എല്‍ഐസിക്ക് അപൂര്‍വ്വ നേട്ടം; ലോകത്തെ കരുത്തുറ്റ ഇന്‍ഷൂറന്‍സ് ബ്രാന്‍ഡുകളില്‍ മൂന്നാം സ്ഥാനം

രാജ്യത്തെ പ്രമുഖ പൊതുമേഖല സ്ഥാപനമായ എല്‍ഐസി ഒരു അപൂര്‍വ നേട്ടം കൈവരിച്ചിരിക്കുകയാണ്. ആഗോളതലത്തില്‍ കരുത്തുറ്റ ബ്രാന്‍ഡുകളുടെ പട്ടികയില്‍ എല്‍ഐസി മൂന്നാമത് എത്തിയിരിക്കുകയാണ്. കൂടാതെ മൂല്യമേറിയ പത്താമത്തെ ഇന്‍ഷൂറന്‍സ് ബ്രാന്‍ഡുമായി. ലണ്ടന്‍ ആസ്ഥാനമായുള്ള കണ്‍സെല്‍ട്ടന്‍സി സ്ഥാപനമായ ബ്രാന്‍ഡ് ഫിനാന്‍സാണ് ഇതുമായി ബന്ധപ്പെട്ട വിലയിരുത്തല്‍ പുറത്തുവിട്ടത്.

സ്ഥാപനം പുറത്തുവിട്ട റിപ്പോര്‍ട്ട് പ്രകാരം എല്‍ഐസിയുടെ ബ്രാന്‍ഡ് മൂല്യം 6.8 ശതമാനം വര്‍ദ്ധിച്ച് 8.65 ബില്യണ്‍ ഡോളറായി. സ്ഥാപനം പുറത്തുവിട്ട കമ്പനികള്‍ ആദ്യ പത്തില്‍ ഏറ്റവും കൂടുതല്‍ ഇടം പിടിച്ചിരിക്കുന്നത് ചൈനീസ് ബ്രാന്‍ഡുകളാണ്. കൂടാതെ ഫ്രാന്‍സ്, ജര്‍മ്മനി, ഇന്ത്യ എന്നിവിടങ്ങളില്‍ നിന്നുള്ള ഓരോ കമ്പനികളാണ് പത്തില്‍ ഇടം പിടിച്ചിരിക്കുന്നത്.

പട്ടികയില്‍ ഒന്നാം സ്ഥാനത്ത്, ചൈനയിലെ പിങ്ആന്‍ ഇന്‍ഷൂറന്‍സ് ആണ്. 44 ബില്യണ്‍ ഡോളറാണ് ബ്രാന്‍ഡ് മൂല്യം, ചൈന ലൈഫ് ഇന്‍ഷൂറന്‍സ് രണ്ടാം സ്ഥാനത്തുണ്ട്. 22 ബില്യണമാണ് ചൈന ഇന്‍ഷൂറന്‍സിന്റെ മൂല്യം. സ്‌പെയിനിലെ മാപ്പ്‌ഫ്രെ, ഇന്ത്യയിലെ എല്‍ഐസി, ചൈനയിലെ പിങ്ആന്‍, സൗത്ത് കൊറിയയിലെ സാംസങ് ലൈഫ് ഇന്‍ഷുറന്‍സ് എന്നീ കമ്പനികള്‍ യഥാക്രമം അഞ്ചുസ്ഥാനങ്ങള്‍ക്ക് അര്‍ഹരായി. കരുത്തുറ്റ ബ്രാന്‍ഡുകളില്‍ ഇറ്റലിയിലെ പോസ്‌റ്റെ ഇറ്റാലെയിനാണ് മുന്നിലുള്ളത്.