'എൽഐസി ആരോഗ്യ ഇൻഷുറൻസ് രംഗത്തേക്ക്', സാധാരണക്കാർ ഇനി സേഫ്: ആശുപത്രി ചിലവ് കുറയും

വർഷങ്ങളായി ഇന്ത്യക്കാരുടെ പ്രത്യേകിച്ച് സാധാരണക്കാരുടെ ജീവിതം ഭംഗിയാക്കിയിരുന്നത്‌ എൽഐസി ആണ്. നിരവധി പദ്ധതികൾ കൊണ്ട് ഇന്ത്യയിലെ മധ്യവർഗ്ഗത്തിന്റെ സ്വപ്നങ്ങൾ സാക്ഷാത്കരിക്കാൻ എൽഐസിക്ക് കഴിഞ്ഞിരുന്നു. അതുകൊണ്ടുതന്നെ ലൈഫ് ഇൻഷുറൻസ് പദ്ധതി എന്ന് കേൾക്കുമ്പോൾ എൽഐസി അല്ലാതെ മറ്റൊന്നും നമ്മുടെ മനസ്സിലേക്ക് വരികയില്ല. ഇപ്പോഴത്തെ ചരിത്രത്തിലെ തന്നെ ഏറ്റവും നായകമായ ഒരു തീരുമാനമാണ് ലൈഫ് ഇൻഷുറൻസ് കോർപ്പറേഷൻ ഓഫ് ഇന്ത്യ എടുത്തിരിക്കുന്നത്.

Take a Poll

ആരോഗ്യ ഇൻഷുറൻസ് മേഖലയിലേക്കുള്ള എൽഐസിയുടെ കാൽവെപ്പ് സാധാരണ ജനങ്ങൾക്കുള്ള വലിയ ആശ്വാസത്തിന്റെ മണിമുഴക്കം തന്നെയാണ്. ഒരു ആരോഗ്യ ഇൻഷുറൻസ് കമ്പനി ഏറ്റെടുക്കുന്നതിനെക്കുറിച്ചുള്ള അന്തിമ ചർച്ചകൾ പുരോഗമിക്കുകയാണെന്ന് എൽ.ഐ.സി സി.ഇ.ഒ സിദ്ധാർത്ഥ മൊഹന്തി മാർച്ച് 18-ന് സി.എൻ.ബി.സി-ടിവി18-നോട് പറഞ്ഞിരുന്നു. ഇത് സംഭവിച്ചാൽ, നിലവിൽ ഇന്ത്യയിൽ ലഭ്യമാകുന്നതിൽ വച്ച് ഏറ്റവും മികച്ച ഹെൽത്ത് ഇൻഷുറൻസ് പദ്ധതികൾ എൽഐസിക്ക് രൂപീകരിക്കാൻ കഴിയും.

മാർച്ച് 31നകം ഔദ്യോഗിക പ്രഖ്യാപനം

ഈ മാസം അവസാനത്തോടെ ഒരു ആരോഗ്യ ഇൻഷുറൻസ് കമ്പനി ഏറ്റെടുക്കൽ സംബന്ധിച്ച അന്തിമ തീരുമാനം പ്രഖ്യാപിക്കുമെന്ന് സിദ്ധാർത്ഥ മൊഹന്തി വ്യക്തമാക്കി. എൽ.ഐ.സിയുടെ ഈ നീക്കം ഇന്ത്യൻ ഇൻഷുറൻസ് വിപണിയിലെ അവരുടെ സാന്നിധ്യം കൂടുതൽ ശക്തിപ്പെടുത്താൻ സഹായിക്കും. എന്നാൽ എൽ.ഐ.സി ഏറ്റെടുക്കുന്ന സ്ഥാപനത്തിന്റെ ഭൂരിപക്ഷ ഓഹരി കൈവശം വെക്കില്ലെന്ന് മൊഹന്തി വ്യക്തമാക്കിയിട്ടുണ്ട്.

ആരോഗ്യ ഇൻഷുറൻസ് വിപണിയിലെ സാധ്യതകൾ

ഇന്ത്യയിലെ അനുദിനം വളർന്നുകൊണ്ടിരിക്കുന്ന ആരോഗ്യ ഇൻഷുറൻസ് മേഖലയിലേക്കുള്ള ഏറെ വൈകിയ ഒരു കടന്നു വരവാണ് എൽഐസി ഇപ്പോൾ നടത്തുന്നത്. പക്ഷേ മറ്റു കമ്പനികളെക്കാൾ എല്ലാം ആധികാരികത ഇന്ത്യൻ ജനതയുടെ മനസ്സിലുള്ളത് കൊണ്ട് തന്നെ എൽഐസിയുടെ ഉയർച്ചയ്ക്ക് അധിക കാലതാമസം വേണ്ടിവരില്ല എന്ന് ഉറപ്പാണ്.

രാജ്യത്തെ ഏറ്റവും വലിയ ഇൻഷുറൻസ് സ്ഥാപനമായ എൽ.ഐ.സി, അവരുടെ വിശാലമായ ഉപഭോക്തൃ ശൃംഖലയും വിപുലമായ വിതരണ ശൃംഖലയും ഉപയോഗപ്പെടുത്തി ആരോഗ്യ ഇൻഷുറൻസ് മേഖലയിൽ ഉറച്ച സാന്നിധ്യം സൃഷ്ടിക്കാനാണ് ശ്രമിക്കുന്നത്. ഇത് പൂർണ്ണമായും വിജയിക്കും എന്നതിൽ യാതൊരു സംശയവും വേണ്ട.

