Click it and Unblock the Notifications
മൈക്രോസോഫ്റ്റിന്റെ ഉടമസ്ഥതയിലുള്ള പ്രൊഫഷണല് നെറ്റ്വര്ക്കിംഗ് പ്ലാറ്റ്ഫോമായ ലിങ്ക്ഡ് ഇന് ആഗോളതലത്തില് 960 ജീവനക്കാരെ പിരിച്ചുവിടാനൊരുങ്ങുന്നു. വില്പ്പന, ടാലന്റ് അക്വസിഷന് എന്നീ മേഖലകളെ ഇത് കാര്യമായി സ്വാധീനിക്കുന്നതിനാല് മൈക്രോസോഫ്റ്റിന്റെ ഈ നീക്കം ഇന്ത്യയെ ബാധിക്കാനിടയുണ്ട്. ലിങ്ക്ഡ് ഇന് -ന് ഇന്ത്യയില് മൂന്ന് ഓഫീസുകളുണ്ട് — മുംബൈ, ബെംഗളൂരു, ഗുരുഗ്രാം.
'ഈ പ്രഖ്യാപനം ഞങ്ങളുടെ ഗ്ലോബല് സെയില്സ് ആന്ഡ് ടാലന്റ് അക്വിസിഷന് ഓര്ഗനൈസേഷനുകളിലെ ജീവനക്കാരെ ബാധിക്കുന്നു. ഞങ്ങള് വരുത്തുന്ന മാറ്റങ്ങള് ഇന്ത്യ ഉള്പ്പടെ ലോകമെമ്പാടുമുള്ള നിരവധി ഓഫീസുകളെ കാര്യമായി സ്വാധീനിക്കുന്നു. വളര്ച്ചയ്ക്കായുള്ള ഞങ്ങളുടെ ഏറ്റവും തന്ത്രപരമായ മേഖലകളില് ഞങ്ങള് നിക്ഷേപം നടത്തുമ്പോള്, കമ്പനിയിലുടനീളം പുതുതായി സൃഷ്ടിച്ച റോളുകള്ക്കായി ഞങ്ങള് നിയമനം നടത്തുന്നതായിരിക്കും.
ഈ അവസരങ്ങള് പര്യവേഷണം ചെയ്യുന്നതിനായി കമ്പനിയുടെ ഇന്നത്തെ പ്രഖ്യാപനത്തെ സ്വാധീനിച്ച ജീവനക്കാരുമായി ചേര്ന്ന് ഞങ്ങള് പ്രവര്ത്തിക്കും,' ഒരു ലിങ്ക്ഡ് വക്താവ് മാധ്യമങ്ങളോടായി പറഞ്ഞു. കൊവിഡ് 19 മഹാമാരി മൂലം സംജാതമായ പ്രതിസന്ധി മൂലം ആഗോളതലത്തില് 960 ജോലികള് അല്ലെങ്കില് ആറ് ശതമാനം ജീവനക്കാരുടെ എണ്ണം വെട്ടിക്കുറയ്ക്കുമെന്ന് ലിങ്ക്ഡ് ഇന് ചീഫ് എക്സിക്യൂട്ടിവ് ഓഫീസര് റയാന് റോസ്ലാന്സ്കി ജീവനക്കാരോടായി പറഞ്ഞു.
'ലിങ്ക്ഡ് ഇന് ആഗോള മഹാമാരിയുടെ പ്രത്യാഘാതങ്ങളില് നിന്ന് മുക്തമല്ല. ഞങ്ങളുടെ ടാലന്റ് സൊല്യൂഷന്സ് ബിസിനസിലെ സ്വാധീനിക്കുന്നത് തുടരുന്നു. കാരണം ഞങ്ങളടക്കം കുറച്ച് കമ്പനികള് മുമ്പ് ചെയ്തുകൊണ്ടിരുന്ന അതേ അളവില് തന്നെ ജീവനക്കാരെ നിയമിക്കേണ്ടതുണ്ട്. ആഴ്ചകള് നീണ്ട ചര്ച്ചകള്ക്കും സംവാദങ്ങള്ക്കും ശേഷം, ഞങ്ങളുടെ ആഗോള വില്പ്പന, ടാലന്റ് അക്വിസിഷന് ഓര്ഗനൈസേഷനുകളിലുടനീളം ഏകദേശം 960 ജോലി റോളുകള് അല്ലെങ്കില് ഞങ്ങളുടെ ജീവനക്കാരുടെ ആറു ശതമാനം കുറയ്ക്കുന്നതിനുള്ള പ്രയാസകരമായ തീരുമാനം ഞാനും ഞങ്ങളുടെ എക്സിക്യൂട്ടിവ് ടീമും എടുത്തിട്ടുണ്ട്.
റയാന് റോസ്ലാന്സ്കി വ്യക്തമാക്കി. കമ്പനി ഇപ്പോള് ആസൂത്രണം ചെയ്യുന്ന ഒരേയൊരു കുറവാണിതെന്നും, കമ്പനി തീരുമാനത്താല് ബാധിച്ച ജീവനക്കാര്ക്ക് 10 ആഴ്ചത്തെ വേതന ആനൂകൂല്യങ്ങള് ലഭിക്കുമെന്നും, ഇത് കാലാവധിയെയും രാജ്യ നിര്ദിഷ്ട നയങ്ങളും അടിസ്ഥാനമാക്കി വര്ധിച്ചേക്കാമെന്നും അദ്ദേഹം കൂട്ടിച്ചേര്ത്തു.
Sign in with Google