കൊവിഡ് തിരിച്ചടിയായി; വന്‍കിട ഹോട്ടലുകളില്‍ 25 ശതമാനത്തിനും പൂട്ടുവീഴും, വന്‍ കട ബാധ്യത

കൊവിഡ് വ്യാപനത്തിന് പിന്നാലെ രാജ്യത്തെ പല മേഖലകളിലും വലിയ പ്രതിസന്ധിയാണ് നേരിട്ടത്. രോഗ വ്യാപനത്തെ തുടര്‍ന്ന് പ്രഖ്യാപിച്ച ലോക്ക് ഡൗണാണ് എല്ലാ മേഖലയെയും താളം തെറ്റിച്ചത്. എന്നാല്‍ ഇപ്പോഴിതാ കടുത്ത പ്രതിസന്ധി നേരിട്ടതിനെ തുടര്‍ന്ന് വന്‍കിട ഹോലുകള്‍ പൂട്ടാനൊരുങ്ങുന്ന റിപ്പോര്‍ട്ടുകളാണ് ഇപ്പോള്‍ പുറത്തുവരുന്നത്. രാജ്യത്തെ 25 ശതമാനത്തോളം ഹോട്ടലുകളും പൂട്ടുമെന്നാണ് റിപ്പോര്‍ട്ടുകളില്‍ വ്യക്തമാക്കുന്നത്.

കടബാധ്യത കൂടിയതിനാല്‍ പല ഹോട്ടലുകളും വില്‍ക്കാന്‍ ഒരുങ്ങുകയാമെന്ന് ഹോട്ടല്‍ അസോസിയേഷന്‍ ഇന്ത്യ വ്യക്തമാക്കുന്നു. എന്നാല്‍ ഇങ്ങനെ വിറ്റൊഴിയുന്ന ഹോട്ടലുകളെ അന്താരാഷ്ട്ര് നിക്ഷേപ സ്ഥാപനങ്ങള്‍ ഏറ്റെടുത്തേക്കുമെന്ന റിപ്പോര്‍ട്ടുകളും പുറത്തുവരുന്നുണ്ട്. അതി സമ്പന്നരും ഈ മേഖലയിലേക്ക് കടന്നേക്കുമെന്നാണ് സൂചന. കൊവിഡിന്റെ ആദ്യ തരംഗവും രണ്ടാമത്തെ തരംഗവും ബാധിച്ചത് ഈ മേഖലയെയാണ്.

പുറത്തുവരുന്ന കണക്കുകള്‍ പ്രകാരം, ലെമണ്‍ ട്രീ ഹോട്ടല്‍സിന് 1,898.97 കോടി, മഹീന്ദ്ര ഹോളീഡേയ്സിന് 1,892.53 കോടി, ചാലെറ്റ് ഹോട്ടല്‍സിന് 1,799.01 കോടി, ഏഷ്യന്‍ ഹോട്ടല്‍സ് വെസ്റ്റിന് 876.39 കോടി, വെസ്റ്റ്ലൈഫ് ഡെവലപ്മെന്റിന് 758.55 കോടി, ഓറിയന്റല്‍ ഹോട്ടല്‍സിന് 194.47 കോടി എന്നിങ്ങനെയാണ് ബാധ്യതയുടചെ കണക്കുകള്‍. ചെറുകിട ഹോട്ടലുകള്‍ക്ക് ഇത്രയും വരുമെന്നാണ് സൂചന.