ദില്ലി: പാചകവാതക സിലിണ്ടർ ബുക്ക് ചെയ്യുന്നതിനുള്ള പരിഷ്കരിച്ച ചട്ടങ്ങൾ നവംബർ ഒന്നുമുതലാണ് ഇന്ത്യയിൽ പ്രാബല്യത്തിൽ വരുന്നത്. ഇൻഡൈൻ ഉപയോക്താക്കൾക്ക് സിലിണ്ടർ ബുക്കിംഗിനായി അനുവദിച്ചിരുന്ന നമ്പറും ഇതോടൊപ്പം പരിഷ്കരിച്ചിട്ടുണ്ട്. ഇതോടെ രജിസ്റ്റർ ചെയ്ത ഉപയോക്താക്കൾക്ക് എസ്എംഎസ് വഴി ഗ്യാസ് ബുക്കിംഗിനുള്ള പുതിയ നമ്പർ കമ്പനി അയച്ചുനൽകിയിട്ടുണ്ട്. ഇതിന് പുറമേ വാട്സ്ആപ്പ് വഴിയും ഇനി ഗ്യാസ് ബുക്ക് ചെയ്യാൻ സാധിക്കും.
വാട്സ്ആപ്പ് വഴി
ഗ്യാസ് ഏജൻസി വിതരണക്കാരനോട് സംസാരിച്ചും മൊബൈൽ നമ്പറിൽ വിളിച്ചും വെബ്സൈറ്റ് വഴി ഓൺലൈനായി ബുക്ക് ചെയ്തും ഗ്യാസ് ബുക്കിംഗിനുള്ള സൌകര്യം ഇപ്പോഴുണ്ട്. കമ്പനിയുടെ വാട്സ്ആപ്പ് നമ്പറിൽ മെസേജ് അയച്ചാലും ഗ്യാസ് ബുക്കിംഗ് സാധ്യമാണ്. ഇതിനെല്ലാം പുറമേ ഇൻഡൈനിന്റെ ആപ്പ് ഡൌൺലോഡ് ചെയ്തും ഗ്യാസ് ബുക്കിംഗ് നടത്താവുന്നതാണ്.
ഡെലിവറി ഓതന്റിഫിക്കേഷൻ കോഡ്
7718955555 എന്ന പുതിയ നമ്പറിൽ വിളിച്ച് ഇൻഡെയ്ൻ ഉപഭോക്താവിന് ഇപ്പോൾ എൽപിജി സിലിണ്ടർ ബുക്ക് ചെയ്യാം. വാട്ട്സ്ആപ്പ് വഴിയും ബുക്കിംഗ് നടത്താം. വാട്ട്സ്ആപ്പ് മെസഞ്ചറിൽ REFILL ടൈപ്പുചെയ്ത് 7588888824 എന്ന വിലാസത്തിലേക്ക് അയയ്ക്കുകയാണ് വേണ്ടത്. ഉപയോക്താക്കൾ രജിസ്റ്റർ ചെയ്ത മൊബൈൽ നമ്പറിൽ നിന്ന് മാത്രമാണ് സന്ദേശം അയയ്ക്കുന്നതെന്നും ഉറപ്പാക്കേണ്ടതുണ്ട്.
ഓതന്റിഫിക്കേഷൻ കോഡ്
ഓയിൽ കമ്പനികൾ ഒരു ഡെലിവറി ഓതന്റിഫിക്കേഷൻ കോഡ് എസ്എംഎസ് വഴി ഉപയോക്താക്കൾക്ക് അയയ്ക്കും. ആദ്യം 100 സ്മാർട്ട് സിറ്റികളിലാണ് ഡിഎസി സേവനം ആരംഭിക്കുന്നത്. ഡെലിവറി നടത്തേണ്ട വ്യക്തിയുമായി ഒടിപി പങ്കുവെച്ച ശേഷമാണ് ശേഷമാണ് സിലിണ്ടർ ആവശ്യക്കാർക്ക് എത്തിക്കുന്നത്.
2 മിനിറ്റിനുള്ളിൽ മൊബൈൽ നമ്പർ അപ്ഡേഷൻ
നിങ്ങളുടെ രജിസ്റ്റർ ചെയ്ത മൊബൈൽ നമ്പർ അപ്ഡേറ്റ് ചെയ്തിട്ടില്ല എങ്കിൽ നിങ്ങൾക്ക് സിലിണ്ടർ എത്തിച്ചുനൽകുന്ന വ്യക്തിയോട് അത് അപ്ഡേറ്റ് ചെയ്യാൻ ആവശ്യപ്പെടാം, മാത്രമല്ല ഒരു അപ്ലിക്കേഷനിലൂടെ തത്സമയം അത് ചെയ്യാനും കോഡ് ക്രിയേറ്റ് ചെയ്യാനും സിലിണ്ടർ എത്തിച്ചുനൽകുന്ന വ്യക്തിയ്ക്ക് കഴിയും. അതായത്, ഡെലിവറി സമയത്ത്, ആ അപ്ലിക്കേഷന്റെ സഹായത്തോടെ ഡെലിവറി ബോയ് മുഖേന നിങ്ങളുടെ മൊബൈൽ നമ്പർ അപ്ഡേറ്റ് ചെയ്യാൻ കഴിയുമെന്ന് ചുരുക്കും.
തെറ്റായ വിവരങ്ങൾ നൽകിയാൽ
തെറ്റായ വിവരങ്ങൾ ഗ്യാസ് ഏജൻസിയ്ക്ക് നൽകിയാൽ ഗ്യാസ് സിലിണ്ടറുകളുടെ വിതരണം നിർത്തലാക്കാനുള്ള സാധ്യതയുണ്ട്. അതുകൊണ്ട് ഇക്കാര്യം പ്രത്യേകം ശ്രദ്ധിക്കേണ്ടതാണ്.