Just In
-
-
-
-
Don't Miss
-
പോളിംഗ് ബൂത്തില് ചൂടൊന്നും പ്രശ്നമാകില്ല; എല്ലാ സൗകര്യവുമുണ്ടാകുമെന്ന് മുഖ്യ തിരഞ്ഞെടുപ്പ് ഓഫീസര് -
ക്രാഷ് ടെസ്റ്റിൽ ഹോണ്ടയുടെ 'മാരുതി'യായി അമേസ്; ഇടിപ്പരീക്ഷയിൽ കിട്ടിയത് വെറും 2-സ്റ്റാർ റേറ്റിംഗ് -
അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ -
ബിഗ് ബോസ് മെറ്റീരിയലാവാന് മുഴുവന് സമയവും വായിട്ടടിക്കണം എന്നില്ല! സായി മൈന്ഡ് ഗെയിമറെന്ന് പ്രേക്ഷകര് -
ദാമ്പത്യത്തില് വഴക്കുകള് പതിവ്, പരസ്പര വിയോജിപ്പ് അവസാനിപ്പിക്കാന് വേണ്ടത് ഈ 7 കാര്യം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
ട്രെയിൻ ടിക്കറ്റികൾ ബുക്ക് ചെയ്യുന്നത് നിലവിൽ വളരെ വെല്ലുവിളി നിറഞ്ഞ ഒരു കാര്യമാണ്. പ്രത്യേകിച്ചും തത്കാൽ ടിക്കറ്റുകൾ. കാരണം ഇവ വളരെ വേഗത്തിൽ ബുക്ക് ചെയ്യണം. എസി ഫസ്റ്റ് ക്ലാസ്, എക്സിക്യൂട്ടീവ് ക്ലാസ് ഒഴികെയുള്ള എല്ലാ ട്രെയിൻ ക്ലാസുകളിലും തത്കാൽ ടിക്കറ്റ് ബുക്കിംഗ് അനുവദനീയമാണ്. തത്കൽ ടിക്കറ്റുകൾ ഉൾപ്പെടെയുള്ള ഇ-ടിക്കറ്റുകൾ ബുക്ക് ചെയ്യുന്നതിൽ തട്ടിപ്പുകൾ തടയുന്നതിനുള്ള നടപടികൾ റെയിൽവേ മന്ത്രാലയം സ്വീകരിച്ചിട്ടുണ്ടെന്ന് ലോക്‌സഭയിലെ ചോദ്യത്തിന് രേഖാമൂലം നൽകിയ മറുപടിയിൽ റെയിൽവേ മന്ത്രി പീയൂഷ് ഗോയൽ പറഞ്ഞു. ടിക്കറ്റ് ബുക്ക് ചെയ്യുന്നതിലെ തട്ടിപ്പുകൾ തടയാൻ ഇന്ത്യൻ റെയിൽവേ സ്വീകരിച്ച വിവിധ നടപടികൾ ഇതാ:
നിയന്ത്രണം
ഒരു ഉപയോക്താവിന് രാവിലെ 10 മുതൽ ഉച്ചയ്ക്ക് 12 വരെ 2 തത്കാൽ ടിക്കറ്റുകൾ മാത്രമേ ബുക്ക് ചെയ്യാൻ സാധിക്കൂ. കൂടാതെ തത്കാൽ ടിക്കറ്റ് ബുക്കിംഗിനായി സുരക്ഷാ ചോദ്യങ്ങളും ഉൾപ്പെടുത്തിയിട്ടുണ്ട്. റീട്ടെയിൽ സേവന ദാതാക്കൾക്ക് (ഏജന്റുമാർ) ഒരു ട്രെയിനിൽ പ്രതിദിനം ഒരു തത്കാൽ ടിക്കറ്റ് മാത്രമായി പരിമിതപ്പെടുത്തി. ഒരു മൊബൈൽ നമ്പറിലും ഇമെയിൽ ഐഡിയും വഴി ഒരു ഐആർസിടിസി ഉപയോക്തൃ ഐഡി മാത്രമേ സൃഷ്ടിക്കാൻ സാധിക്കൂ.
