ഐആർഇഡിഎ ഓഹരി 330 രൂപ കടക്കും, ഇപ്പോൾ വാങ്ങാൻ വിദഗ്ധരുടെ ശുപാർശ, നോക്കുന്നോ

ബജറ്റിനെ തുടർന്നുണ്ടായ നഷ്ടത്തിൽ നിന്നും ഓഹരി വിപണി കരകയറുകയാണ്. പല ഓഹരികളും നേട്ടത്തിലേക്ക് തിരിച്ചെത്തി. വെള്ളിയാഴ്ച വിപണിയിൽ നിന്നും ആദ്യ സെഷനിൽ തന്നെ നേട്ടമുണ്ടാക്കിയ ഓഹരികളിലൊന്നാണ് ഇന്ത്യൻ റിന്യൂവബിൾ എനർജി ഡെവലപ്‌മെൻ്റ് ഏജൻസി (ഐആർഇഡിഎ) ലിമിറ്റഡ്. ദീർഘകാലത്തേക്ക് ഓഹരിയിൽ നിക്ഷേപം തുടരാൻ ആഗ്രഹിക്കുന്നവർക്ക് ഓഹരി കൈവശം വയ്ക്കാമെന്നാണ് മാർക്കറ്റ് വിദഗ്ധരുടെ ശുപാർശ. ഓഹരിയുടെ കൂടുതൽ വിവരങ്ങൾ വിശദമായി അറിയാം.

ഐആർഇഡിഎ

പുനരുപയോഗ ഊ‌ർജം, ഊർജ പരിപാലനം തുടങ്ങിയ മേഖലകളുടെ വികസനവും പ്രചാരണവും ഈ രംഗങ്ങളിൽ പ്രവർത്തിക്കുന്ന കമ്പനികൾക്കു ആവശ്യമായ സാമ്പത്തിക സഹായങ്ങളും സജ്ജമാക്കുന്നതും കേന്ദ്ര സർക്കാരിന് കീഴിൽ പ്രവർത്തിക്കുന്ന കമ്പനിയാണ് ഇന്ത്യൻ റിന്യൂവബിൾ എനർജി ഡെവലപ്പ്മെന്റ് ഏജൻസി (ഐആർഇഡിഎ) ലിമിറ്റഡ്. 1987ലാണ് കമ്പനിയുടെ തുടക്കം. മിനിരത്ന പദവിയുള്ള കമ്പനിയുമാണിത്. ബാങ്കിതര ധനകാര്യ സ്ഥാപനത്തിന്‍റെ ലൈസൻസും കരസ്ഥമാക്കിയിട്ടുണ്ട്.

മൾട്ടിബാഗർ ഓഹരി

എൻഎസ്ഇയിൽ 258.63 രൂപ എന്നതാണ് ഐആർഇഡിഎ ഓഹരിയുടെ വില. കഴിഞ്ഞ ഒരു മാസത്തിനിടെ 32.84 ശതമാനം വളർച്ച നേടാൻ ഓഹരിക്ക് സാധിച്ചു. 45 ശതമാനം മുന്നേറ്റമാണ് ആറ് മാസം കൊണ്ട് പൊതുമേഖലാ ഓഹരി നേടിയത്. 2024-ൽ ഇതുവരെ 174.14 ശതമാനം നേട്ടമുണ്ടാക്കാനും ഐആർഇഡിഎ ഓഹരിക്ക് സാധിച്ചു.

കഴിഞ്ഞ ഒരു വർഷത്തിനിടെ 331.05 ശതമാനം വളർച്ചയാണ് പൊതുമേഖലാ ഓഹരി നേടിയത്. 310 രൂപയാണ് 52 ആഴ്ചയിലെ ഏറ്റവും ഉയർന്ന ഓഹരി വില. 50 രൂപയാണ് 52 ആഴ്ചയിലെ ഏറ്റവും താഴ്ന്ന ഓഹരി വില.

ടാർഗെറ്റ് വില

ദീർഘകാലത്തേക്ക് ഓഹരിയിൽ നിക്ഷേപം തുടരാൻ ആഗ്രഹിക്കുന്നവർക്ക് 330 രൂപ ടാർഗെറ്റ് പ്രതീക്ഷിക്കാമെന്ന് മാർക്കറ്റ് വിദഗ്ധൻ രവി സിംഗ് പറഞ്ഞു. 250-260 രൂപ പരിധിയിൽ ഓഹരി വാങ്ങുന്നത് പരിഗണിക്കാൻ സിംഗ് നിക്ഷേപകരോട് ശുപാർശ ചെയ്തു. 240 രൂപയുടെ സ്റ്റോപ്പ് ലോസ് നിലനിർത്താൻ അദ്ദേഹം ഉപദേശിക്കുന്നു. ഐആർഇഡിഎ ഓഹരികൾ 255 രൂപയിലേക്ക് പിന്നോട്ട് നീങ്ങിയേക്കാം. അവിടെ ട്രെൻഡ് വിപരീതമാകുമെന്ന് അദ്ദേഹം പ്രതീക്ഷിക്കുന്നു.

ഓഹരി ഷെയർ 100-150 ശതമാനം വരുമാനം നൽകുമ്പോൾ, നിങ്ങളുടെ പ്രാരംഭ നിക്ഷേപം പിൻവലിക്കുക. ഇടയ്ക്കിടെ കുറച്ച് ലാഭം ബുക്ക് ചെയ്യുന്നത് തുടരാൻ നിക്ഷേപകരോട് അദ്ദേഹം ഉപദേശിച്ചു, അങ്ങനെ അവർക്ക് മറ്റ് ഓഹരികളിൽ നിക്ഷേപിക്കാനുള്ള അവസരം ലഭിക്കും.

ചാർട്ടുകളിൽ, ഐആർഇഡിഎയുടെ ആപേക്ഷിക ശക്തി സൂചിക (ആർഎസ്ഐ) 70 എന്ന 'ഓവർബോട്ട്' സോണിന് മുകളിൽ വ്യാപാരം നടത്തിയിരുന്നത് ഇപ്പോൾ ആ നിലയ്ക്ക് താഴെയായി. ഐആർഇഡിഎയുടെ നിലവിലെ ആർഎസ്ഐ 59.7 ആണ്.

വരുമാനത്തിൽ കുതിപ്പ്

2025 സാമ്പത്തിക വർഷത്തിലെ ആദ്യ പാദഫലം പുറത്ത് വന്നതിന് പിന്നാലെയാണ് ഐആർഇഡിഎ ഓഹരി മുകളിലേക്ക് ഉയർന്നത്. 384 കോടി രൂപയുടെ ലാഭമാണ് ഈ പാദത്തിൽ കമ്പനി നേടിയത്. കഴിഞ്ഞ വർഷത്തെ ഇതേ പാദത്തിൽ 295 കോടി രൂപയായിരുന്നു കമ്പനിയുടെ ലാഭം. പ്രവർത്തനങ്ങളിൽ നിന്നുള്ള വരുമാനം കഴിഞ്ഞ വർഷം ഇതേ പാദത്തിലെ 1,143 കോടി രൂപയിൽ നിന്ന് 32 ശതമാനം വർധിച്ച് 1,510 കോടി രൂപയായി.

അറിയിപ്പ്:

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.