മഹാരാഷ്ട്ര ഉപ മുഖ്യമന്ത്രി അജിത് പവാര്‍ വിമാനാപകടത്തില്‍ കൊല്ലപ്പെട്ടു

മഹാരാഷ്ട്ര ഉപമുഖ്യമന്ത്രിയുള്‍പ്പടെ അഞ്ച് പേര്‍ പൂനെ ബാരാമതി പ്രദേശത്ത് നടന്ന വിമാനാപകടത്തില്‍ കൊല്ലപ്പെട്ടു. ബാരാമതി വിമാനത്താവളത്തില്‍ ഇറക്കാന്‍ ലാന്റ് ചെയ്യാന്‍ ശ്രമിക്കുമ്പോഴായിരുന്നു അപകടം. നിയന്ത്രണം നഷ്ടപ്പെട്ട വിമാനം തകര്‍ന്നുവീണ് കത്തിയമര്‍ന്നു. രാവിലെ 8.45 ന് നടന്ന അപകടത്തില്‍ അജിത് പവാറും അംഗരക്ഷകരും പൈലറ്റും കൊല്ലപ്പെട്ടതായി ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ സ്ഥിരീകരിച്ചു. പവാര്‍ സഞ്ചരിച്ച സ്വകാര്യ ചാര്‍ട്ടേഡ് വിമാനമാണ് അപകടത്തില്‍ പെട്ടത്.

വിമാനത്തിലുണ്ടായിരുന്ന എല്ലാവരും മരിച്ചതായാണ് വിവരം. ആളെ തിരിച്ചറിയാന്‍ സാധിക്കാത്ത വിധത്തില്‍ മൃതദേഹങ്ങള്‍ ചിന്നിച്ചിതറിയതായി ഇത് സംബന്ധിച്ച റിപ്പോര്‍ട്ടുകള്‍ പറുന്നു. മുംബൈയില്‍ നിന്നുമാണ് പവാര്‍ യാത്ര തിരിച്ചത്. പ്രാദേശിക തിരഞ്ഞെടുപ്പിനോടനുബന്ധിച്ച യോഗത്തില്‍ പങ്കെടുക്കുകയായിരുന്നു ലക്ഷ്യം.

വിമാനാപകടത്തിന്റെ വിവരം അറിഞ്ഞതിനു പിന്നാലെ ഡല്‍ഹിയില്‍ ആയിരുന്ന ഭാര്യ സുനേത്ര പവാറും പാര്‍ഥ് പവാറും ബന്ധുവും മറ്റ് എന്‍സിപി നേതാക്കളും മുംബൈയിലേയക്ക് തിരിച്ചു. പ്രധാനമന്ത്രി നരേന്ദ്ര മോദിയും ആഭ്യന്തര മന്ത്രി അമിത് ഷായും മുഖ്യമന്ത്രി ദേവേന്ദ്ര ഫഡ്‌നാവിസിനോട് ഇത് സംബന്ധിച്ച വിശദീകരണം തേടിയതായാണ് വിവരം.