ആധാർ ലിങ്ക് ചെയ്താൽ
ഒരു മാസത്തിൽ ഒരു വ്യക്തിയ്ക്ക് 6 റെയിൽവേ ടിക്കറ്റുകൾ മാത്രമാണ് ബുക്ക് ചെയ്യാനാകുക. എന്നാൽ ഉപയോക്താക്കൾ അവരുടെ ഐആർസിടിസി ഉപയോക്തൃ ഐഡി ആധാർ നമ്പറുമായി ലിങ്കുചെയ്‌തിട്ടുണ്ടെങ്കിൽ, യാത്രക്കാരിലൊരാളെങ്കിലും ആധാർ വഴിയുള്ള പരിശോധയ്ക്ക് വിധേയമായാൽ പ്രതിമാസം 12 റെയിൽവേ ടിക്കറ്റുകൾ ബുക്ക് ചെയ്യാം.
സാങ്കേതിക മുൻകരുതലുകൾ
ഓട്ടോമേഷൻ സോഫ്റ്റ്വെയർ വഴി വ്യാജ ബുക്കിംഗ് പരിശോധിക്കുന്നതിന് രജിസ്ട്രേഷൻ, ലോഗിൻ, ബുക്കിംഗ് പേജ് എന്നിങ്ങനെ മൂന്ന് സ്ഥലങ്ങളിൽ ഡൈനാമിക് കാപ്ച അവതരിപ്പിച്ചു. ഉപയോക്താക്കൾ ഇ-ടിക്കറ്റ് ബുക്കിംഗ് സമയത്ത് യാത്രക്കാരുടെ വിശദാംശങ്ങൾ നൽകാനും കാപ്ച നൽകാനും വളരെ കുറഞ്ഞ സമയം മാത്രമേ അനുവദിച്ചിട്ടുള്ളൂ.
ഏജന്റുമാർക്ക് നിയന്ത്രണം
അഡ്വാൻസ് റിസർവേഷൻ പിരീഡ് (എആർ‌പി) ബുക്കിംഗും തത്കാൽ ബുക്കിംഗും ആരംഭിച്ച് ആദ്യത്തെ പതിനഞ്ച് മിനിറ്റിനുള്ളിൽ ടിക്കറ്റ് ബുക്ക് ചെയ്യുന്നതിന് ഐആർസിടിസിയുടെ അംഗീകൃത ഏജന്റുമാർക്ക് നിയന്ത്രണം ഏർപ്പെടുത്തി. തുടർ‌നടപടികളോടെ അനധികൃത ഇ-ടിക്കറ്റിംഗ് കേസുകൾ കണ്ടെത്തുന്നതിനും ഐആർസിടിസി ഐഡികൾ പരിശോധിക്കുന്നതിനായി PRABAL അന്വേഷണ അധിഷ്ഠിത ആപ്ലിക്കേഷൻ ഉപയോഗിക്കുക.
അനധികൃത സോഫ്റ്റ്വെയറുകൾ
അടുത്തിടെ, റെയിൽവേ പ്രൊട്ടക്ഷൻ ഫോഴ്‌സ് (ആർ‌പി‌എഫ്) അനധികൃത സോഫ്റ്റ്വെയറുകൾ കണ്ടെത്തുകയും അത്തരം ടിക്കറ്റുകൾ തടയാൻ ഉപയോഗിക്കുന്ന 60 ഏജന്റുമാരെ അറസ്റ്റ് ചെയ്യുകയും ചെയ്തിരുന്നു. നിയമവിരുദ്ധ സോഫ്റ്റ്‌വെയറുകളായ 'ANMS', 'MAC', 'ജാഗ്വാർ' എന്നിവ ഐആർസിടിസിയുടെ ലോഗിൻ കാപ്ച, ടിക്കറ്റ് സൃഷ്ടിക്കുന്നതിനായി ബുക്കിംഗ് കാപ്ച, ബാങ്ക് ഒ‌ടി‌പി എന്നിവ മറികടക്കുന്നവയാണ്. അതേസമയം ഒരു യഥാർത്ഥ ഉപയോക്താവ് ഈ പ്രക്രിയകളിലൂടെ കടന്നുപോകേണ്ടതുണ്ട്. റെയിൽവേ ടിക്കറ്റുകൾ വാങ്ങുന്നതിനും വിതരണം ചെയ്യുന്നതിനും അനധികൃതമായി വ്യാപാരം നടത്തുന്ന വ്യക്തികൾ‌ക്കും ഏജൻസികൾ‌ക്കെതിരെ ആർ‌പി‌എഫ് പതിവായി അന്വേഷണം നടത്തുന്നുണ്ട്. റെയിൽവേ നിയമത്തിലെ സെക്ഷൻ 143 പ്രകാരമാണ് കുറ്റവാളികൾക്കെതിരെ കേസെടുക്കുന്നത്.
