത്തെ കാലാവധിയുള്ള നിക്ഷേപത്തിന് ഉപഭോക്താക്കൾക്ക് 7.25 ശതമാനം പലിശ നേടാം. മുതിർന്ന പൗരന്മാരുടെ നിക്ഷേപത്തിന് 7.75 ശതമാനം പലിശയും ബാങ്ക് വാഗ്ദാനം ചെയ്യുന്നു. അതൊടൊപ്പം കാലാവധി പൂർത്തിയാകുന്നതിന് മുൻപ് നിക്ഷേപം നിബന്ധനകളോടെ പിൻവലിക്കാനും സാധിക്കും.

7 ദിവസം മുതൽ 10 വർഷം വരെ കാലാവധിയുള്ള സ്ഥിര നിക്ഷേപങ്ങളുടെ പലിശ നിരക്കുകൾ കൂടി പരിശോധിക്കാം. സാധാരണയായി 3 ശതമാനം മുതൽ 7 ശതമാനം പലിശയാണ് ഐഡിബിഐ ബാങ്ക് നൽകുന്നത്. മുതിർന്ന പൗരന്മാർക്ക് 3.50 ശതമാനം മുതൽ 7.50 ശതമാനം വരെയും പലിശ നേടാം.

1. 7 മുതൽ 30 ദിവസം - 3 ശതമാനം

2. 31 മിതൽ 45 ദിവസം - 3.25 ശതമാനം

3. 46 മുതൽ 90 ദിവസം - 4 ശതമാനം

4. 90 ദിവസം 4 മാസം - 4.5 ശതമാനം

5. 91 ദിവസം മുതൽ 6 മാസം - 4.5 ശതമാനം

6. 1 വർഷം മുതൽ 2 വർഷം - 6.8 ശതമാനം

7. 2 വർഷം മുതൽ 3 വർഷം - 7 ശതമാനം

8. 3 വർഷം മുതൽ 5 വർഷം - 6.5 ശതമാനം

9. 5 വർഷം മുതൽ 10 വർഷം - 6.25 ശതമാനം

10. 10 വർഷം മുതൽ 20 വർഷം - 4.8 ശതമാനം

മുകളിൽ സൂചിപ്പിച്ച ഏത് കാലാവധിയിലുള്ള സ്ഥിര നിക്ഷേപത്തിനും മുതിർന്ന പൗരന്മാർക്ക് 0.50 ശതമാനം ഉയർന്ന പലിശ നേടാം.

സ്‌റ്റേറ്റ് ബാങ്ക് ഓഫ് ഇന്ത്യ

2 കോടിയിൽ താഴെയുള്ള സ്ഥിര നിക്ഷേപങ്ങളുടെ പലിശ നിരക്കാണ് സ്‌റ്റേറ്റ് ബാങ്ക് ഓഫ് ഇന്ത്യ ഉയർത്തിയത്. ഏഴ് ദിവസം മുതൽ പത്ത് വർഷം വരെ കാലാവധിയുള്ള നിക്ഷേപങ്ങൾക്ക് എസ്ബിഐ 3.50 മുതൽ 7 ശതമാനം വരെ നിരക്കുകൾ വാഗ്ദാനം ചെയ്യുന്നു. ഈ നിക്ഷേപങ്ങളിൽ മുതിർന്ന പൗരന്മാർക്ക് 50 ബേസിസ് പോയിന്റുകൾ (ബിപിഎസ്) അധികമായി ലഭിക്കും.

യൂണിയൻ ബാങ്ക് ഓഫ് ഇന്ത്യ

2 കോടി രൂപയിൽ താഴെയുള്ള നിശ്ചിത കാലയളവിലെ സ്ഥിര നിക്ഷേപങ്ങളുടെ (എഫ്ഡി) പലിശ നിരക്ക് 25 ബേസിസ് പോയിന്റ് (ബിപിഎസ്) വരെ യൂണിയൻ ബാങ്ക് ഓഫ് ഇന്ത്യ ഉയർത്തി. ഏഴ് ദിവസം മുതൽ പത്ത് വർഷം വരെയുള്ള എഫ്ഡികളിൽ 3 ശതമാനം മുതൽ 7.25 ശതമാനം വരെ പലിശ ബാങ്ക് ഓഫ് ഇന്ത്യ നൽകുന്നു. നിരക്കുകൾ ഡിസംബർ 27 മുതൽ പ്രാബല്യത്തിലാണ്.