മുൻപ് എൽ.ഐ.സി ആസൂത്രണം ചെയ്തിരുന്നതെന്ത്?

കഴിഞ്ഞ വർഷം നടത്തിയ ഒരു അഭിമുഖത്തിൽ എൽ.ഐ.സി ചെയർമാൻ സിദ്ധാർത്ഥ മൊഹന്തി, ആരോഗ്യ ഇൻഷുറൻസ് മേഖലയിലെ സാധ്യതകളെ സംബന്ധിച്ച് വിശദീകരിച്ചിരുന്നു.

"പ്രോപ്പർട്ടി, ഫയർ ഇൻഷുറൻസ് തുടങ്ങിയ പൊതുവിധേയ ഇൻഷുറൻസ് മേഖലയിൽ എൽ.ഐ.സിയ്ക്ക് അവലോകനപരമായ പരിചയമില്ലെങ്കിലും, ഫിക്‌സ്‌ഡ് ബെനിഫിറ്റ് ഹെൽത്ത് ഇൻഷുറൻസ് ഉൽപ്പന്നങ്ങൾ വഴി ഞങ്ങൾ ഇതിനകം തന്നെ ഒരു പരിധിവരെ ഈ രംഗത്ത് പ്രവർത്തിച്ചുവരുന്നുണ്ട്. അതിനാൽ, ഓർഗാനിക്, ഇൻഓർഗാനിക് (സ്വാഭാവിക വളർച്ചയിലൂടെയും, ഏറ്റെടുക്കലുകളിലൂടെയും) മാർഗങ്ങളിലൂടെ ആരോഗ്യം സംബന്ധിച്ച ഇൻഷുറൻസ് വിപണിയിൽ പ്രവേശനം കണ്ടെത്താൻ ഞങ്ങൾ ആലോചിച്ചുവരുന്നു," മൊഹന്തി പറഞ്ഞിരുന്നു.

എൽ.ഐ.സി ഓഹരികളുടെ വിലയിൽ സ്വാധീനം

ഈ വാർത്ത പുറത്ത് വന്നതോടെ എൽ.ഐ.സി ഓഹരികളുടെ വിലയിൽ ചെറിയ ഉയർച്ച രേഖപ്പെടുത്തി. റിപ്പോർട്ട് തയ്യാറാക്കുന്നതിനിടയിൽ, ബോംബെ സ്റ്റോക്ക് എക്സ്ചേഞ്ചിൽ (BSE) എൽ.ഐ.സി ഓഹരികൾ 0.83% ഉയർന്ന് ₹751.20 എന്ന നിലയിലായിരുന്നു വ്യാപാരം.

എൽ.ഐ.സി ആരോഗ്യ ഇൻഷുറൻസ് മേഖലയിൽ കടന്നുവരുന്നത്, ഇന്ത്യൻ ഇൻഷുറൻസ് വിപണിയിലെ വലിയ മാറ്റം സൃഷ്ടിക്കുമെന്നതിൽ സംശയമില്ല. ഒരു ആരോഗ്യ ഇൻഷുറൻസ് കമ്പനി ഏറ്റെടുക്കുന്നതിലൂടെ, എൽ.ഐ.സിയുടെ വിപണി സാന്നിധ്യം വർദ്ധിപ്പിക്കാനും ഉപഭോക്താക്കളെ കൂടുതൽ ആകർഷിക്കാനുമാകും. മാർച്ച് 31നകം ഔദ്യോഗിക പ്രഖ്യാപനം വന്നാൽ, ഈ മേഖലയിലെ മത്സരത്തിനും വിപണിയിലുണ്ടാകുന്ന മാറ്റങ്ങൾക്കും വലിയ പ്രാധാന്യം നൽകിയേക്കാം.

സാധ്യതകൾ കൂടുമ്പോൾ സാധാരണക്കാരൻ വിയർക്കുന്നത് കുറയും

ആരോഗ്യ ഇൻഷുറൻസ് രംഗത്തെ സാധ്യതകൾ അധികരിക്കുന്ന തോടുകൂടി തന്നെ സാധാരണക്കാരന്റെ സാമ്പത്തികം ആലോചിച്ചുള്ള ബുദ്ധിമുട്ടുകൾ കുറയും എന്ന് വ്യക്തമാണ്. എൽഐസി യിലുള്ള വിശ്വാസം കൊണ്ട് തന്നെ ഇന്ത്യയിലെ ഒട്ടുമിക്ക എല്ലാ ജനങ്ങളും ആരോഗ്യ ഇൻഷുറൻസ് എടുക്കുന്ന സ്ഥിതിയിലേക്ക് ഈ തീരുമാനം മാറും എന്നും വിദഗ്ധർ വിലയിരുത്തുന്നു.

FAQs

ഇന്ത്യയിലെ ആദ്യത്തെ ആരോഗ്യ ഇൻഷുറൻസ് കമ്പനി ഏത്?

ജനറൽ ഇഷുറൻസ് കോർപറേഷൻ