വമ്പൻ നേട്ടങ്ങളുമായി പുതിയ സ്കീം; ഇന്നു മുതൽ എൽ.ഐ.സി സ്മാർട്ട് പെൻഷൻ പദ്ധതി ആരംഭിക്കുന്നു

എൽ.ഐ.സിയിൽ പുതിയ വാർത്ത എത്തിയിരിക്കുന്നു. ഇന്നു മുതൽ ലൈഫ് ഇൻഷുറൻസ് കോർപ്പറേഷൻ ഓഫ് ഇന്ത്യ തങ്ങളുടെ പുതിയ ഉൽപ്പന്നമായ 'എൽ.ഐ.സിയുടെ സ്മാർട്ട് പെൻഷൻ' ആരംഭിക്കുന്നു. ഈ സ്കീമിനെ കുറിച്ച് ചർച്ചകൾ ആരംഭിച്ചിരുന്നെങ്കിലും ഇന്ന് മുതലാണ് ആക്ടീവാകുന്നത്. നിങ്ങളും എൽ.ഐ.സി.യിൽ നിക്ഷേപിക്കുന്ന വ്യക്തിയാണോ? എങ്കിൽ ഈ സ്കീമിനെ കുറിച്ചും അറിഞ്ഞിരിക്കുക.

ഈ 'സ്മാർട്ട് പെൻഷൻ' പ്ലാൻ ഒരു 'നോൺ-പാർട്ടിസിപ്പേറ്റിംഗ്, നോൺ-ലിങ്ക്ഡ്, വ്യക്തിഗത/ഗ്രൂപ്പ്, സേവിംഗ്സ് സ്കീമാണ്. മാത്രമല്ല ഇത് പെട്ടെന്നുള്ള ആന്വിറ്റി പ്ലാൻ കൂടിയാണ്. ഇന്ത്യയുടെ പെൻഷൻ വിപണി വളരുന്നതിനനുസരിച്ച് എൽ.ഐ.സി രൂപപ്പെടുത്തിയ സ്മാർട്ട് പ്ലാനാണ് ഇത്. മാത്രമല്ല ഇന്ത്യയിലെ വളർന്നുവരുന്ന പെൻഷൻ, വിരമിക്കൽ സേവിംഗ്സ് വിപണിയിൽ എൽഐസിയുടെ നേതൃസ്ഥാനം ശക്തിപ്പെടുത്താൻ ഈ പുതിയ പദ്ധതി സുപ്രധാന പങ്ക് വഹിക്കുമെന്നാണ് സ്ഥാപനം വിശ്വസിക്കുന്നത്.

ജനസംഖ്യ വർദ്ധിച്ചു കൊണ്ടിരിക്കുന്നു. ജനങ്ങൾക്ക് അവരുടെ സാമ്പത്തിക സുരക്ഷിതത്വമാണ് ഏറ്റവും പ്രധാനം. അതിനായി എവിടെ നിക്ഷേപിക്കാനും പണം സമ്പാദിക്കാനും ജനങ്ങൾ തയ്യാറുമാണ്. ഈ ഉറപ്പാണ് എൽ.ഐ.സിയുടെ ശക്തിയും. പെൻഷൻ സ്കീമിലൂടെ രാജ്യത്തെ വലിയൊരു വിഭാ​ഗം ആളുകളെയാണ് എൽ.ഐ.സി ലക്ഷ്യമിടുന്നത്.

ഈ പദ്ധതി നിങ്ങളുടെ ഭാവി സുരക്ഷിതമാക്കും....

എൽ.ഐ.സി സ്മാർട്ട് പെൻഷൻ പ്ലാൻ നിങ്ങളുടെ ഭാവിക്ക് സുരക്ഷ നൽകുന്നു. നിങ്ങൾ ജോലിയിൽ നിന്നും വിരമിക്കുമ്പോൾ ശരിയായ രീതിയിലുള്ള ഒരു റിട്ടയർമെൻ്റ് പ്ലാനിം​ഗിന് ഈ സ്കീം സഹായിക്കും. ഈ പദ്ധതിയെ കുറിച്ചുള്ള വിശദമായ വിവരങ്ങൾക്ക് എൽ.ഐസിയുടെ ഔദ്യോ​ഗിക വെബ്സൈറ്റ് സന്ദർശിക്കുകയോ അല്ലെങ്കിൽ ഒരു എൽഐസി ഏജന്റിനെ ബന്ധപ്പെടുകയോ ചെയ്യാം.

നിങ്ങളുടെ സാമ്പത്തിക ലക്ഷ്യങ്ങൾ കൈവരിക്കുന്നതിനുള്ള മികച്ച അവസരമാണ് എൽ.ഐ.സിയുടെ ഈ സ്കീം. 

എൽ.ഐ.സി മൂന്നാം പാദത്തിലെ ഫലങ്ങൾ..

എൽ.ഐ.സിയുടെ മൂന്നാം പാദത്തിലെ നെറ്റ് ​​പ്രീമിയം വരുമാനം 9% കുറഞ്ഞ് 1.07 ലക്ഷം കോടി രൂപയായി. സിംഗിൾ പ്രീമിയം കളക്ഷനിൽ 24% ഇടിവും ഒന്നാം വർഷ പ്രീമിയം കളക്ഷനിൽ 14% ഇടിവും ഇതിന് കാരണമായി. ഇത് വലിയ നഷ്ടങ്ങൾ സൃഷ്ടിക്കാൻ ഇടയാക്കി. എന്നാൽ ഡിസംബർ പാദത്തിനു ശേഷം എൽ.ഐ.സി ഇപ്പോഴും നികുതിക്ക് ശേഷമുള്ള ലാഭത്തിൽ 17% വർധനവ് രേഖപ്പെടുത്തി, 11,056 കോടി രൂപയിലെത്തി.

പുതിയ പ്രീമിയങ്ങളിൽ എൽഐസി വലിയ ലാഭം പ്രതീക്ഷിക്കുന്നുണ്ട്. എന്നാൽ റിപ്പോർട്ട് ചെയ്ത പാദത്തിൽ മുൻ വർഷത്തെ അപേക്ഷിച്ച് 27% നഷ്ടം സംഭവിച്ച് 1,926 കോടി രൂപയായി.

ജനുവരിയിൽ എൽഐസിയുടെ പ്രീമിയങ്ങളിൽ വാർഷികാടിസ്ഥാനത്തിൽ 14% കുറവ് രേഖപ്പെടുത്തി. ഇത് വിപണിയിലെ മത്സരത്തെ സൂചിപ്പിക്കുന്നു. തിങ്കളാഴ്ച ബിഎസ്ഇയിൽ എൽഐസി ഓഹരികൾ ഏകദേശം 1% നേട്ടത്തോടെ ₹765.40 ൽ ക്ലോസ് ചെയ്തു.